Jeremías 39:8 - La'aqtaqa Ñim Lo'onatac 'Enauacna 2013

⁸ Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Jeremías 39:8 Referans Kwoze

Nehemías 1:3

Nache soomaye aỹem da'aqtaxaarem, 'eeta': «Qomye na ỹet co'ollaxa da nanoxonaguec, nache no'onalec yi'iye 'alhua Jerusalén, yemayepi ỹataqta ỹaguec da lachoxoyec qataq da ne'enaguec. Qataq so lpaqtaxat yemaye ỹataqta nlachiguiñi qanqa'en, qataq so lasompi ỹataqta ỹavicta souaxat so norec.»

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Amós 2:5

Qaq ỹoqo'oye sauo'o qome ca norec da ỹavic ñaqa'en ye Judá, nache que'eca norec nlachiguiñi naqa'en qome na nma' lta'araicpi ye Jerusalén.

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Lamentaciones 2:2

Ñim Nataxala', qaica da huo'otaq 'oonolec naqa'en ca nachattañi so lma'pi so Jacob, co'ollaq dalemata nache hua'axañi naqa'en so lpaqtaxatpi ye ỹataqta huo'o da lyac Judá, qataq qaica ca la'amaqchec naqa'en so nta'a, qataq som nataxala'pi.

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.

Jeremías 37:10

Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 34:2

«Aỹem Nataxala' maye Natamnaxala' na Israel le'ecpi, 'am samaq da 'anqo'oneua'a ñi Sedequías maye nta'a na Judá, nache qonapega, qoneta: 'Eeta' da la'aqtac Ñim Nataxala': Aỹem so'ot qome da ñi nta'a ye Babilonia loxonec ne'ena huaqta'a't nỹecpi, nache ỹavigaxat qome.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Isaías 5:9

Ñim Nataxala' maye Qaica ca Ỹaqalanapec aỹem ỹanem da la'aqtac, 'eeta': «Qalota na nỹecpi na nlachiguiñi qome, qaq na'aictaxa da lta'araicpi qataq 'onaxaicpi na nỹecpi qalaxaye qaica qome ca netaigui.

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.

2 Reyes 25:8

Qaq soua na'axa'te siete soua cinco ca'agoxoiqa, soua diecinueve vi'iye da nta'a ye Babilonia so Nabucodonosor, nache ivita ye Jerusalén so Nabuzaradán maye 'amaqtaqaic lamaxashec so nta'a ye Babilonia.

Salmos 79:7

Cha'aye namayepi ỹataqta nlaxaañi so Jacob, qataq nlaxatchiguiñi ne'ena 'alhua.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Ezequiel 16:41

Nache ỹavigaxat na 'arma'pi, qataq ỹacoolec da ỹo'ot ca 'anhuaxanaguec, ỹauaachigui naqa'en aca qalota 'alpi, nache vi'iiguet ñaqa'en da 'arquisheguetaxac, nache sa 'avi'eguelaxa da 'ausheetetac nam 'ancachaxauapi.

Ezequiel 23:47

qataq 'enauac qome na nhuo' le'ecpi da ỹasa'q soomaye, irolec ca coma', qataq ỹapacaviiguilo naqa'en ca lainec da ỹalaua't, nataqa'en ỹalauat ca llalaqpi ỹalleppi qataq 'alpi, qataq ỹavigaxat ca lma'pi.

Ezequiel 33:21

Qaq co'ollaq mashe ivi' soua doce vi'iye da qomi' qaicoñettai'salo, nache so na'a'q cinco so ca'agoxoic diez, nache huo'o so ỹale maye datauec co'ollaxa chegaqa'a ye Jerusalén, anac nache aỹem da'aqtaxanem da ye huaqta'a't nỹecpi ye Jerusalén da loxonec so pa'aguenaxauapi.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!