Jeremías 39:18 - La'aqtaqa Ñim Lo'onatac 'Enauacna 2013

¹⁸ Aỹem 'am ñeca'alaxateeguesop qome da 'analaataguec. Nache 'am 'aushet qome da 'ananeltaxan, cha'aye Aỹem 'aupi'iỹa'a. Qaq 'era da ỹa'aqtac Aỹem Nataxala'.»

Jeremías 39:18 Referans Kwoze

Jeremías 38:2

«Ñim Nataxala', 'enapec: Cam no'onaña na huaqta'a't nỹecpi nache camaye ileuaigui qome ca alaataxac, huo'otaq ca nqouaxa, huo'otaq ca napiina. Qalaxaye cam ca'ai namaye, qataq nañaneguet na caldeopi, nache camaye nca'alec.

Salmos 34:22

Qalaxaye Ñim Nataxala', nca'alaxatec da nachaalataxac nam lamaxashecpi. Qataq nam pe'etega Ñimaye, saishet qome da huo'o ca nhuaxanaguec.

Jeremías 21:9

Qaq cam no'onaña ne'ena huaqta'a't nỹecpi, qalaq ileuaigui qome ca alaataxac huo'otaq ca nqouaxa huo'otaq ca napiina. Qaq cam nañaneguet na caldeopi maye coleesop nagui na huaqta'a't nỹecpi, camaye saishet qome da ileu, nacherata da nca'alec qome.

Efesios 1:12

Qaq 'eetec de'era Ñim Lo'onatac 'Enauacna yaqto' qomi' judío lashe' qomi' la'auaxanaqa da huo'o da qanaquitaxac So Cristo qataq sho'oxorenaqtac dam lta'araic la'añaxac.

Salmos 84:12

'Am Nataxala' maye Qaica ca 'Auqalanapec, ỹataqta machiguiñi qome nam shiỹaxauapi maye 'am pi'iỹa'a.

Salmos 147:11

Ñim Nataxala', ỹamaateguet cam huo'o naq 'enec naqa'en Ñimaye, qataq cam pi'iỹa'a da lta'araic lauotaxanaqtaic Ñimaye.

1 Crónicas 5:20

qalaxaye Ñim Lo'onatac 'Enauacna, itauan somayepi, nache loxonec so agareenopi qataq so ltauapi, cha'aye co'ollaq huaigui so alaataxac, nache iỹaxanot Ñim Lo'onatac 'Enauacna da yaqto' itauan somayepi, nache Ñimaye itauan, cha'aye somayepi ỹoqta pi'iỹa'a Ñimaye.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Salmos 33:18

Qaq Ñim Nataxala' qalaq ntela'a nam huo'o naq 'enec naqa'en Ñimaye, qataq na pi'iỹa'a da lsoxoyec,

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

Romanos 2:12

Ñim Lo'onatac 'Enauacna ỹaconeguet nam ỹalaxaguet na lqataxacpi so Moisés, qalaxaye saishet da ỹaconeguet nam choche na'axaỹaxaatega namayepi. Qaq nam ỹaỹaten na nqataxacpi qalaq nachena na nqataxacpi nam qairolec da qanmit. Qaq nam sa ỹauatton ne'ena nqataxacpi qataq huo'o na lasouaxashet, qalaq qaỹauo'o ca nhuaxanaguec na'aictaxa da sa ỹauatton ne'ena nqataxacpi.

Isaías 26:3

'Am Nataxala', 'am 'aỹa'anem da l-lagaxayec nam sa nquic da lataxac, cha'aye ỹataqta 'am pi'iỹa'a.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Da na'aqtaguec so Job 5:20

Da ivita da huo'o ca nqouaxa qalaq 'am nca'alaxateeguesop ca nleuaxa, qataq da ivita da huo'o ca alaataxac qalaq 'am, nca'alaxateeguesop ca ỹeelonec.

Salmos 91:7

Cha'aye na'aictaxa da mil ca ileu na pa'aỹa'ague na 'ane'emaq, qataq diez mil ca pa'aỹa'ague na 'oic, qalaxaye da qoneta ỹataqta qaica ca machaqca.