Jeremías 38:4 - La'aqtaqa Ñim Lo'onatac 'Enauacna 2013

⁴ Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Jeremías 38:4 Referans Kwoze

Jeremías 26:11

Huaña nache so ntaxaỹaxanaxanecpi qataq so na'aqtaxanaxanecpi, da'aqtaxanem so nataxala'pi qataq so nhuo' le'ecpi, 'eeta': «De'era ỹale iuen da qaỹalauat, cha'aye ỹa'axatta'a da qailaxachigui qome ne'ena huaqta'a't nỹecpi. Qaq qami' qaua'aqaichigui damaye.»

Hechos 16:20

Huaña yemaye, nache qaỹa'aqtaxaateguemo' soua nmi't na nasouaxashetpi, qoỹeeta': –Ne'enaua judío lashe', naamaye ỹataqta ỹo'otta'ape da la'axa ne'ena souaqta'a,

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Jeremías 29:7

Qataq qauo'onataxañi da yaqto' qautauañi nam huaqta'a't nỹecpi maye qami' sauegalo co'ollaxa, qataq Aỹem qauỹaxañiỹot da qauỹaxañiilec namaye, cha'aye da l-lagaxayec namaye nache chegoqchigui da qal-lagaxayequi.

Nehemías 6:9

Cha'aye namayepi ỹauotaique da choche qomi' icolanaqche't, da yaqto' saxanaxañi da qaro'onataxanaxac, qalaxaye aỹem seỹaxanot Ñim Lo'onatac 'Enauacna, da aỹem ỹa'añaqchet da yaqto' nache shecto'ot da ỹo'onataxanaxac.

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

Éxodo 5:4

Qalaxaye so nta'a maye ilotague' na netaña ye Egipto 'enapeco': «'Am Moisés qataq Aarón, ¿ta'ainco' qami' ye ỹaxaañi qanqa'eñi da lo'onataxanaxac na shiỹaxauapi? ¡Qavi'iguelqaiuec qome, qoquiỹot da qaro'onataxanaxaqui!»

Hechos 28:22

Qaq ỹoqo'oye qomi' sauoqtaique da 'am ña'axaỹaxanaxa ca 'eetec ca 'arhuennataxac. Cha'aye saỹaanaq da 'enauaque naua 'aleu' qanpa'agueetega de'era dalaxaic na'amqaanataxanaxac maye 'aua'axattac.

Hechos 24:5

Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Hechos 17:6

Qaq co'ollaq sa qaỹanatalo soomaye, nache qaỹauec so Jasón, qaỹauogoleeta. Qataq huo'oi soua lỹa't 'amqaanataxanaxaiqa da qaỹauegueua'alo som lta'alpi se'eso nỹecpi. Nache ỹa'alaqtagui somayepi, 'eeta': –So Pablo qataq so Silas 'enauac na pa'aiguelo da ỹo'ottrac da la'axa. Nagui qataq nvittra'a ne'ena souaqta'a.

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Esdras 4:12

Qomi' sauoqtaique da 'am sa'aqtaxanaxam, da yi'iye judiopi maye chegaqa'a ye Babilonia yemayepi mashe nvita ye Jerusalén, qataq mashe no'oxootapiguisheguem ye huaqta'a't nỹecpi da yaqto' naigui nam qaica ca ỹalaxaguet, qataq qauemaicpi. Qataq mashe lapaqtegueñi na lo'oxonaxala'pi da lpaqtaxat da qanauaxaỹaxasheguem yemaye.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

Jeremías 18:23

Qalaxaye 'am Nataxala', 'auaỹaten 'enauac nam lapaxañipi namayepi da yaqto' aỹem ỹalauat. ¡Qaq saishet qome da 'auchoxoreetac souaxat nam qauem maye ỹo'ot, qataq saishet da 'aucoua'ai na lasouaxashetpi! ¡Qaq huañi qome 'anqa'en namayepi, qataq 'auauo'o ca nhuaxanaguec 'aurolec da 'arayeloxo!

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Jeremías 38:25

Cha'aye na itauapi nataxala'pi qom ỹaỹaten da 'am ña'aqtaxaatague', nache 'am naỹa qome da 'am inat ca 'eetec cam aỹem 'aỹa'anem 'ara'aqtac, qataq cam 'am sanem ỹa'aqtac, qataq 'am ỹachaxanapeguem da 'am nca'alaxatec, nache 'am iỹaxanot qome da 'aua'axat 'enauac damaye.

Jeremías 43:3

Yo'oqta da nacheso so Baruc som llalec so Nerías som ỹo'ot da qomi' 'auataỹa'agueta, da yaqto' ỹo'ot da qomi' loxonqa na Caldeopi, nache qomi' ỹalaua't, huo'otaq qomi' ỹauegalo ye Babilonia.»