Jeremías 39:5 - La'aqtaqa Ñim Lo'onatac 'Enauacna 2013

⁵ Qalaxaye so alleppi caldeopi icaalec co'ollaxa somayepi, nache iviralec so Sedequías huaña som nalochiguiñi 'alhua ye Jericó, nache qaỹaconeua'a somaye, nache qaỹauega so nta'a Nabucodonosor maye hueta'a co'ollaxa ye Ribla, maye huaigui ye 'alhua Hamat, nache huaña yemaye da so nta'a Nabucodonosor ỹauo'o da nhuaxanaguec somaye:

Jeremías 39:5 Referans Kwoze

2 Reyes 23:33

Qaq so faraón Necao, icoñi' co'ollaxa somaye, nache ỹanaña ye Ribla maye huaigui ye 'alhua Jamat, da yaqto' saishet da ilo'ogue ye Jerusalén. Nache somaye ỹamaxalec som netalecpi yi'iye 'alhua, da desheetenaxana so tres mil trescientos kilos so plata, qataq so treinta y tres kilos so oro.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Josué 4:13

Qaq huac da ivi' cuarenta mil so alleppi maye ỹataqta na'atchiguiñi na lo'ogoxonaxatpi, qataq ỹataqta lhuotta da nalat somayepi, qataq ỹauaachigui Ñim Nataxala' da inoicchiguiñi somayepi da nqo'ona so nalochiguiñi 'alhua ye Jericó.

Lamentaciones 4:20

Qaq nataqa'en som lca'aguishec Ñim Nataxala' noxonec, som ỹa'añaqchettac co'ollaxa da qanachaalataxac, som nta'a maye setaxasoqtega naxa shenaqta': «Souaqto'ot qome na lpaqal da salegaqtaigui na ỹotta'a't shiỹaxauapi».

Lamentaciones 1:3

So Judá le'ecpi noxonec nache qaỹauega ye lỹa 'alhua, ỹataqta daquico qataq nque'etaxangui da qapa'atta lo'onataxanaxac. Som ilotague' co'ollaxa da no'onataxanaxac, qaq nagui qalaq qaica ca nmataqa' qanqa'en. Na mpa'aguenaxauapi co'ollaxa loxonec somayepi, nache ỹataqta qaica ca ldaqa' naqa'en.

Jeremías 4:12

qaq cam la'at maye ñanacot qome, camaye ỹataqta qapa'atteguet nache saq taiguet de'era, cha'aye nagui Aỹem sa'axat nam lasouaxashetpi da sataỹa'aguet namayepi.»

2 Crónicas 33:11

Qaq ỹoqo'oye Ñim Nataxala' ỹo'ot da anac so lataxala'pi so nalleppi so nta'a ye Asiria, nache somayepi ỹaconeua'a so Manasés, nache icoñerai' ỹanagui so ncoñetaxanaxat lcat bronce, nache ỹauega ye Babilonia.

2 Reyes 25:6

Nache som caldeopi, loxonec co'ollaxa so nta'a Sedequías, nache qaỹauegueua'a so nta'a ye Babilonia, maye hueta'a ye Ribla, maye huaigui ye 'alhua Jamat. Qaq nache huaña yemaye, da so Nabucodonosor, ỹauo'o da nhuaxanaguec so Sedequías,

2 Reyes 17:24

Nache so nta'a ye Asiria, ỹauec co'ollaxa so shiỹaxauapi maye lma' ye Babilonia, Cutá, Avá, Jamat, qataq ye Sefarvayin, nache ỹanaigui somayepi ye huaqta'a't nỹecpi ye Samaria, nache nmeneguet naqa'en somayepi so Israel le'ecpi. Qaq 'era da 'eetec da ỹacona co'ollaxa ye Samaria, qataq nache naigui som huaqta'a't nỹecpi.

2 Samuel 8:9

Qaq so Toy, maye nta'a ye Jamat co'ollaq la'axaỹaxac da so David loxonec so nalleppi so Hadad Ezer,

Jueces 3:3

Nache no'oirañi co'ollaxa soua cinco lataxala'ate so filisteopi qataq 'enauac so cananeopi, sidoniopi qataq so heveopi maye netalec co'ollaxa aye qasoxonaxapi maye huaña ye Líbano, chegoqchiguiña añi qasoxonaxa Baal Hermón, nache ivitta'a so ñegueta ye Jamat.

Josué 13:5

Nataqa'en ñaq no'onañi ye na'alhua ye guiblitapi, qataq 'enauac ye Líbano, yem pa'aỹa'ague da nala' lliguisheguem chegoqchiguiña ye Baal Gad, maye naña na pa'aguiñi loigue añi qasoxonaxa Hermón, nache ivitta'a so ñegueuo ye Jamat.

Números 13:21

Nache se'esoua ỹale't jec co'ollaxa da demeenaxara yi'iye 'alhua, chegoqchiguiña ye toolec 'alhua ye Sin, nache ivitta'a ye Rejob, yem saqaỹapeque ye ñegueuo ye Jamat.

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 24:8

Qalaxaye ñi Sedequías, ñim nta'a ye Judá, qataq na nataxala'pi qataq na laỹepi maye hueta'a ye Jerusalén, qataq nam hueta'a ne'ena 'alhua, huo'otaq nam neta'ague da Egipto, namayepi 'eeta'am ñaqa'en qome ana hiigo maye qauem, qaq souaxat da ỹataqta qauem nache saishet da qanallec.

Jeremías 44:30

Aỹem saneguet qome ñi faraón Jofra, ñim nta'a na Egipto, dam la'añaxac na mpa'aguenaxauapi maye huotaique da ỹalauat ñimaye, 'eeta'am ñaqa'en da 'eetec so Sedequías maye nta'a ye Judá, co'ollaq saneguet da la'añaxac so Nabucodonosor maye nta'a ye Babilonia, som huotaique da ỹalauat somaye.

Jeremías 49:23

Da na'aqtac da qaỹa'axata'a dam talec qome ye Damasco, 'eeta': «Nam huaqta'a't nỹecpi maye ỹotta'a't naua nañalo ye Hamat qataq ye Arpad, ỹataqta huo'o da la'agaxa cha'aye nvita da qauem la'axaỹaxac. Qaq yeemaye ỹataqta nlaxaguilo da lcolanaxa nache saishet da huo'o ca lle'emaqa'.

Ezequiel 23:24

Qaq 'am naỹa qome namayepi, huota'a ana qalota naigonapi, qataq na alleppi, nache 'am coleesop qome, na'atchigui na lo'ogoxonaxatpi, qataq ỹaatañi ana naro'opi maye nalaataxaquipi, qataq ana lpaqtaxanaqtepi, qaq Aỹem sanem qome namayepi da 'am nmi't, qaq 'am nmit qome, do'ogoxona da maiche lataxac namayepi da huo'o ñi nmit.

Habacuc 1:7

Qaq namayepi ỹataqta chaqaicpi qataq ñi'iỹaxatpi, cha'aye saishet da ỹo'ot cam lỹa nqataxac, nacherata da quetalec na maiche lalamaxat nqataxacpi.

Isaías 22:3

Na 'arataxala'pi qalaq 'enauac da datauec, dataueeguesop na checnec qalaxaye noxonecpi. Nam 'analleppi maye 'añaxaicpi qalaq qaỹoqtegue da datauec, qalaxaye nache 'ena'am qaicoñerai'.