Jeremías 4:27 - La'aqtaqa Ñim Lo'onatac 'Enauacna 2013

²⁷ Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Jeremías 4:27 Referans Kwoze

Jeremías 46:28

'Am Jacob, maye 'am ỹamaxashec saishet qome da 'añi'i, cha'aye Aỹem 'am soota'aguet. Qaq 'era da ỹa'aqtac Aỹem Nataxala'. Qaq na'aictaxa da ñematchiguiñi qome nam ỹotta'a't shiỹaxauapi maye 'aỹa ñaqa'en co'ollaxa. Qalaxaye 'am saishet da 'am selaxachigui, nacherata da 'am serolec da nalochiguiñi lataxac da 'am ñimit. Qalaxaye saishet da sa sauo'o ca 'anhuaxanaguec.»

Jeremías 5:18

«Qalaxaye que'eca na'a'q, saishet qome da imauec da qami' selaxachiguilo. Qaq 'era da la'aqtac Ñim Nataxala'.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Ezequiel 11:13

Nache co'ollaq ñaq sa'axattac da la'aqtac Ñim Nataxala', nache huañi so Pelatías som llalec so Benaías nache ileu. Qaq huaña nache aỹem sa'alyiñi naua illecte, nache ñanaqñi seviraxata'aguet na ỹatap na 'alhua, nache ña'axannec so ỹa'alaxac, sheeta': «¡Aicoue 'Am Nataxala'! ¿Peta'a 'anmatchiguiñi qome nam saq 'amaqtaq maye no'onañi na Israel?»

Levítico 26:44

Qaq na'aictaxa da ñaq qoñiitaña ca na'alhua ca qampa'aguenaxauaipi, qalaxaye saishet qome da qami' so'ota'n, qataq saishet da qami' imereuo ñaqa'en, cha'aye saishet da ñelaxaañi so ñaỹamataxac co'ollaq ñaỹamaxate' so qarta'ailpi. Qaq 'era da ỹa'aqtac, Aỹem Nataxala' maye Qanatamnaxala'ai.

Ezequiel 33:28

Nache so'ot qome da toolec qataq nlachiguiñi ne'ena 'alhua, qataq selaxachigui dam la'añaxac maye ỹo'ottac da ño'oxonnaxac. Qaq aye qasoxonaxapi ye Israel qalaq toolec qome, nache qaica qome ca ỹa'axasoxoolec ayemayepi.

Ezequiel 6:14

Aỹem ñauaxaỹaxaasheguem qome na ihuaq, da sauo'o ca qanhuaxanaguiqui, qaq nache chegoqchiguiña qome ye toolec 'alhua maye pa'aigue da taguiñi, nache ivira'a ye Ribla maye pa'aigue da sheu', da she'eguelaxata qome da toolec qataq chaqaic na qana'alhuai, qataq 'enauac nam nma'pi maye qoñiitaña. Qaq huaña qome nache qauaỹachiñi, da nachaỹem maye Aỹem Nataxala'.»

Jeremías 18:16

Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Isaías 24:1

Ña qauloỹa da Ñim Nataxala' nlaxaañi qome ana 'alhua, nache qaica qome ca no'onañi da huetalec anamaye, qataq ỹataqta qaica ca laỹamaqa' naqa'en qataq ilagaxattac 'enauac nam huetalecpi anamaye.

2 Crónicas 36:21

da yaqto' ipacchigui som la'aqtac co'ollaxa Ñim Lo'onatac 'Enauacna maye chegoqchigui naqa'en so la'aqtaxanaxanec Jeremías. Qaq 'era da 'eetec da se'eso 'alhua nque'etaxaachigui da nmataxac, cha'aye nmateeguesopa 'enauaque se'esoua vi'iye maye huetaiguilo da qaica ca lyac, choche ivitta'a da inoxoore'c soua setenta vi'iye.

Nehemías 9:31

Qalaxaye souaxat da lta'araic 'arauotaxanaqtaic, nache saishet da 'aulaxachigui somayepi, qataq saishet da 'aualat, cha'aye 'am maye Atamnaxala', ỹataqta 'am huotaxanaqtaqaic qataq 'am choxonnataxanaxaic.

Jeremías 4:20

Qataq mashe nvi' da na'axaỹaxac da nacalec lỹa nam qailaxachiguipi, 'enauac ne'ena 'alhua qanlaxaañi. Qataq choche nque'elaxatta da qanlaxaañi na ỹanataqa'pi qataq ỹataqta nlachiguiñi qanqa'en so ipe'lpi.

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Jeremías 44:6

Qaq ỹoqo'oye 'eroigui da ỹalemataic, qataq da ỹayeloxo, nache nalaqaasheguem 'eeta'am ca norec da ỹavigaxat so huaqta'a't nỹecpi maye ỹotta'a't naua nañalo ye Judá, qataq so nqa'aicpi ye Jerusalén. Nache ỹataqta nlachiguiñi qataq toolec choche ivitta'a nagui.›

Ezequiel 20:17

Qalaxaye, huo'o co'ollaxa da ichoxonnataxanaxa namayepi, nache saishet da selaxachigui qataq da ñematchiguiñi co'ollaq huaña yem toolec 'alhua.

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Isaías 17:6

yem huaña qome aca no'onañi maye qaicoua'ai. Qataq 'eeta'am aca oliivo da qaỹacholaxan, nache dos huo'otaq tres cauatai' no'oirañi ala aca 'oonole lcoue, huo'otaq cuatro huo'otaq cinco caua no'oirañi aca 'oonole lcheyec. Qaq 'era da la'aqtac Ñim Nataxala' maye Natamnaxala' na Israel le'ecpi.

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!