Jeremías 4:5 - La'aqtaqa Ñim Lo'onatac 'Enauacna 2013

⁵ Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Jeremías 4:5 Referans Kwoze

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Josué 10:20

Qaq so Josué qataq so Israel le'ecpi co'ollaq mashe loxonec so amorreopi qataq ỹataqta qalota so ỹalauat, qalaxaye so laỹepi amorreopi maye ñaq nca'altauec, ỹe'egueneua'a co'ollaxa so maiche lalamaxat huaqta'a't nỹecpi maye huo'o so sansattec lpaqtaxat.

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Jeremías 35:11

Qalaxaye so Nabucodonosor maye nta'a ye Babilonia co'ollaq anac da ilaxachigui ne'ena 'alhua, nache qomi' qarhuennataxac da ñanaxa na Jerusalén da yaqto' sataxaueguesop so alleppi caldeopi, qataq so siiriopi, qaq nachera da huo'omshe souaqta'a na Jerusalén.»

Jeremías 11:2

«Na israel le'ecpi ña na'axaỹaxaachigui qome nam na'aqtacpi maye chegaqaigui de'era aỹamaxataxac. Ñaq 'autaxaỹot qome na shiỹaxauapi maye lma' ye Judá qataq na hueta'a na Jerusalén,

Jeremías 9:12

Qaq ¿negue't cam huo'o ca laỹaanec da yaqto' ỹaỹaten de'era? Qataq ¿negue't ca ỹauattonaxanaxanec co'ollaxa de'era Ñim Nataxala', da yaqto' camaye ishet da ỹa'axatem na laỹepi? ¿Ta'ainco' da nlachiguiñi ne'ena 'alhua, qataq deqaqta 'eeta'am ca toolec 'alhua, nache qaica ca ishet da quetalec?

Jeremías 5:20

«Qaua'axachem de'era nam chegoxoguet so Jacob, qataq qoñiỹapega na hueta'a na Judá, qoñeeta':

Números 10:3

Nache da qaỹashiiyiguilo que'ecaua nasheerel, nache 'enauac ne'ena nhuo' le'ecpi laỹona't da 'am naua'a, huaña ca ñegueuo ca npe'l maye naỹonqa'.

Ezequiel 7:14

Mashe qaỹashiiyigui ana nasheerepi da qaiỹaxaalec da alaataxac, qaq 'enauac na shiỹaxauapi naỹamaxat, qalaxaye qaica ca ishet da inoxonec da deloqui. Cha'aye Aỹem serolec qome da inogoxonaxac da sauo'o ca nhuaxanaguec da na'amqaanaxac na Israel le'ecpi.

Joel 2:1

Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Números 10:2

«'Auo'o't qome caua dos nasheerel 'auachegoxotaiguilo na lcat plata. Ime, nache 'auo'ogoxonalo caamaye da 'auỹaxaneuga da 'alaỹona't na shiỹaxauapi, qataq da ivita da jec 'anqa'en namayepi.

Isaías 28:19

Qaq qom ivita da anac nache qami' ỹauogoleeta'ape. Cha'aye 'enauaque qome naua na'axa'te da anac ye na'a'q qataq ye pe, qom choche qaua'aqaỹa da qaỹa'axatta'aguet, nache ỹataqta qami' iviloxolaqche't da qarcolanaqai.