Jeremías 4:24 - La'aqtaqa Ñim Lo'onatac 'Enauacna 2013

²⁴ Qataq samato'ot ana qasoxonaxapi nache ỹataqta cholaxaatac, qataq 'enauac ana lcomaraxalatepi da ỹataqta iviloxoltac.

Jeremías 4:24 Referans Kwoze

Ezequiel 38:20

Qaq na nỹaqpi aso auaxai, qataq na maỹopi piguem le'ecpi, qataq na shiguiỹacpi maye huauec, qataq nam ỹotta'a't hualectapigui', qataq 'enauac na shiỹaxauapi ana 'alhua, iviloxol qom aỹem datato'ot. Qaq ana qasoxonaxapi qalaq qalagoxoñi qome, ana lcomaraxalatepi qalaq dacagueñi qome, qataq 'enauac na mpaqtaxanaxatpi hua'axauec qome.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Isaías 5:25

Qaq ỹoqo'oye Ñim Nataxala' dalemataỹa na lalamaxat nhuo' le'ecpi souaxat de'era, nache nauaxaỹaxaasheguem qome na lhuaq da yaqto' iuaxan namayepi. Qaq ana qasoxonaxapi qalaq cholaxan qome qaq na leuaxaicpi qalaq 'eeta'am ca lasogoñi da huetaiya' huetangui na nqa'aicpi. Qalaxaye da layeloxo Ñim Nataxala' saishet qome da vi'iiguet, nache queto'ot da lasauaqtaxanaxac.

Miqueas 1:4

Qaq ana qasoxonaxapi quiguiñi qome souaxat da pelec Ñimaye, 'eeta'am ana dapic lapa da qaỹasaxangui ca norec nache quiguiñi. Qaq nam ca'amapega't 'alhuapi qalaq colaxagui qome, 'eeta'am na 'alhua da ichec ca ỹataqta chaxaguet la'auaxac na 'etaxat.

Salmos 97:4

Na lqashelgaxa Ñimaye qalaq icoỹarelec ana 'alhua, nache ana 'alhua co'ollaq ila'a nache cholaxan.

Salmos 18:7

Qaq huaña nache daỹapec qataq cholaxan ana 'alhua, qataq daỹa'ape naua na'attaleguete ana qasoxonaxapi, ỹataqta cholaxa'n souaxat da lalemataic Ñimaye.

1 Reyes 19:11

Nache Ñim Nataxala', 'enapeco': «Ñaq 'ampa'auec, nache aỹem 'auataỹot da qoueta'a ana'ana qasoxonaxa.» Qaq Ñim Nataxala', nache nateuga co'ollaxa yemaye, huaña nache anac so la'at lta'araic, nache depoqogui naqa'en aso qasoxonaxapi, qataq dolagui naqa'en aso coma'pi, qalaxaye Ñim Nataxala' saishet da huetaigui se'eso la'at. Qaq co'ollaq ỹoxogue se'eso la'at, nache huo'o so nacholaxanaxa, qalaxaye Ñim Nataxala' ñaqaiyeta saishet da huetaigui somaye.

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Salmos 77:18

Nache qaỹa'axaỹa na lalataxa Ñimaye, chemaqtapoigui ana daua'ache, nache ana 'alhua yo'oqchiguiñi souaxat na lqashelgaxa, nache ana 'alhua deraỹapec souaxat na nacholaxanaxa.

Apocalipsis 6:14

Qaq na piguem qalaq nquicta'a't da sa qaila'a, 'eeta'am da 'eetec da qainana't aca neraxanaxalate, qataq 'enauac anam qaỹoqotcheguemec 'alhuapi qataq anam ỹaqauga 'alhuapi qalaq nqochen ca'ai na hueta'api.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Isaías 13:13

Huaña nache cholaxan ñaqa'en na piguem, qataq ana 'alhua ca'ai ye hueta'a souaxat da inogoxonaxac que'eca na'a'q, qataq dam 'ettaigui ỹalemataic.

Isaías 24:20

Qataq 'eeta'am ca taxaic da ỹe'egottapigui', qataq cholaxaatac 'eeta'am catai' npe'l maye sa da'añaañi. Qaq souaxat da ipataqtañi nam lasouaxashetpi namayepi, nache ivitta'a da huañi nache saishet da ỹe'eguelaxa da nachaañi.