Jeremías 4:20 - La'aqtaqa Ñim Lo'onatac 'Enauacna 2013

²⁰ Qataq mashe nvi' da na'axaỹaxac da nacalec lỹa nam qailaxachiguipi, 'enauac ne'ena 'alhua qanlaxaañi. Qataq choche nque'elaxatta da qanlaxaañi na ỹanataqa'pi qataq ỹataqta nlachiguiñi qanqa'en so ipe'lpi.

Jeremías 4:20 Referans Kwoze

Salmos 42:7

Nam qaỹoqchiguingui tocotpi maye huaña da qaỹa'axaỹa, da l-lamaxa na la'auaxac na 'etaxat maye 'anamaq, nache namaye aỹem quelec.

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Lamentaciones 3:47

Da qarcolanaxa qataq da qanqoinaguec qataq da qomi' qanlaxatcheyeñi, damaye nachera da qomi' taleguete.

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Isaías 33:20

Ña qauloỹa ye Sión, yem huaqta'a't nỹecpi maye huaña naxa na qara'ashaxacpi, ña qauamachiỹa'a ye Jerusalén yem huaqta'a't nỹecpi maye ỹataqta na'atchiguiñi, yemaye 'eeta'am qome ca npe'l maye saishet da qanlaxaañi, qataq saishet da qanapogoyishegue'm naua lashel qataq saishet da dachepi' naua lque'ete.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Levítico 26:24

nache Aỹem qome nataqa'en, qaltaq siete da she'eguelaxalec da qami' seuaxa'n souaxat da qaye'etaxalqoi.

Levítico 26:21

Nache da ñaq 'eetalec da Aỹem qandaqaitapeeguet, qataq saishet da Aỹem qaualaqaiguet. Qaq huaña, nache qaltaq siete da she'eguelaxalec qome da qami' seuaxa'n souaxat da qaye'etaxalqoi.

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Éxodo 33:5

cha'aye Ñim Nataxala' 'enapega co'ollaxa so Moisés, 'eeta': «'Aua'aqtaxanem qome na Israel le'ecpi, qoneta': ‹Qami' ỹataqta sa qaualaqai. ¡Ỹoqo'oye da choche cara'acolec taxa da qami' seca'attaiguilo, nache Aỹem qami' selaxachiguilo! Qaq ỹoqo'oye nagui qanqache na qano'otaxachiipi lcat. Ime, qaq selaique ca lataxac ca qami' sheeteque.›»

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Jeremías 4:6

Qauachaxañiisheguem aca qara'anaxanaqchi qaloxonaxañiitegue da pa'aỹa'ague ye Sión, ime nache qauataiuec, saishet da huo'o ca qauacheeta'a, da qanmichiỹaique ca qaye'eguenaqa'ai. Cha'aye Aỹem sachegoxota'ague qome da sheu' da ñanacot ca ỹataqta qauem qataq cam lta'araic maye ishet da delaqtaxan.

Isaías 54:2

'Alcagaxaañi qome ca 'arpe'l, qataq saishet da 'añe'etac da 'anquigaxatec na 'arapoxonaxatpi ca 'arpe'l maye qonetaigui, qataq 'analogaxa't naua lque'ete qataq ỹataqta 'auaỹamaxatchiguiñi da 'autoqooñi ana lashepi,

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Números 16:45

¡Qoquiỹa'ai qome ne'ena shiỹaxauapi, cha'aye selaxachigui nagui! Nache soomaye ỹa'alyiñi naua l-llecte, nache iviraxatra'aguet naqa'en naua lata'api na 'alhua.

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Jeremías 9:18

¡Aja', sanaỹaloxon qome da anac, nache ỹauo'o ca laquicoxo souaxat qomi', qataq ỹo'ot da nlaxaguilo naqa'e'n naua qara'ai'te na qarache' qataq naua qara'ai lapo'ote ipaxaaleguete souaxat da qannoinaxac.