Jeremías 38:3 - La'aqtaqa Ñim Lo'onatac 'Enauacna 2013

³ Ñim Nataxala', 'eeta': Ne'ena huaqta'a't nỹecpi loxonec qome na nalleppi ñi nta'a ye Babilonia. Ñimaye ỹacona qome namaye, nache qaica ca ishet da naneltaxan.»

Jeremías 38:3 Referans Kwoze

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Jeremías 21:4

da Ñim Nataxala' maye Natamnaxala' na israel le'ecpi, 'enapec: ‹Aỹem so'ot qome da qoshe na 'analleppi maye deloctague' ñi nta'a ye Babilonia qataq nam caldeopi maye pa'ataueegue da laỹe na mpaqtaxanaxat da qami' coleesopa. Qataq so'ot na 'analleppi da ỹe'eguenoigui qome na huaqta'a't nỹecpi.

Jeremías 29:16

Qalaxaye Ñim Nataxala' da detaxaỹa ñi nta'a maye nso'ootangui añi nso'onaxaqui so David, qataq da detaxaỹa nam nhuo' le'ecpi maye netaigui ne'ena huaqta'a't nỹecpi, nam qarhuo'oi le'ecpi maye saishet da qarỹaitec co'ollaq qami' qaỹauec, 'enapec:

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Jeremías 21:9

Qaq cam no'onaña ne'ena huaqta'a't nỹecpi, qalaq ileuaigui qome ca alaataxac huo'otaq ca nqouaxa huo'otaq ca napiina. Qaq cam nañaneguet na caldeopi maye coleesop nagui na huaqta'a't nỹecpi, camaye saishet qome da ileu, nacherata da nca'alec qome.

Jeremías 37:8

Qaq na caldeopi qalaq ñe'eguelaq qome da iloquiaxan na huaqta'a't nỹecpi na Jerusalén, qaq loxonec qome, nache ỹegueua'a ỹauota'a ca norec.