Jeremías 4:23 - La'aqtaqa Ñim Lo'onatac 'Enauacna 2013

²³ Aỹem samatalec ana 'alhua, nache qaica ca laỹamaqa' qataq toolec. Qataq samato'ot na piguem, nache ỹataqta napalñi.

Jeremías 4:23 Referans Kwoze

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Génesis 1:2

Qaq ana 'alhua saxanaqca co'ollaxa ca laỹamqa', nda'a't da auaxai maye ỹataqta qaỹoqchiguingui qataq napalñi, qaq so Saqcha'a La'añaxac Ñim Lo'onatac 'Enauacna coleetapeguelec na 'etaxat.

Amós 8:9

Qaq que'eca na'a'q, 'enapec Ñim Nataxala', aỹem, so'ot qome da pal na le'eraxa añi nala' da na'a'q laiñi, nache que'eca na'a'q laiñi qalaq ỹataqta napalñi ñaqa'en ana 'alhua.

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Isaías 5:30

Qaq que'eca nhuo' le'ecpi qom ivita cam na'a'q maye naloqnec, nache da l-lamaxa dauaxan qome 'eeta'am aso auaxai, qom dataỹa'aguet na Israel le'ecpi, qaq da huo'o ca imeten ana 'alhua, nache ila'a qome da imattalec ca napalaxa, ca lo'oc na piguem qalaq ỹapo'oguet na yo'oqchiguiñi.

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 2:12

¡'Am piguem, 'aue'elaq qome souaxat de'era! ¡Qataq 'aviloxol qome souaxat da 'arcolanaxa! Qaq 'era da ỹa'aqtac, Aỹem Nataxala'.

Lamentaciones 3:2

Ñimaye aỹem ỹauega nam 'alhuapi maye ỹataqta napalñi, shectague' naqa'en so nqa'aic maye qaica ca lcoỹaraxat.

Zacarías 14:6

Qaq que'eca na'a'q, qaica qome ca yo'oqchiguiñi, qataq qaica ca latomaxa.