Jeremías 4:26 - La'aqtaqa Ñim Lo'onatac 'Enauacna 2013

²⁶ Qataq samata'a nam no'on uva lma'pi qalaq ỹataqta toolec, qataq 'enauac som huaqta'a't nỹecpi ỹataqta nlachiguiñi. Cha'aye da ỹataqta chaqaic layeloxo Ñim Nataxala', nachera dam ỹo'ot da huo'o de'era.

Jeremías 4:26 Referans Kwoze

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 12:13

Namayepi ỹaañi na trigo, qalaxaye da deqataxan nache nqat ana ỹaxat; 'enauac da lo'onatacpi da qaica ca naigui. Da lqataxanaxac qalaq qaica ca naigui, souaxat dam 'ettaigui ỹayeloxo.»

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Jeremías 25:11

Qaq 'enauac qome ne'ena 'alhua da ỹataqta nlachiguiñi qataq logosheguem qome. Qaq ivittrec qome caua setenta vi'iye da ne'ena ỹotta'a't shiỹaxauapi do'onataxaatacot ñi nta'a ye Babilonia.

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!