Jeremías 38:7 - La'aqtaqa Ñim Lo'onatac 'Enauacna 2013

⁷ Qaq huo'o so Etiopía le'ec le'enaxat Ébed Melec, som lpe'et so nta'a, somaye la'axaỹaxac co'ollaxa da so Jeremías qaỹasaxangui aso nshere. Qaq se'eso na'a'q so nta'a huo'o so ltaxaỹaxac huaña so Nasom so Benjamím.

Jeremías 38:7 Referans Kwoze

Jeremías 37:13

Qalaxaye co'ollaq ivireua'a so Nasom so Benjamín, nache huo'o sa ỹale maye le'enaxat Irías som llalec so Selemías qataq laual so Jananías maye lataxala' na nauanaxanaxanecpi, somaye nllañi so Jeremías, nache 'enapega 'eeta': ¡'Am qache huotaique da 'auauaxaiguet na caldeopi!

Jeremías 29:2

Qaq de'era huetoigui co'ollaq ime da so nta'a Jeconías ca'ai ye Jerusalén lỹatec aso nate'e, qataq so ilotague' so nma' lta'araic, qataq so nataxala'pi ye Judá qataq ye Jerusalén, nataqa'en so ne'enaqtac lo'opi, qataq so lcat lo'opi.

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Deuteronómio 21:19

nache ca lta'a qataq aca late'e camaye, ỹauegueua'alo ca nqueroxonecpi maye netaña ca ñegueuo ca huaqta'a't nỹecpi,

Mateo 20:16

Qaq dam pa'atec la'aqtac So Jesús, 'eeta': «Nache 'eetec nagui nam hua'auchiguiñi qalaq pa'atec; qaq nam pa'atec nagui qalaq nachena nam hua'auchiguiñi.»

Jeremías 34:19

Qaq nam nataxala'pi na Judá qataq na Jerusalén, qataq nam 'amaqtaqaicpi ltauapi, qataq na ntaxaỹaxanaxanecpi, qataq 'enauac nam quichiguingui co'ollaxa na laiñi soua laỹel so huaca,

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.

Salmos 68:31

Qaq ye Egipto le'ecpi namaq qome na ltaxaỹaxanaxanecpi, qataq ye Etiopía qalaq ỹanot da lhuaqỹaxac Ñim Lo'onatac 'Enauacna.

2 Reyes 24:15

Nache so Nabucodonosor, ỹachegoxotchiguiña ye Jerusalén da ỹauega ye Babilonia so nta'a Joaquín, qataq aso late'e, qataq aso lhuapi, qataq so ltauapi, qataq som 'amaqtaqaicpi yi'iye 'alhua.

Josué 20:4

Qaq que'eca shiỹaxaua qom huo'otaq ỹe'eguena ca 'oonolec que'eca huaqta'a't nỹecpi maye ñe'eguenaxaquipi, nache camaye da ivireua'a ca lasom ca lpaqtaxat que'eca huaqta'a't nỹecpi, nache ỹa'axat ca huo'omshe naneltaxaatac, da'aqtaxaatem ca nqueroxonecpi maye nataxala'pi que'eca huaqta'a't nỹecpi. Huaña, nache que'eca nqueroxonecpi nasheeteguet qome camaye, nache inoxonaqcheteuo, nache ỹanem ca lanataqa' da yaqto' naña camaye.

Isaías 56:3

Da huo'o ca shiỹaxaua maye chegaqauec da nañanot Ñim Nataxala', nache saishet qome da, 'eeta': «Ñim Nataxala' saishet qome da aỹem ỹalecnoigui na lalamaxat nhuo' le'ecpi.» Nache 'ena'am ca qaicaua naua lola saishet qome da, 'eeta': «Aỹem shena'am aca qo'oipaq deqaqta.»

Jeremías 20:2

nache damaxasoxoolec da qaiuaxan qataq qaicoñerai', qoỹanagui so ncoñetaxanaxat 'epaq maye naña so lta'araic nasom so Benjamín maye saqaỹapeque aso atamnaxaqui.

Jeremías 26:16

Nache so nataxala'pi qataq so nhuo' le'ecpi 'enapega so ntaxaỹaxanaxanecpi qataq so na'aqtaxanaxanecpi, 'eeta': «De'era ỹale qaica ca lasouaxashet, cam ỹo'ot da ishet da qaỹalauat, cha'aye dam qomi' da'aqtaxaateguema damaye chegoqo'ot Ñim Nataxala' maye Qanatamnaxala'.»

Jeremías 38:8

Nache so Ébed Melec, ca'ai so lma' lta'araic so nta'a, nache nqo'ona so nta'a da 'enapega, 'eeta':

Zacarías 14:10

Qaq 'enauac qome ne'ena 'alhua ỹe'eguelaxa da 'eeta'am ca nalochiguiñi 'alhua, chegoqchiguiña ye Geba nache ivitta'a ye Rimón, maye pa'aỹa'ague da taguiñi ye Jerusalén. Nache ye Jerusalén ỹataqta 'amaqtaqaic qome, qataq nache qanayeetaña qome yemaye, chegoqchiguiña ñi ñegueuo ye Benjamin, nache ivitta'a ñi ñegueuo maye naña añi lamaqai, yem naña co'ollaxa som togoshec lasom, qataq chegoqchiguiña añim nalloxolate maye le'enaxat Jananel, nache ivitta'a añim no'onataxaqui na aceite maye lalamaxat so nta'a.

Proverbios 29:10

Na laataxanaxaicpi qataq qauemaicpi ỹaỹemec nam nalochiguiñi da lataxac, qataq huotaique da ỹalauat na no'on da lataxac.