Jeremías 39:14 - La'aqtaqa Ñim Lo'onatac 'Enauacna 2013

¹⁴ damaxasoxoolec da qanqateeguesop so Jeremías so qasoxoc maye nauanaxanaqa', nache qaipataxaguet so Gedalías som llalec so Ahicam qataq laual so Safán da yaqto' ỹauega so Jeremías so maiche lma'. Qaq 'era da 'eetec da so Jeremías ỹe'eguelaxa da netaigui se'eso huaqta'a't nỹecpi.

Jeremías 39:14 Referans Kwoze

Jeremías 38:28

Qaq so Jeremías nache hueta'a co'ollaxa so qasoxoc maye nauanaxanaqa', nache ivitta'a so na'a'q co'ollaq noxonec ye Jerusalén.

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

2 Reyes 22:12

nache sanaỹaloxon da 'enapega so Hilcías, qataq so Ajicán, som llalec so Safán, qataq so Acbor, som llalec so Micaía, qataq so Safán maye neraxanaxanec, qataq so Asaías, maye 'amaqtaqaic lataxala' so nalleppi so nta'a, 'eeta':

Jeremías 40:1

Ñim Nataxala' detaxaỹot so Jeremías co'ollaq so Nebuzaradán maye lataxala' nam nauaatalec so nta'a, mashe ime da isouec so Jeremías huaña ye Ramá, cha'aye so Nebuzaradán ilalec somaye da ỹalectaigui som shiỹaxauapi maye lma' ye Jerusalén qataq ye Judá maye qaỹauecpi co'ollaxa qaỹauega ye Babilonia da qaicoñe'.

Jeremías 39:15

Qaq so Jeremías co'ollaq ñaq qaicoñettai' hueta'a so qasoxoc maye nauanaxanaqa', nache Ñim Nataxala' detaxaỹot somaye nache, 'eeta':

Jeremías 38:13

Qaq huaña nache so ỹalleppi naviguisheguem se'eso nañec, nache nqatsheguem so Jeremías. Qaq co'ollaq, ime de'era, nache so Jeremías hua'a so qasoxoc maye nauanaxanaqa'.

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Salmos 105:19

Nache ivitta'a da ipacchigui dam ỹa'axata'a co'ollaxa so José, nache da la'aqtac Ñim Nataxala' ỹachaxan da ỹoqta 'eesa somaye.

2 Reyes 22:14

Nache so Hilcías, qataq so Ajicán, Acbor, Safán, qataq so Asaías, nqo'oora co'ollaxa aso na'aqtaxanaxana Julda, asom lhua so Salún, maye llalec so Ticvá, som laual so Jarjás, maye ilotague' aso laỹe' so nogoxotpi asa'aso atamnaxaqui. Qaq aso Julda, netaña co'ollaxa so dalaxaic nỹecpi, maye naigui so huaqta'a't nỹecpi ye Jerusalén, nache na'aqtaxaatrague' co'ollaxa,

2 Crónicas 34:20

nache sanaỹaloxon da 'enapega so Hilcías, qataq so Ajicán, som llalec so Safán, qataq so Abdón, som llalec so Micaías, qataq so Safán maye neraxanaxanec, qataq so lamaxashec Asaías, 'eeta':

Jeremías 32:2

Qaq se'eso na'a'q nache so nalleppi so nta'a ye Babilonia iloquiaxaatac ye Jerusalén, qaq so na'aqtaxanaxanec Jeremías qaỹapotaua'a hueta'a so nqasoxoc so nta'a.

Jeremías 39:13

Qaq huaña nache so Nebuzaradán qataq so Nebusazbán qataq so Nergal Sarezer soua dos 'amaqtaqaiqa lataxala'ate nam nauaatalec so nta'a, qataq 'enauac som ltauapi so nta'a maye lma' ye Babilonia,

Jeremías 40:5

Qaq da 'auauotaique da 'avi'eguelaq, nache 'avi'eguelaxa ñi Gedalías maye llalec so Ahicam qataq laual so Safán, maye ñim nta'a ye Babilonia ỹanagui ñimaye da nta'a, da ilo'ogue ye huaqta'a't nỹecpi maye ỹotta'a't naua nañalo ye Judá, nache qono'ot qome ñimaye qataq ye maiche 'aralamaxat 'arhuo' le'ecpi. Qaq 'anqo'ona qome cam 'arauela.» Ime, nache so lataxala' na alleppi ỹauo'o so nme qataq so aloq so Jeremías, ime nache ncoyeguene'.

Jeremías 40:6

Qaq huaña nache so Jeremías jec da nqo'ona ye Mispá maye netaña so Gedalías, nache neto'ot somaye, qataq netaigui so shiỹaxauapi maye no'onaña co'ollaxa yi'iye 'alhua.

Jeremías 41:1

Qaq so ca'agoxoic siete, nache so Ismael som llalec so Netanías qataq laual so Elisama maye chegoxoguet som llalaqpi so nta'a, jec da taỹa ye Mispá da yaqto' detaxaỹapegue' so Gedalías, qaq somaye nnaictagueto soua diez ỹale't. Qaq huaña ye Mispá, nache co'ollaq ñaq deque'eta'ape,

Jeremías 26:22

Qaq so nta'a Joaquim ỹamaxa co'ollaxa ye Egipto so Elnatán, som llalec so Acbor, qataq soua lỹa't ỹale't,

Jeremías 40:7

Qaq som 'amaqtaqaicpi nataxala'pi qataq so alleppi maye judiopi, maye ñaq netauga ye no'onaxa, la'axaỹaxac co'ollaxa da so nta'a ye Babilonia ỹanagui da nta'a da ilo'ogue ye 'alhua so Gedalías som llalec so Ahicam qataq da ipataxalec da ilo'ogue so ỹalleppi qataq so 'alpi qataq so ñaqpiolec maye llalaqpi som shiỹaxauapi maye ỹataqta choxoraqpi maye hueta'a yi'iye 'alhua, maye saishet co'ollaxa da qaỹauega ye Babilonia da qaicoñe',