Jeremías 38:6 - La'aqtaqa Ñim Lo'onatac 'Enauacna 2013

⁶ Qaq huaña nache somayepi ỹaconeua'a so Jeremías, nache ỹasaxangui aso nshere 'etaxat laỹe' maye lalamaqte so Malquías maye naña so qasoxoc maye nauanaxanaqa'. Qaq somaye qaỹauota'a so lquet da qaỹasaxañi, qaq cha'aye aso nshere ye qaica ca 'etaxat, nda'a't na nshaxa, nache so Jeremías lhuotañi da tangui so nshaxa.

Jeremías 38:6 Referans Kwoze

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Jeremías 38:22

'Enauac na 'alpi maye no'onaigui ñi lma' lta'araic ñi nta'a, qanqatec qome nache qoỹanem na ltauapi ñim nta'a ye Babilonia, qaq anamayepi qome maiche, 'eeta': Nam ỹataqta nauochaxauapi ñi nta'a qalaq ỹatenachet nache loxonec, qataq hua'aqta'a ñimaye da petangui na nshaxa, qataq saishet da qochetega.

Jeremías 37:16

Nache so Jeremías hueta'a aso ncoñetaxanaxaqui maye pa'aỹañi, nache ỹataqta qaỹoqtrec soua na'axa'te da hueta'a.

Salmos 69:2

qataq huotaique da seyiiñi, sootangui na qaỹoqchiguingui nshaxa, maye saishet naqa'en da huo'o ca sapelec. Qataq sootaña na qaỹoqchiguiña pa'aguiñi na 'etaxat, qataq aỹem ỹaỹoxonaqchet na la'auaxac.

Hechos 16:24

Nache se'eso ilotague' aso ncoñetaxanaxaqui co'ollaq huo'o da na'aqtac, nache ỹanaua'alo ca ỹataqta pa'auo aso ncoñetaxanaxaqui soomaye, nache ỹanaguilo naua lapia'ate ca ncoñetaxaqui' 'epaq.

Zacarías 9:11

'Era da la'aqtac Ñim Nataxala': «'Am Jerusalén, souaxat so ntago'q maye chegoqchigui da 'am ñaỹamaxate', nache Aỹem ñeqateeguesop qome añi nshere maye qaica ca le'ec, na 'arcoñetegueshecpi maye netangui añimaye.

Salmos 109:5

Aỹem so'otec da no'on qalaq namayepi aỹem ỹo'otec da qauem, qaq namayepi aỹem ỹauotec taxa qalaq nda'a't da aỹem nquiỹa.

Salmos 40:2

nache aỹem nqateeguesop aso nshere, maye huetangui da nleuaxa qataq so nshaxa maye ỹataqta deshe, nache aỹem ỹapiaxanaxanaxaalec aso coma', qataq aỹem ỹanalec so nalochiguiñi 'alhua.

Génesis 37:24

qaq ỹacooreua'a somaye, nache ỹasaxanguilo aso deqaqchiguingui nshere.

Hebreos 10:36

Ỹataqta qami' 'añaxaiqa qome saishet da huo'o ca chegoqchigui qanqa'eñi da qaỹa'axañiiuec da qarpi'iỹaxaqui da qoviitaigui da qanque'eenaxaqui, yaqto' qaupaquiitelec da qauo'oche dam 'eetapeguec Ñim Lo'onatac 'Enauacna qataq qauacoñiiguet dam qami' ỹachaxanapecoto Ñimaye.

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Jeremías 32:2

Qaq se'eso na'a'q nache so nalleppi so nta'a ye Babilonia iloquiaxaatac ye Jerusalén, qaq so na'aqtaxanaxanec Jeremías qaỹapotaua'a hueta'a so nqasoxoc so nta'a.

Jeremías 38:13

Qaq huaña nache so ỹalleppi naviguisheguem se'eso nañec, nache nqatsheguem so Jeremías. Qaq co'ollaq, ime de'era, nache so Jeremías hua'a so qasoxoc maye nauanaxanaqa'.

Daniel 6:16

Qaq huaña, nache so nta'a damaxasoxoneuga da qanauegueuo so Daniel, da yaqto' qaỹasaxangui aso nshere maye laỹe' so llonpi. Qalaxaye co'ollaq saxanaxa da qaỹacoolec dam nhuaxanaguec somaye, nache so nta'a 'enapega so Daniel, 'eeta': ¡Ñim 'Anatamnaxala', ñim 'auo'onataxaatacot maye ỹataqta 'aualaxaguet naxa, 'am nca'alaxatec qome!