Jeremías 4:22 - La'aqtaqa Ñim Lo'onatac 'Enauacna 2013

²² «Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Jeremías 4:22 Referans Kwoze

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

Romanos 16:19

'Enauac qaỹaỹaten da qami' ỹataqta qaualaqaiguet Ñim Lo'onatac 'Enauacna, ỹoqo'oye aỹem ỹataqta samachiguiñi. Qaq ñeshetaique da ỹataqta qauachaxañi da ỹataqta sa qanqalache da qauo'oche ca no'on, qalaxaye saishet da qauo'oche ca qauem.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Romanos 3:11

Qataq qaica ca huo'o ca ỹaỹaten, qataq qaica ca nshetaique da nmittaique Ñim Lo'onatac 'Enauacna.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Romanos 1:22

Namayepi ipettega da 'enauac da ỹaỹaten na lataxac, ỹoqo'oye namayepi ivira'a da sanaỹamaxatapecpi.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Miqueas 2:1

Choxoraicpiolec qome nam shiỹaxauapi maye nda'a't da tatapigui lauel na qauempi, ivira'a da huetalec ca lmala' qalaq lapaqtapiguiñi da ỹo'ot na qauem, qaq da choche yo'oxoñi nache ỹacoolec da ỹo'ot nam tatapigui lauel, cha'aye namayepi hueto'ot dam na'añaxac.

Deuteronómio 32:28

Na Israel le'ecpi, namayepi mashe sa naỹaten, ¡qataq qaica ca laỹaanataxanaxac!

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 1:3

Ca nauegaxanaxala' huaca ỹauatton ca na'aco', qataq ca 'ashena ỹauatton ca lquia'axanataxanaqa' ca na'aco', qalaxaye na Israel le'ecpi nam nhuo' le'ecpi maye ỹalamaxatpi, saishet da aỹem ỹauatton qataq qaica ca lauattonaxanaxac.»

Jeremías 5:4

Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Lucas 16:8

Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

2 Samuel 13:3

Qalaxaye so Amnón huo'o co'ollaxa so nauochaxaua, le'enaxat Jonadab som llalec so Simea, maye lqaỹa so David, qaq somaye ỹataqta sanqalaate' da huo'o ca ỹoicnapec.

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

Salmos 53:4

Qaq ỹataqta qaica ca laỹaanataxanaxac 'enauac na ỹo'ottac na qauem, nam chectac na ỹalamaxat nhuo' le'ecpi 'eeta'am da chec ca nallec, qataq saishet da iỹaxaatega da le'enaxat Ñim Lo'onatac 'Enauacna.

Salmos 82:5

Qalaxaye namayepi qaica ca ỹaỹaten, qataq qaica ca ỹaỹaanapec, cha'aye namayepi quetaigui na napalaxa, nda'a't da ỹacholaxaatac na na'attalecpi ana 'alhua.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Ezequiel 16:30

Aỹem Nataxala' da ỹa'aqtac, 'eeta': ¡Ỹataqta qauem co'ollaxa dam 'arquiyaqteỹaxac, ye ỹo'oto' 'enauac nam lataxacpi maye ỹo'ottac aca quisheguetaxai maye qaica ca la'agaxa!

Amós 3:10

Qaq da la'aqtac Ñim Nataxala', 'eeta': «Namayepi sa ỹaỹaten da ỹo'ot ca ỹaỹamaqchiguiñi lataxac, qataq ỹoxotoiguilo naua nma'ate lta'araiqa na lcachaxatpi, maye ỹachegoxotaigui da qaica ca iren».

Génesis 39:16

Qaq ime, co'ollaxa nache asomaye ỹaỹamaxa't soua alogo so José, nache ivitta'a da nvireua'a so lma' so lhua.

Salmos 36:4

Qataq da nnaatalec ca lmala', nache ỹaqataxaatapigui' da ỹo'ot na qauem, cha'aye saishet da ỹaxanec da qauem llecỹaxac, qataq saishet da ỹaxanec na qauemsat.

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 9:5

Ñi 'oonolec qalaq ỹe'enai' ñi maiche lỹa, nache qaica ca ỹa'axattac ca 'eesa. Mashe nlaqchigui da latenataxanaxac cha'aye qauemaicpi qataq saishet da

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.