Jeremías 4:10 - La'aqtaqa Ñim Lo'onatac 'Enauacna 2013

¹⁰ Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Jeremías 4:10 Referans Kwoze

Jeremías 5:12

Na Israel qataq na Judá, qaica naqa'en Ñim Nataxala'; namayepi 'enapec: «Qaica cam Lo'onatac 'Enauacna. Qaq saishet qome da qomi' taleguete ca qauem, qataq saishet qome da ñeque'etaxanaxagui ca alaataxac qataq ca nqouaxa.»

Isaías 37:35

Qataq Aỹem ñepaxaalec qome ne'ena huaqta'a't nỹecpi qataq ñeca'alaxatec, souaxat da maiche ỹauotaxanaqtaic da sheeta, qataq da ỹauotaxanaqtaic so ỹamaxashec David.›»

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Romanos 1:26

Qaq ỹoqo'oye Ñim Lo'onatac 'Enauacna hua'aqta'a na shiỹaxauapi da ỹo'ot 'enauac na qauem maye iuennatega. Qaq namayepi huo'o na 'alpi na saishet da quetegue da ỹoqta lataxac ana 'alo da hue'eguet ca ỹale, nachaqrata da hue'eguet aca maiche lỹa 'alo.

Romanos 1:24

Qaq ỹoqo'oye Ñim Lo'onatac 'Enauacna hua'axaỹa'a namayepi da ỹo'ot nam qauem maye maiche 'eetapeguec, qaq naua qauema lhuennataxaco ỹauega da ỹo'otec da lo'ocỹaxac na ishet da qaỹa'aguelec nataxac.

Ezequiel 11:13

Nache co'ollaq ñaq sa'axattac da la'aqtac Ñim Nataxala', nache huañi so Pelatías som llalec so Benaías nache ileu. Qaq huaña nache aỹem sa'alyiñi naua illecte, nache ñanaqñi seviraxata'aguet na ỹatap na 'alhua, nache ña'axannec so ỹa'alaxac, sheeta': «¡Aicoue 'Am Nataxala'! ¿Peta'a 'anmatchiguiñi qome nam saq 'amaqtaq maye no'onañi na Israel?»

Lamentaciones 2:21

Nam nsoxoppi qataq na ỹa'axaiquipi qalaq huetaiya' huetanguilo naua nqa'aico, som ỹalamaxat nsoxoppi qataq so qa'ampiolec qalaq qaỹalauat qairolec so ỹeelonec, som na'a'q co'ollaq 'aualemata nache 'aualauat. ¡Ỹataqta sa'auchoxonnai' co'ollaxa da 'aualauat!

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Jeremías 23:17

Qataq da'aqtaxanem nam sa ỹaconegueta naua ỹa'aqtaqa, 'eeta': ‹'Onaxaic da qa'aita'ague› Qataq nam quetegueto naua qauema lhuennataxaco da lquiyaqteỹaxac qalaq da'aqtaxanem, 'eeta': ‹Saishet qome da qami' taleguete ca qauem.›»

Jeremías 8:11

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': «Huo'o da qal-lagaxayequi, huo'o da qal-lagaxayequi» Qalaxaye qaica ca l-lagaxayec namayepi.

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.

Jeremías 4:18

Dam 'arataxac qataq nam 'auo'otpi, nachena na ỹo'ot da 'am talec de'era, nam qauem maye 'auo'otpi nachena na 'am ỹaneguet de'era ỹataqta chem alaỹaxac qataq nachena na ique'emaqchet añi 'arquiyaqte.»

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Isaías 30:10

Nam huo'oi naua l-loxoco qalaq 'enapega naxa, 'eeta': «Saishet da qomi' qaua'aqtaxañima ca qal-loxoqui», qataq 'enapega naxa na na'aqtaxanaxanecpi, 'eeta': «Saishet da qomi' qaua'aqtaxañima cam qarauanaqchiqui maye 'eesa; nacherata da qomi' qaua'aqtaxañima naua huesotte' na'aqtaqa maye ỹo'ot da qanaquitaxac.

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

Éxodo 5:22

Nache so Moisés 'eetego' Ñim Nataxala' co'ollaq nqouagaxaueetac, 'eeta': «'Am Ỹataxala', ¿ta'ainco' ye sa 'auyacnapec ne'ena nhuo' le'ecpi? ¿Che ta'ainco' da aỹem 'anamaq co'ollaxa?