Jeremías 4:30 - La'aqtaqa Ñim Lo'onatac 'Enauacna 2013

³⁰ Qaq 'am huaqta'a't nỹecpi ye mashe 'am nlachiguiñi, Qaq ¿negue't ca 'auo'ot nagui? Ye qaica ca naigui da 'aỹa'aatrañi naua 'ogo togaxaraiqa, qataq da 'aỹa'aatañi ana 'ano'otaqte oro, qataq da 'aua'ame'n naua 'ara'ai'te. Cha'aye na 'anauonaxauapi 'am ỹo'otan qome, qataq nmitaique ca lataxac da 'am ỹalauat.

Jeremías 4:30 Referans Kwoze

2 Reyes 9:30

Qaq co'ollaq ime de'era, nache so Jehú, taỹa ye Jezrel. Qaq aso Jezabel co'ollaq la'axaỹaxac de'era, nache asomaye ỹa'ame'n naua la'ai'tel, qataq ỹo'ot so llo'oxoraxat na laue, ime nache dalletaviigui so nalloxoqui so nỹec.

Lamentaciones 1:19

Aỹem, seỹaxaatega nam ñauochaxauapi da yaqto' aỹem itauan, qalaxaye namayepi aỹem ỹatenachet. Som itaxaỹaxanaxanecpi qataq som ỹa'axaiquipi maye ỹataxala'pi, somayepi ileu huaña ye huaqta'a't nỹecpi, co'ollaq nmittaique ca aloq da yaqto' nache queta da nca'altauec.

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Isaías 10:3

Qaq ¿hua'ago' ca 'eetec qom ivita da ỹaneuo da lo'onataxanaxac, qom ilota'aguet da ña qaỹoqteguet cam nhuaxanaguec namayepi? Qataq ¿negue't ca ỹe'eguenot da yaqto' itauan? Qataq ¿hua'ague qome ca ỹacha'ague da lsallaxa?

Ezequiel 28:13

'Am qoueta'a co'ollaxa ye Edén, yem lanaxanaqa' Ñim Lo'onatac 'Enauacna, 'am llo'oxoraxat co'ollaxa na ỹotta'a't no'on coma'pi, na rubí, crisólito, jade, topacio, cornalina, jaspe, zafiro, granate qataq na esmeralda; ana 'ano'otaqtepi qataq ana 'arshetepi qalaq chegaqaigui na oro, maye qaiqataxaatai' so na'a'q co'ollaq 'am qaỹo'ot.

Jeremías 13:21

Qaq ¿'eetec qome ca 'ara'aqtac 'am Jerusalén qom ivita da 'am ilo'ogue nam shiỹaxauapi maye maiche 'arapaxaguenatacpi co'ollaxa? Qaq 'am nvita qome ca 'anqui'ic maye 'eeta'am da nqui'ic aca 'alo da deco'otapigui'.

Isaías 20:6

Qaq que'eca na'a'q nache 'enauac qome na netaña yi'iye loigue, 'eeta': ‹Ña qauloỹa da ivireguet nagui yem ñaquitaqtalec naxa, yem seỹaxanaqtega naxa da qomi' itaua'n da yaqto' qomi' isoueeguesopa ñi nta'a ye Asiria. Qaq nagui ¿ca 'eeteco' da ñeca'alaxauec?›»

Apocalipsis 17:13

Qaq se'esoua diez nta'al 'oonolec da lhuennataxa'c, nache ỹanem da la'añaxa'c qataq da lamaxasoxonaxac da yaqto' lataxala' so shiguiỹac leguemaxaic.

Apocalipsis 17:4

Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en.

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Ezequiel 28:9

¿Qaq nache qoqueto'ot peta'a da qonetega 'am atamnaxala', da 'auatata'aguet ca 'am ỹalauat? ¡Qom 'am loxonec cam 'am ỹalauat qome, qalaq qoneta'am ca choche shiỹaxaua!

Lamentaciones 4:17

Naua qara'ai'te qalaq mashe nasamyiñi, qaica ca naigui da seuataqtaique cam qomi' itaua'n, da qanaquitaxac da seuataqta'aguet da lviraxac nam shiỹaxauapi maye saishet da deca'alaqtaxan.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Proverbios 6:25

Saishet qome da 'auqopitta'a da lyacỹaxac acamaye, qataq sa 'anañaneguet da 'am loxonec da lmeenaxanaxac.

Proverbios 7:10

Nache aso 'alo sanaỹaloxon da nca'ateuga somaye, qaq da lataxac qataq da no'otaxac yo'oqta da quisheguetaxai,

Jeremías 22:23

Qaq 'am nagui 'avi'imaqtac qonetangui na 'arpata'c, qonetangui na cedropi maye chegaqauga ye Líbano, ¡qalaxaye yaqta'a da huo'o ca 'anque'eenaxac qom 'am nvita ca 'anqui'ic, maye 'eeta'am da nqui'ic da nco'oxoc!»

Jeremías 30:14

'Enauac nam 'anauonaxauapi 'am icoua'ai, mashe saishet da 'am qochetega. Cha'aye Aỹem 'am seque'emaqchet, sheeta'am ca 'ampa'aguenaxaua, sauo'o so lta'araic 'anhuaxanaguec, souaxat na qalota qauem maye 'auo'otpi. Qataq souaxat nam qalota 'arasouaxashetpi.

Abdías 1:7

Qaq nache 'enauac nam 'am itauaatacpi co'ollaxa, ỹataqta 'am ỹatenachet, nache 'am ỹo'orauec, qoca'ai naqa'en ye maiche 'ana'alhua. Qataq ivira'a nam 'anauochaxauapi da 'am dataỹa'aguet, nache namayepi ỹanangui na 'ec ana lqoinapi. ¡Cha'aye 'am Edom, ỹataqta qaica ca 'araỹaanataxanaxac!