Jeremías 4:28 - La'aqtaqa Ñim Lo'onatac 'Enauacna 2013

²⁸ Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.

Jeremías 4:28 Referans Kwoze

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Isaías 50:3

Aỹem, sapolec na piguem na napalaxa, 'eeta'am ñaqa'en da ỹaayiñi caua nogo maye nasouaxaqui'.»

Isaías 5:30

Qaq que'eca nhuo' le'ecpi qom ivita cam na'a'q maye naloqnec, nache da l-lamaxa dauaxan qome 'eeta'am aso auaxai, qom dataỹa'aguet na Israel le'ecpi, qaq da huo'o ca imeten ana 'alhua, nache ila'a qome da imattalec ca napalaxa, ca lo'oc na piguem qalaq ỹapo'oguet na yo'oqchiguiñi.

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Hebreos 7:21

Qalaxaye co'ollaq qaỹa'axat So Cristo, nache Ñim Lo'onatac 'Enauacna ỹan da la'aqtac, nanettalec ana nere maye huetalec na la'aqtacpi Ñimaye, 'eeta': «Ñim Lo'onatac 'Enauacna ỹan da la'aqtac, da 'eetega ipacchigui maye 'eeta': ‹Da 'aro'onataxanaxac da 'am ntaxaỹaxanaxanec chochaq tatec.› Qaq Ñim Lo'onatac 'Enauacna saishet da naralaxat ca lhuennataxac.»

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Lucas 23:44

Co'ollaq mashe na'a'q laiñi choche ivitta'a da dasheta añi nala', nache 'enauac ye 'alhua ỹataqta napalñi,

Marcos 15:33

Qaq co'ollaq mashe na'a'q laiñi, nache huo'o so napalaxa, ima'a't 'enauac ana 'alhua. Choche ivitta'a da dasheuec añi nala'.

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Joel 1:10

Qaq na no'onaxapi ỹataqta toolec qataq na 'alhuapi deqaqta, nache qaica na trigo qataq na lataxa qataq imeuo na aceite.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Ezequiel 24:14

Qaq Aỹem Nataxala', ñasaxauec de'era qaq damaye ipacchigui qome. Maiche Aỹem da so'ot qome damaye, nache saishet da saipaigui ñaqa'en, saishet qome da 'am sechoxoreetac, qataq saishet qome da ñetogottac. Sauo'o qome ca 'anhuaxanaguec souaxat da qauem 'arataxac, qataq nam 'auo'otpi. Qaq 'era da ỹa'aqtac Aỹem Nataxala'.»

Jeremías 30:24

Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.

Jeremías 23:20

Da layeloxo Ñim Nataxala' saishet qome da vi'iiguet, choche ivitta'a da Ñimaye ipacchigui cam 'eetapeguec. Qaq anacte' caua na'axa'te maye huaiguilo qome da qauennataxañi, qataq da qauaỹaañiteguet de'era.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Isaías 34:4

Ana huaqaañipi qalaq colaxagui qome, na piguem qalaq 'eeta'am qome aca nere da qainanegue, qataq 'enauac ana huaqaañipi da naañi qome, 'eeta'am ana laue ana uva qataq hiigo da deqaqa nache naañi.

Isaías 24:4

Ana 'alhua deqaqa qome qataq nquictañi da la'añaxac, qataq 'enauac na huetalec ana 'alhua deqaqta qataq nquiguiñi da la'añaxac, nache na piguem qataq ana 'alhua nlaqchigui qome da naquicoxo.

1 Samuel 15:29

Cha'aye Ñim Lo'onatac 'Enauacna nacheñi ñi llo'oxoraxat na Israel le'ecpi, Ñimaye sa datenataxan, qataq saishet da huo'o ca ntogottague'. Cha'aye Ñimaye saishet da choche shiỹaxauatto da huo'otaq ntogottac.

Jeremías 51:12

¡Qauauo'oi aca la'anaqte da qauloquiaxañi ye Babilonia, nache qaulaxachiigui na lpaqtaxatpi! ¡Qataq qanquigaxacheeuec na nauanaxanaxanecpi qataq nam nauanaxanaxanecpi na pa'asheguem! ¡Qataq qauauo'oi na qanqañoxotaqaipi! Cha'aye Ñim Nataxala' ỹaỹamaxaañi qataq ipacchigui da ỹo'ot nam lapaxañipi maye ỹa'axatta'a co'ollaxa da dataỹa'aguet na lma' ye Babilonia.

Lamentaciones 2:17

Ñim Nataxala', mashe ỹo'ot dam lapaxañi co'ollaxa, nache ipaqueelec som la'aqtac, maye ỹan co'ollaxa soua qaỹoqteguelo vi'iye. Nache saishet da 'am ichoxoreetac da 'am ilaxachigui, qataq hua'aqta'a na 'ampa'aguenaxauapi da 'am ne'eetapigui, qataq nquigaxatsheguem da la'añaxac na 'ampa'aguenaxauapi.

Zacarías 8:14

'Era da la'aqtac Ñim Nataxala' maye Qaica ca Ỹaqalanapec 'eeta': «Aỹem maiche iuennataxac co'ollaxa, da sauo'o da nhuaxanaguec som qauachegoqoiguet qarta'ailpi, co'ollaq aỹem inogoqchet, nache saishet da ñetogottac.