Jeremías 39:11 - La'aqtaqa Ñim Lo'onatac 'Enauacna 2013

¹¹ So nta'a Nabucodonosor maye lma' ye Babilonia, ỹanem da la'aqtac so Nebuzaradán maye lataxala' na nauaatalec so nta'a, dam 'eetec naqa'en so Jeremías, 'eeta':

Jeremías 39:11 Referans Kwoze

Hechos 24:23

Nache so nta'a Félix 'enapega som ilotague' na huataxanaqpi da ñaq 'eetalec da qaicoñettai' so Pablo, qalaxaye qoỹanem da ishet da huo'o ca ỹo'ot qataq qaỹasheetem na nauochaxauapi da namaqtegueua'a somaye, qataq da maiche qanayeuapegue' da qaitauan.

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

Jeremías 37:2

Qalaxaye so Sedequías qataq som 'amaqtaqaicpi ltauapi qataq 'enauac so nhuo' le'ecpi, saishet co'ollaxa da ỹalaxaguet da la'aqtac Ñim Nataxala' maye ỹachegoxotchigui so la'aqtaxanaxanec Jeremías.

Jeremías 15:11

Qaq ñaq ipacchigui qome nam qauem la'aqtacpi namayepi, da 'Am Nataxala' saishet da ỹaỹamaqchiguiñi da ỹo'onataxanaxac da 'am so'onataxaatacot, qataq da saishet da 'am seỹaxaatacot co'ollaxa da 'anqouaguec nam ñepa'aguenaxauapi, co'ollaq huaigui da qauem qataq laquicoxo.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

Da na'aqtaguec so Job 5:15

Ñimaye nca'alaxatec ca choxoraq qataq ca huetaiya' naqa'en naua qauema na'aqtaqa, qataq nca'alaxateeguesop camaye da la'añaxac cam qaica ca iren.

Da na'aqtaguec so Job 5:16

Qataq Ñimaye ỹo'ot da naquitaxac ca choxoraq. ¡Qataq ỹapogui na alap na qauemaicpi!

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Jeremías 40:1

Ñim Nataxala' detaxaỹot so Jeremías co'ollaq so Nebuzaradán maye lataxala' nam nauaatalec so nta'a, mashe ime da isouec so Jeremías huaña ye Ramá, cha'aye so Nebuzaradán ilalec somaye da ỹalectaigui som shiỹaxauapi maye lma' ye Jerusalén qataq ye Judá maye qaỹauecpi co'ollaxa qaỹauega ye Babilonia da qaicoñe'.

Jeremías 40:4

Ñaq 'aulogui nagui da aỹem ñeqat na 'arquet lcat maye 'ancoñetaxat. Qaq 'am da 'auauotaique da aỹem 'auca'ategue da saxague da Babilonia, nache qolaq, qaq aỹem 'am selo'ogue qome. Qalaxaye da saishet da aỹem 'auca'ategue, nache qaica ca 'eetec da 'ano'onañi. Cha'aye 'ena nam 'alhua, qaq maicheye ca 'arauela da 'anqo'ona da qonaña.

Jeremías 52:12

Qaq so na'a'q diez so ca'agoxoic cinco, so vi'i diecinueve da lo'onataxanaxac so Nabucodonosor da nta'a ye Babilonia, nache so Nabuzaradán maye 'amaqtaqaic ltaua so nta'a, qataq nataqa'en lataxala' so lauanaxanaxanecpi so nta'a, somaye nvita ye Jerusalén