Jeremías 4:11 - La'aqtaqa Ñim Lo'onatac 'Enauacna 2013

¹¹ Qaq qom ivita cam laloqo' de'era, nache qoỹenapega qome na nhuo' le'ecpi na Jerusalén, qoỹeeta': «Chegoqtelec qome ye toolec 'alhua ca la'at dapaqa, da nasheeresheguem nache taalec na pa'aỹa'ague na ỹalamaxat nhuo' le'ecpi. Qalaxaye camaye saishet da taiguet da qaichegoq na ala na trigo,

Jeremías 4:11 Referans Kwoze

Oseas 13:15

Qaq na Israel, na'aictaxa qome da dasovi da 'eeta'am aca huoue, qalaxaye anac qome ca la'at maye chegaqa'ague da nala' lliguisheguem, cam lta'araic la'at maye chegoqtelec ye toolec 'alhua, nache deqaqa naqa'en ana laỹe'pi na 'etaxat qataq na npaxaatasheguem 'etaxat. Qataq na npa'aguenaxauapi namayepi deuotaxanec qome na logoxoshetpi, qataq nam ỹataqta no'on no'otaxatpi.

Ezequiel 17:10

Qaq na'aictaxa da qaltaq qoỹaañi qalaxaye saishet da ñaxatec, nacherata da deqaqa qom ỹasheerelec ca la'at maye chegoxogue da nala' lliguisheguem, qaq nache deqaqa da hueta'a yem huaña taxa da ñaxatec.»

Lucas 3:17

Ne'ena aỹem nca'attalec, namaye iỹotauga na no'on da lataxac qataq na qauem da lataxac. Na no'on da lataxac, nache nca'alaxatec, qaq nam qauem da lataxac qalaq ỹasaxangui ca norec maye saishet da 'om.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Oseas 13:3

Qaq ỹoqo'oye namayepi 'eeta'am na sheue ye nte'eta, qataq 'eeta'am na 'aỹa, da ña nte'etom nache qaica, qataq 'eeta'am na 'auaqpi da ỹache na la'at lta'araic, qataq 'eeta'am na nmala'q da quisheguemgue ca lliguisheguem da huaỹoxoosheguem.

Ezequiel 19:12

Qalaxaye sa qaicherapec co'ollaq qanapogosheguem, nache huetaiya' qanqa'en. Nache so la'at maye chegaqa'ague da nala' lliguisheguem deqaqa naqa'en, nache naañi ana ala uvapi, qataq deqaqa aso qaramta lcouepi, nache qaỹasaxangui so norec.

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Lamentaciones 4:3

Matem qa'alaqpi qalaq illepaxan na llalaqpi, qalaxaye ana llalepi na ỹalamaxat nhuo' le'ecpi qalaq ỹataqta qaica ca ichoxonnai', 'eeta'am na mañecpi maye netalec na toolec 'alhua.

Lamentaciones 3:48

Naua ỹache' qalaq huecolde'c, naguinguilo naua ỹamelque, co'ollaq semeteetac da nlaguiñi som ỹauotaxat nỹecpi.

Lamentaciones 2:11

Da ñenoinaxac qalaq mashe na'axa't naua ỹa'ai'te, qataq ñanomteguet da ỹataqta seuet ana itogue, qataq mashe qaica ca ỹa'añaxac, souaxat da sauaachigui da qailaxachigui som huaqta'a't nỹecpi maye lma'pi som ihuo' le'ecpi, qataq da sauaachigui som ñaqpiolec maye ñaq lleptac da ileuangui na nqa'aicpi.

Jeremías 23:19

Da layeloxo Ñim Nataxala', 'eeta'am ca la'at lta'araic, 'eeta'am qome ca la'ana't la'at da ỹamaxañi nam qauemaicpi.

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Jeremías 9:7

Qaq ỹoqo'oye Aỹem Nataxala', maye Qaica ca Seqalanapec, shenapec: ¿Negue'to' ca lỹa lataxac da so'otec na ỹalamaxat nhuo' le'ecpi? ¡Qomye nacherata da sasaxangui ca norec da yaqto' seỹo!

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Jeremías 8:19

Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Isaías 27:8

Ñim Lo'onatac 'Enauacna iuaxan co'ollaxa nam lalamaxat nhuo' le'ecpi, qataq ỹo'orauec ca'ai naqa'en na na'alhua, ỹo'orauec irolec som ỹataqta chaqaic la'atchiỹaxac Ñimaye, maye 'eeta'am da nasheeresheguem na la'at maye chegaqa'ague da nala' lliguisheguem.

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Lamentaciones 4:10

Na 'alpi maye no'on da lquiyaqteỹaxac qalaq maiche ỹaconeua'a so llalaqpi da ỹaneuaq, qaq se'eso ñalaqpi nacheso som qanallectac son na'a'q co'ollaq qailaxachigui ye Jerusalén.

Salmos 11:6

Qataq talec naqa'en na qauemaicpi, na auot maye 'eeta'am ana 'ettaigui poqo qataq na 'ettaigui quiquiaxaraic, qataq anacot ca la'at maye ỹavigaxat 'enauacna, da ỹanem namayepi da 'itchiguiñi nhuaxanaguec.

Jeremías 4:12

qaq cam la'at maye ñanacot qome, camaye ỹataqta qapa'atteguet nache saq taiguet de'era, cha'aye nagui Aỹem sa'axat nam lasouaxashetpi da sataỹa'aguet namayepi.»

Jeremías 13:24

Qaq ỹoqo'oye Aỹem qami' selagaxata'ape qome, 'eeta'am ñaqa'en ca 'auaqpi ltoxoic da ỹaỹoxonaqchet ca la'at maye chegaqalec ye toolec 'alhua.

Habacuc 1:6

Cha'aye nachaañi ñaqa'en qome na caldea le'ecpi, nam nhuo' le'ecpi maye qaica ca iren qataq imata da queuoteguelec nam 'alhuapi, da yaqto' deuotaxanec nam 'alhuapi da ỹauo'o lalamaxat.

Habacuc 1:11

Qaq huaña nache 'eeta'am ca la'at lta'araic nache huo'o qome da lasouaxashet, souaxat da 'eetega natamnaxala' da maiche lalamaxat la'añaxac».

Oseas 4:19

Ỹoqo'oye anac qome ca la'at, nache ỹache namayepi, nache huo'o qome da la'agaxa souaxat da natameetacot nam saq 'en atamnaxala'pi.