Jeremías 4:4 - La'aqtaqa Ñim Lo'onatac 'Enauacna 2013

⁴ Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.

Jeremías 4:4 Referans Kwoze

Deuteronómio 10:16

Ỹoqo'oye qanqacheeua'a qome na qauemsat naua qarquiyaqtelli', qataq saishet da nache qoquiito'ot da sa qaualaqai.

Colosenses 2:11

Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.

Deuteronómio 30:6

Qataq Ñim Nataxala' nqateua'a qome na qauemsat naua qarquiyaqchilli', nataqa'en cam qami' chegoxogueta yaqto' da qarquiyaqteỹaxaqui qataq da qanachaalataxaqui ỹataqta ỹauotec Ñim Nataxala' maye Qanatamnaxala'ai, yaqto' nache 'eetai' da qarca'alletauec.

Jeremías 9:26

Ye Egipto, Judá, Edom, Amón qataq ye Moab, qataq 'enauac nam netalec ye toolec 'alhua maye npetec naua lqaic laỹel. Cha'aye 'enauac yi'iye nhuo' le'ecpi qataq nataqa'en 'enauac nam nhuo' Israel le'ecpi, da ỹataqta 'eesa da saq ỹataq na natamnot.

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Amós 5:6

Qaq ỹoqo'oye qanmichiỹaique qome Ñim Nataxala' yaqto' qanca'alleeuec, ten qom anacot ca norec nache talec naqa'en 'enauac na Israel le'ecpi, nache qaica ca anac nam Betel le'ecpi da ỹalamat camaye.

Sofonías 2:2

llaxatemaq ñaq saxanaxa da qami' qaichego'q da qoñeeta'am ca 'auaqpi, maye nacheye ye 'oonolec na'a'q huaigui da huaỹoxon; qataq da ñaq saxanaxa da qami' taleguete cam 'ettaigui layeloxo Ñim Nataxala', qataq ñaq saxanaxa da qami' nvitalo cam na'a'q maye huaigui ca layeloxo Ñim Nataxala'

Ezequiel 20:33

Cha'aye Aỹem Nataxala', maye Qanatamnaxala'ai, maiche ñañan da san da ỹa'aqtac, da qami' selo'oguelo qome sauota'a da ỹa'añaxac, qataq sachaxanec na ihuaq, qataq ñashetcheguem da inogoxonaxac,

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Lamentaciones 4:11

Ñim Nataxala' co'ollaq mashe ivita so laloqo' da layeloxo, nache saishet da ỹañoxot da nllañi nache ỹavigaxat ye Sión, nache ỹataqta ilaxachigui ivira'a so lo'oxonaxala'pi.

Ezequiel 24:8

Qalaxaye Aỹem nataqa'en sa'aqta'a qome na ltago'q da huetalec añi qaramta coma' yaqto' saishet da qaỹapolec, cha'aye ỹo'ot da 'eroigui da inogoxonaxac, qataq ỹo'ot da sepalaique ivi'.

Ezequiel 16:38

Aỹem 'am ñemit qome souaxat da 'arquisheguetaxac, qataq da 'aralaataxanaxac, qaq souaxat da inogoxonaxac qataq da ica'alaxanaxac nache 'am saneguet da nleuaxa.

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Ezequiel 6:12

Qaq cam qaỹoqta ca hueta'a nache ilem qome na nalolaxapi, qaq cam saqaỹapeque ca hueta'a qalaq ileuaigui qome ca alaataxac, qaq ca lca'alaxaicpi qome qalaq ilem qome na nqouaxa. Qaq 'era da sheetec qom ñashetcheguem da ỹayeloxo da sataỹa'aguet namayepi.

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jeremías 23:19

Da layeloxo Ñim Nataxala', 'eeta'am ca la'at lta'araic, 'eeta'am qome ca la'ana't la'at da ỹamaxañi nam qauemaicpi.

Jeremías 21:5

Qaq Nachaỹem da qami' seloguito qome, qami' seroleguete da lta'araic ỹa'añaxac, qataq dam 'eroigui ỹalemataic qataq da lta'araic ỹayeloxo.

Isaías 51:17

Ñaq 'anlouec, ñaq 'anlouec 'am Jerusalén, ña qoñesheguem. 'Am 'anque'etaxangui co'ollaxa da nnogoxonaxac Ñim Nataxala', qoneta'am ca nỹomgui aca ỹomaxaqui nache ivitta'a da qui'itchigui naqa'en, nache ivitta'a da ỹataqta da taxaic.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Ezequiel 21:17

Qaq nataqa'en Aỹem seuaxaata'a't qome naua ihuaxaye choche ivitta'a da vi'iiguet da ỹayeloxo. Qaq 'era da ỹa'aqtac Aỹem Nataxala'.»

Ezequiel 18:31

Qoquiỹa'ai qome 'enauac nam qauemsat maye ỹo'ot da Aỹem qauataiỹa'aguet, nache qanpogoxoiñiỹapegue' da dalaxaic da qarquiyaqteỹaxaqui, qataq da saq cha'a qarca'alaqai. ¿Ta'ainco' taxa da qaullivi qami' Israel le'ecpi,

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Romanos 2:25

Ỹataqta qaica ca naigui da huo'o ca ỹo'ot ca na'anaxashet na lo'oc da saishet da ỹalaxalec na nqataxacpi maye chegoqo'ot so Moisés. Camaye da sa ỹalaxalec namayepi, nache 'eeta'am da sa nauane' da huo'o ca na'anaxashet na lo'oc.

Levítico 26:41

qaq nachera da ỹo'ot qome da qami' sataỹa'agueta, qataq qanqo'oñiỹa ñaqa'en ca na'alhua ca qampa'aguenaxauaipi, yaqto' sa na'amaqten da qarquiyaqteỹaxaqui. Huaña, nache saishet da qauqolliguichi da qanhuaxanaguiiqui.

Isaías 10:17

Ñim Lo'onatac 'Enauacna maye Qui'itta, ñim icoỹattalec na Israel le'ecpi, Ñimaye 'eeta'am qome na le'eraxa ca norec, nache huaigui ca 'oonolec na'a'q da ỹavigaxat qataq nlaxaañi ana ỹaxat qataq na huouesat maye netalec ne'ena 'alhua.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

Jeremías 9:25

Ñim Nataxala', 'enapec: Anacta na na'a'q maye huaigui da sauo'o ca nhuaxanaguec 'enauac na nhuo' le'ecpi maye ỹo'ot na na'anaxat da lo'ocỹaxac:

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›

2 Crónicas 34:25

Cha'aye aỹem ca'ai namayepi, qataq ỹavigaxat so lchenaxanaxat da ỹaatacot so ỹaqa'a atamnaxala'pi, nache ỹo'ot da ỹataqta salemata, souaxat 'enauac nam ỹo'otpi, qaq ỹoqo'oye ỹataqta 'eroigui da ỹayeloxo, maye talec qome ne'ena 'alhua, nache saishet qome da 'om.

Jeremías 15:14

Aỹem so'ot qome da 'am l-latac na 'ampa'aguenaxauapi da huaña cam 'alhua maye saishet da 'auauana co'ollaxa, cha'aye da ỹayeloxo mashe 'eroigui 'eeta'am ca norec da 'am ỹavigaxatta qome.»