Jeremías 4:31 - La'aqtaqa Ñim Lo'onatac 'Enauacna 2013

³¹ Aỹem sa'aqtega da na'alaxac souaxat da qui'ic, 'eeta'am aca 'alo da cheta'ague da deco'o, qalaxaye nacheye yem Sión da la'alaxac de'era, maye dachottac qataq ỹaatrauec naua lhua'q nache, 'eeta': ¡Choxoraxaso' aỹem! ¡Aỹem ỹalauat qome na laataxanaxaicpi!»

Jeremías 4:31 Referans Kwoze

Lamentaciones 1:17

Ye Sión ỹachaxaatrashegue'm naua lhuaxaye da nachoxoreetac, qalaxaye qaica ca ỹa'añaqchet. Ñim Nataxala' ỹamaq na lauoreuapi so Jacob da npa'aguene' somaye, nache namayepi ỹataqta deqaiga ye Jerusalén.

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Jeremías 13:21

Qaq ¿'eetec qome ca 'ara'aqtac 'am Jerusalén qom ivita da 'am ilo'ogue nam shiỹaxauapi maye maiche 'arapaxaguenatacpi co'ollaxa? Qaq 'am nvita qome ca 'anqui'ic maye 'eeta'am da nqui'ic aca 'alo da deco'otapigui'.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

1 Corintios 9:16

Da sa'axattac da no'on na'axaỹaxac, qaq saishet da sauotaique da aỹem ỹo'oxoraq. So'ot damaye, cha'aye aỹem ỹamaxalec Ñim Lo'onatac 'Enauacna. Qaq ¡choxoraicolec aỹem da saishet da so'ot damaye!

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

Oseas 13:13

Qaq na Israel nvita qome ca nqui'ic, 'eeta'am aca 'alo da deco'o, qalaxaye namayepi 'eeta'am ca nogotolec da sanaỹamaq, nache saishet da maiche naỹamaxaañi da ñiguiñi.

Lamentaciones 2:21

Nam nsoxoppi qataq na ỹa'axaiquipi qalaq huetaiya' huetanguilo naua nqa'aico, som ỹalamaxat nsoxoppi qataq so qa'ampiolec qalaq qaỹalauat qairolec so ỹeelonec, som na'a'q co'ollaq 'aualemata nache 'aualauat. ¡Ỹataqta sa'auchoxonnai' co'ollaxa da 'aualauat!

Lamentaciones 1:20

¡'Am Nataxala', ña 'aumeten da ỹachetataic! ¡Ñanomteguet da ỹataqta lta'araic lqui'ic ana itogue! Da ñequi'ic qalaq ipataqta'a't añi iquiyaqte, naxa da tachigui iuel da aỹem sa salaq. De'era pa'auec, huaña da qaỹalauat so ỹalaqpi qairolec so ỹeelonec, qaq ne'ena npa'auo nataqa'en hueta'a da nleuaxa.

Jeremías 50:43

Qaq ñi nta'a ye Babilonia co'ollaq ỹaỹaten de'era, nache ỹataqta qaica ca la'añaxac souaxat da lcolanaxa, qataq huo'o da laquicoxo qataq da nqui'ic, 'eeta'am aca 'alo maye deco'otac.

Jeremías 49:24

Ye Damasco mashe qaica ca la'añaxac, nache huotaique da datauec. Qalaq sa nalo'oguet da lta'araic lli'iỹaxa, laquicoxo, qataq da nqui'ic, 'eeta'am aca 'alo da deco'otac.

Jeremías 49:22

Na pa'aguenaxauapi anac qome da iloquiaxan ye Bosra, 'eeta'am ca vi'ic da ipegueere'c naua laua't, qaq que'eca na'a'q nache na alaataxaicpi ye Edóm, ỹataqta iviloxol qome 'eeta'am aca 'alo da deco'otac.»

Jeremías 48:41

Na huaqta'a't nỹecpi qataq na lpaqtaxatpi loxonec qome nam mpa'aguenaxauapi. Qaq que'eca na'a'q na alaataxaicpi ye Moab qalaq iviloxol qome 'eeta'am aca 'alo da deco'otac.

Jeremías 45:2

«Qaq 'era da la'aqtac Ñim Nataxala' maye Natamnaxala' na Israel le'ecpi, 'eeta': ‹'am Baruc,

Jeremías 30:6

Ñaq qaunataxañi da huo'otaq huo'o ca ỹale da ishet da deco'o. Qalaq ¿ta'ainco' nagui da selota'a na ỹalleppi da lpataxaatac na lasot 'eeta'am da nqui'ic aca huotaique da deco'o? ¿Ta'ainnco' da 'enauac namayepi da napagaqtec?

Jeremías 22:23

Qaq 'am nagui 'avi'imaqtac qonetangui na 'arpata'c, qonetangui na cedropi maye chegaqauga ye Líbano, ¡qalaxaye yaqta'a da huo'o ca 'anque'eenaxac qom 'am nvita ca 'anqui'ic, maye 'eeta'am da nqui'ic da nco'oxoc!»

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 15:18

¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Jeremías 14:18

Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Jeremías 10:19

¡Choxoraicolec aỹem ỹataqta lta'araic da ñequi'ic! ¡Na ique'emaxapi qalaq qaica ca lata'! ¡Qaq aỹem sepettega da ishet ñala'aguet de'era ñequi'ic!

Jeremías 6:2

Aỹem mashe yaqta'a da selaxachigui nam 'onaxaic qataq huo'o da lyac huaqta'a't nỹecpi ye Sión,

Isaías 42:14

Ñim Nataxala', 'eeta': «Ỹataqta qaỹoqteguelo soua vi'iye da ñe'emaxat, aỹem ỹataqta she'emaqtom qataq qaica ca sa'axat, qalaxaye nagui ña'alaqteguiñi qome sheeta'am aca 'alo da deco'otapigui' dachottac qataq ñaxaatrauec naua la'a'che.

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Isaías 13:8

Nache nlaxagui qome da lcolanaxa, qataq lta'araic da lachetataic qataq da nqui'ic, nache ncocateguiñi 'eeta'am aca 'alo da deco'otapigui', qaq ñi 'oonolec da ilota'a ñi lỹa qalaq ỹe'elaq, qataq napaqhuec na lashec souaxat da la'agaxa.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Salmos 120:5

Qaq choxoraicolec aỹem ye choche sachegaqauec da sootaña na Mesec, qataq da sootaigui na npe'lpi na Cedar.

Da na'aqtaguec so Job 10:1

«¡Qaq aỹem mashe ñasamiisop da ñaq ñeca'altauec! Ỹoqo'oye ñematcheguem da ñasaxauec 'enauac na sa saỹamaxarenpi, qataq ñeqatsheguem 'enauac na ñequi'iguesat.

Génesis 27:46

Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Isaías 26:17

'Am Nataxala', 'am souaqto'ot co'ollaxa, shenaqta'am aca 'alo hualaxai maye mashe deco'otapigui' da ncocateguiñi, qataq ỹa'alaqtac souaxat da nqui'ic,

Miqueas 4:9

Qaq nagui, ¿ta'ainco' da ỹataqta 'ana'alaqtapiguiñi, qoneta'am aca 'alo da deco'otapigui'? ¿Peta'a qaico' ca 'am ilotague' nta'a, qalqo' mashe ileu cam 'auachegoxottacot nam nqataxacpi?

Miqueas 4:10

Qaq 'am huaqta'a't nỹecpi na Sión, 'ancogañi qome, qataq 'ana'alaxañe, qoneta'am 'aca 'alo da deco'otapigui', cha'aye nache 'am chegaqaigui qome na shiỹaxauapi, da tauga na no'onaxa da yaqto' nalec, nache ivitta'a ye Babilonia. Qalaxaye nache huaña qome yemaye da Ñim Nataxala', isouec na lalamaxat nhuo' le'ecpi, qataq nca'alaxateeguesop da lhuaqỹaxac na npa'aguenaxauapi.