Jeremías 4:19 - La'aqtaqa Ñim Lo'onatac 'Enauacna 2013

¹⁹ ¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Jeremías 4:19 Referans Kwoze

Habacuc 3:16

Qaq co'ollaq sa'axaỹa 'enauac de'era nache ỹataqta she'e, qataq ỹataqta iviloxo'l naua ỹa'aqtaqa, qataq ỹataqta sa da'añiiguelo naua ichel, qataq 'enauac da ỹo'ocỹaxac deqat da la'añaxac. Qalaq nache 'ena'am aỹem she'emaqtac qome da seuata'aguet ca na'a'q, da Ñim Nataxala' ỹo'otec ca lachetataic, nam qomi' ique'eteeta'ape.

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Isaías 16:11

Añi iquiyaqte qalaq cholaxan 'eeta'am aca nvique arpa, souaxat ye Moab qataq ye Quir Jaréset.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Gálatas 4:19

Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Daniel 8:27

Qaq Aỹem Daniel, ñanomteguet co'ollaxa da qaica ca ỹa'añaxac, nache huo'oi soua na'axa'te da aỹem sa no'on. Qaq so huo'o da ỹa'añaxac nache soosheguem da qaltaq souapegue' nam no'onatacpi maye aỹem ỹamaxalec so nta'a. Qalaxaye ỹataqta saishet da samaguiñi, souaxat se'eso ỹauanaqchec co'ollaxa, cha'aye aỹem saishet da saỹateeteguet somaye.

Daniel 7:15

Qaq aỹem Daniel, ñanomteguet da icolanaxa da aỹem loxonec, qataq lta'araic da iuogoxo souaxat se'eso sauaachigui,

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Salmos 116:7

Qaq nagui, she'eguelaxa da she'emaqtac, cha'aye Ñim Nataxala' aỹem ỹo'otec da no'on,

Romanos 10:1

Qami' ỹaqaỹa't maye qaua'amaqchiñiitac So Cristo, ỹataqta imauec da iquiyaqteỹaxac da huo'o da iyaxa qataq ñeqouagaxaueetacot Ñim Lo'onatac 'Enauacna da Ñimaye nca'alaxateeguesop da nhuaxanaguec na Israel le'ecpi.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Daniel 7:28

Qaq 'ena na loga't de'era na'aqtaxanaxac. Qaq aỹem Daniel, ỹataqta sa saỹaten ca sheetec, qataq ỹataqta ñapagaqtec, qalaxaye qaica ca sa'aqtaxaateguem se'eso sauaachigui co'ollaxa.»

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Jeremías 23:9

Da na'aqtaxanaxac maye talec na na'aqtaxanaxanecpi, 'eeta': Aỹem ỹataqta qaica ca ilagaqa', 'enauac na ỹo'oc da ỹataqta cholaxan, 'eco' da aỹem taxaic, sheeta'am ca shiỹaxaua maye mashe quichigui na lataxa, souaxat Ñim Nataxala' qataq naua qui'itte' la'aqtaqa.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Salmos 146:1

¡Qaỹo'oxoren qome Ñim Nataxala'! Aỹem, imauec qome da ñachaalataxac da sho'oxoren Ñim Nataxala'.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

Salmos 119:53

Cha'aye aỹem nlaqchigui da inogoxonaxac souaxat na 'etaxaloxoicpi, nam ca'aisalo co'ollaxa naua 'arqataxaco.

Salmos 103:1

Aỹem semato'ot da ñachaalataxac da sho'oxoren Ñim Nataxala', qataq semato'ot da la'añaxac da ñachaalataxac da sho'oxoren dam qui'itta le'enaxat Ñimaye.

Salmos 16:2

Cha'aye 'am shenapega co'ollaxa, sheeta': «Nache 'amta da 'Am Ỹataxala', qaica ca lỹa chegoqo'ot na ỹalamaxatpi.»

Jueces 5:21

nache so ỹataqta chaxaguet la'auaxac som togoshaapec la'auaxac Cisón, ỹa'auatec naqa'en somaye qataq so nalleppi. ¡'Am, qalaq 'aupataxa't ana lqoichiqui so 'añaxaicpi!

Números 10:9

Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Génesis 49:6

¡Ỹataqta sa saỹamaxaren da ñachattaua'a ca huaña ca laỹonaxac! Cha'aye co'ollaq dalematai', nache ỹalaua't so shiỹaxauapi, qataq souaxat da ỹapacauec da no'oopashaxa'c, nache ỹacagaxa't naua lapia'ate so huaca lhuaraicpi.

1 Corintios 14:8

Qataq da huo'o ca alaataxac da huo'otaq saishet da ỹataxague da l-lamaxa aca nasheere maye ỹa'axat da huo'o ca alaataxac, nache qaica ca ishet da naỹamaxat da taỹa ca alaataqa'.

Jeremías 6:24

Qaq na shiỹaxauapi maye hueta'a ye Jerusalén, 'eeta': «Qomi' mashe qomi' nviralo da qara'axaỹaxac, nache dam qarcolanaxa qaica ca qara'añaxac naqa'en, huo'o da qarachetataic qataq da qanqui'ic, shenaqta'am aca 'alo da deco'otapigui'.

Jeremías 8:21

Aỹem ñeque'etaxangui da nque'eenaxac na ihuo' le'ecpi, da naquicoxo qataq da ncolanaxa aỹem loxonec.

Jeremías 42:14

da qoñiita': ‹Qomi' qarhuennataxac da ñeqo'onaxa da sonaqaña ye Egipto, yem huaña da saishet da selaqa'a ca alaataxac, qataq saishet da sa'axasoqtega ca l-lamaxa aca nasheere, qataq saishet da qomi' ỹalauat ca qarqouaxa,›

Jeremías 49:2

Qaq ỹoqo'oye Aỹem Nataxala' da ỹa'aqtac, 'eeta': anacta ca na'a'q maye huaigui qome da so'ot da na huaqta'a't nỹecpi maye lalamaxat na amoniitapi maye lma' ye Rabá, hua'axaỹa qome ca na'alaxac da qaỹa'alaxalec da alaataxac, nache ỹe'eguelaxa qome da lapoosheguem, nache na huaqta'a't nỹecpi maye ỹotta'a't naua nañalo ỹavic qome. Qaq huaña qome nache na Israel le'ecpi, qaltaq ñe'eguelaxaala't nam lalamaxat co'ollaxa huaqta'a't nỹecpi maye ỹotta'a't naua nañalo. Qaq 'era da ỹa'aqtac, Aỹem Nataxala'.

Jeremías 50:22

Yi'iye 'alhua mashe qaỹa'aqtega da l-lamaxa da 'alaataxac, qataq da l-lamaxa na qalota qailaxachiguipi.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

2 Reyes 4:19

nache so nogotolec ỹa'alaqtac co'ollaxa, 'eeta': ¡'Agai ỹaqaic! ¡Seuet na ỹaqaic! Nache so lta'a 'enapego' so lamaxashec, 'eeta': Ña 'auauegueua'a aca late'e.

2 Reyes 8:11

Nache som la'aqtaxanaxanec Ñim Nataxala', ỹataqta ỹalletot co'ollaxa so Jazael, nache ỹo'ot da saỹaỹaten ca 'eetec somaye. Ime, nache so la'aqtaxanaxanec Ñim Lo'onatac 'Enauacna, ỹataqta nỹeetac co'ollaxa.

Isaías 21:4

Ye iuennataxa qalaq sanaỹaten, qataq aỹem iviloxolaqchet da icolanaxa. Na latomoxolec ye avit maye ỹataqta iqopitaxat naxa, qalaq ỹe'eguelaxa da chaqaic ñaqa'en.

Jeremías 8:18

Da ñequi'ic qalaq qaica ca lata', añi iquiyaqte qalaq mashe qaica ca la'añaxac.

Lamentaciones 1:20

¡'Am Nataxala', ña 'aumeten da ỹachetataic! ¡Ñanomteguet da ỹataqta lta'araic lqui'ic ana itogue! Da ñequi'ic qalaq ipataqta'a't añi iquiyaqte, naxa da tachigui iuel da aỹem sa salaq. De'era pa'auec, huaña da qaỹalauat so ỹalaqpi qairolec so ỹeelonec, qaq ne'ena npa'auo nataqa'en hueta'a da nleuaxa.