Jeremías 39:7 - La'aqtaqa Ñim Lo'onatac 'Enauacna 2013

⁷ Qaq ime nache qaltaq damaxasoxoolec so Sedequías da qanqa't naua la'ai'te, qataq qaỹauo'o so lquet lcat, da yaqto' qaỹauega ye Babilonia.

Jeremías 39:7 Referans Kwoze

Ezequiel 12:13

Aỹem sasaxalec qome ca ỹaleguec nache ỹoxonec qome. Qaq ime nache sauega qome ye Babilonia maye na'alhua na caldeopi, yem 'alhua maye saishet qome da ila'a cha'aye qaicaua naua la'ai'te, qataq nache huaña qome yemaye da ileu.

Jeremías 52:11

Qataq damaxasoxoolec so Sedequías da qanqa't naua la'ai'te qataq qaicoñera'a't naua lhua'q, nache qaỹauega ye Babilonia, nache hueta'a yemaye da qaicoñettai' choche ivitta'a da ileu.

2 Reyes 25:7

nache ỹauaachigui qanqa'en somaye da qaicheguec na lqaic so llalaqpi. Qaq so Sedequías, qalaq qanqa't naua la'ai'te, qataq qaicoñerai' qoỹanagui so lquet lcat da yaqto' qaỹaueegue da Babilonia.

Jueces 16:21

Nache so filisteopi ỹaconeua'a somaye, nache nqa't naua la'ai'te, nache ỹauega ye Gaza, qaq huaña yemaye da qaicoñerai' qaỹauota'a lquet so npaqtac lcat bronce, da qaỹo'onataxanaxan iconnaxaatagui qanqa'en so namaicnaxanaxat coma' maye naña aso ncoñetaxanaxaqui.

Salmos 119:8

Aỹem sauotaique da sepacchiguilo naua 'arqataxaco, saishet qome da aỹem 'aualat.

Jeremías 20:4

Cha'aye Ñim Nataxala', 'enapec: ‹Nagui 'am she'eguelaxata qome da huo'o da 'arcolanaxa, qataq na 'anauochaxauapi, qataq 'auauaachigui qome na 'ampa'aguenaxauapi da ỹalauat na 'anauochaxauapi irolec ca ỹeelonec. Aỹem saneguet qome 'enauac nam hueta'a na Judá, da lhuaqỹaxac ñim nta'a ye Babilonia, qaq ñimaye ỹauega qome namayepi ye Babilonia, huo'otaq da ỹalauat irolec ca ỹeelonec.

Jeremías 34:3

Qaq 'am saishet qome da 'auañoxot da 'ananeltaxaneguet da la'añaxac ñimaye, 'am noxonec qome, nache 'am qoỹaneua'a ñimaye, qaq qom ime da 'am qoỹaneua'a ñimaye, nache 'am qaỹaueegue qome da Babilonia.

Jeremías 44:30

Aỹem saneguet qome ñi faraón Jofra, ñim nta'a na Egipto, dam la'añaxac na mpa'aguenaxauapi maye huotaique da ỹalauat ñimaye, 'eeta'am ñaqa'en da 'eetec so Sedequías maye nta'a ye Judá, co'ollaq saneguet da la'añaxac so Nabucodonosor maye nta'a ye Babilonia, som huotaique da ỹalauat somaye.