Jeremías 38:9 - La'aqtaqa Ñim Lo'onatac 'Enauacna 2013

⁹ 'Am nta'a, de'era ỹo'otec se'eso ỹalleppi ñi Jeremías, damaye ỹataqta lta'araic nalaataxanaxac. Somayepi ỹasaxangui añi nshere ñi Jeremías, qaq ñimaye mashe ileetapigui' souaxat na lqouaxa, cha'aye mashe qaca aca nauole 'ayiiña ne'ena huaqta'a't nỹecpi.

Jeremías 38:9 Referans Kwoze

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Jeremías 52:6

Qaq so na'a'q nueve so ca'agoxoic cuatro se'eso vi'i, nache nquiguec na nqouaxa se'eso huaqta'a't nỹecpi, nache so shiỹaxauapi mashe qaica ca aloq.

Da na'aqtaguec so Job 31:34

cha'aye souaxat da she'etapeeguet na shiỹaxauapi. Nache saishet da ñapotala't qataq saishet da ñe'emaxatta, souaxat da she'etega da le'enaxanaxac na maiche ihuo' le'ecpi.

Jeremías 38:8

Nache so Ébed Melec, ca'ai so lma' lta'araic so nta'a, nache nqo'ona so nta'a da 'enapega, 'eeta':

Jeremías 38:10

Nache so nta'a saỹaỹaloxon da ỹamaq so Ébed Melec da nnaicapegue' naqa'en so treinta ỹalleppi, da yaqto' nqatsheguem so Jeremías maye huetangui aso nshere yaqto' saishet da ileu.

Lamentaciones 1:11

Qaq 'enauac nam hueta'a yemaye nỹeetagui, nmittaique ca aloq, qataq ỹanec so lsallaxa da nmeneguet naqa'en ca nallec da yaqto' nache 'eetai' da nca'altauec. ¡'Am Nataxala', ñaq 'aumeten da ñe'enaguec, qataq dam qauem maye aỹem talec!

Lamentaciones 3:53

nache huotaique da ñeca'altauec naqa'en da aỹem ỹapogoña, qataq da ỹapogui so ỹeguesheguem dapoxona so coma'.

Jeremías 19:9

Qataq so'ot qome da na shiỹaxauapi maiche chec na llalaqpi ỹalleppi qataq ana llalepi 'alpi, qataq ñi 'oonolec chec ca maiche lỹa, souaxat dam huaigui lhuogoxo maye ỹo'otec nam mpa'aguenaxauapi qom coleesop nam huaqta'a't nỹecpi.

Jeremías 39:17

Qalaxaye Aỹem 'am ñepaxaalec qome, da yaqto' saishet da 'am loxonec ne'ena shiỹaxauapi maye 'aye'etega. Qaq 'era da ỹa'aqtac Aỹem Nataxala'.