Jeremías 39:12 - La'aqtaqa Ñim Lo'onatac 'Enauacna 2013

¹² «'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»

Jeremías 39:12 Referans Kwoze

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Jeremías 40:4

Ñaq 'aulogui nagui da aỹem ñeqat na 'arquet lcat maye 'ancoñetaxat. Qaq 'am da 'auauotaique da aỹem 'auca'ategue da saxague da Babilonia, nache qolaq, qaq aỹem 'am selo'ogue qome. Qalaxaye da saishet da aỹem 'auca'ategue, nache qaica ca 'eetec da 'ano'onañi. Cha'aye 'ena nam 'alhua, qaq maicheye ca 'arauela da 'anqo'ona da qonaña.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

Jeremías 39:13

Qaq huaña nache so Nebuzaradán qataq so Nebusazbán qataq so Nergal Sarezer soua dos 'amaqtaqaiqa lataxala'ate nam nauaatalec so nta'a, qataq 'enauac som ltauapi so nta'a maye lma' ye Babilonia,

Jeremías 15:11

Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo.