Jeremías 38:2 - La'aqtaqa Ñim Lo'onatac 'Enauacna 2013

² «Ñim Nataxala', 'enapec: Cam no'onaña na huaqta'a't nỹecpi nache camaye ileuaigui qome ca alaataxac, huo'otaq ca nqouaxa, huo'otaq ca napiina. Qalaxaye cam ca'ai namaye, qataq nañaneguet na caldeopi, nache camaye nca'alec.

Jeremías 38:2 Referans Kwoze

Jeremías 39:18

Aỹem 'am ñeca'alaxateeguesop qome da 'analaataguec. Nache 'am 'aushet qome da 'ananeltaxan, cha'aye Aỹem 'aupi'iỹa'a. Qaq 'era da ỹa'aqtac Aỹem Nataxala'.»

Jeremías 45:5

Qaq 'am saishet qome da 'anmittaique ca lta'araic 'araỹamaxa, cha'aye Aỹem ñanacot qome cam qauem da talec 'enauac nam shiỹaxauapi. Qalaxaye 'am so'otec qome da nache 'anca'altauec maicheye cam 'aigue. Qaq da 'anachaalataxac nachera dam 'arhuotaxanaxat maye chegaqaigui ca alaataxac. Qaq 'era da ỹa'aqtac Aỹem Nataxala'.›»

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Jeremías 42:17

Qaq 'enauac na lhuennataxac da taỹa ye Egipto da naña, nache ileuaña qome yemaye, ileuaigui ca alaataxac, nqouaxa, huo'otaq ca napiina. Nache qaica qome ca nca'altauec, qataq qaica ca naneltaxaneguet que'eca qauem maye ñamaq qome.›

Ezequiel 7:15

Na pa'auec qalaq huo'o da alaataxac, qaq na pa'auo qalaq huo'o na nalolaxapi qataq na nqouaxa. Qaq nam huetauga na no'onaxa qalaq ileuaigui qome ca alaataxac, qaq nam huetaigui na huaqta'a't nỹecpi qalaq ilem qome ca nqouaxa qataq ca nalolaxa.

Ezequiel 6:11

Ñim Nataxala' aỹem 'enapega, 'eeta': «'Anỹen qome, 'auaxaata'a't naua 'arhuaxaye qataq 'auaxaatrañi naua 'arapia'ate, 'ana'alaqtapiguiñi qome da 'anqui'ic souaxat nam qauem qataq nam qaiqaiga maye ỹo'ottac na nhuo' Israel le'ecpi, cha'aye namayepi ileu qome souaxat ca alaataxac, nqouaxa qataq ca nalolaxapi.

Jeremías 44:13

Sauo'o qome ca nhuaxanaguec na hueta'a ye Egipto, 'eeta'am ñaqa'en da nhuaxanaguec co'ollaxa ye Jerusalén da serolec so alaataxac, nqouaxa qataq napiina.

Jeremías 42:22

Qaq ỹoqo'oye no'on da qauaỹaañita, da chegoqchigui qome ca alaataxac, nqouaxa qataq ca napiina, da qaullivi qom huaña yem 'alhua maye huotaique da qanqo'oñiỹa da qoñiỹalec.»

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 27:13

Cha'aye ¿ta'ainco' taxa da 'am 'aleu, qataq na 'arhuo' le'ecpi da huaigui ca alaataxac, huo'otaq souaxat ca napiina? Cha'aye Ñim Nataxala' ỹa'axat co'ollaxa de'era da talec cam shiỹaxauapi maye saishet da nañanot ñi nta'a ye Babilonia.

Jeremías 24:8

Qalaxaye ñi Sedequías, ñim nta'a ye Judá, qataq na nataxala'pi qataq na laỹepi maye hueta'a ye Jerusalén, qataq nam hueta'a ne'ena 'alhua, huo'otaq nam neta'ague da Egipto, namayepi 'eeta'am ñaqa'en qome ana hiigo maye qauem, qaq souaxat da ỹataqta qauem nache saishet da qanallec.

Jeremías 21:4

da Ñim Nataxala' maye Natamnaxala' na israel le'ecpi, 'enapec: ‹Aỹem so'ot qome da qoshe na 'analleppi maye deloctague' ñi nta'a ye Babilonia qataq nam caldeopi maye pa'ataueegue da laỹe na mpaqtaxanaxat da qami' coleesopa. Qataq so'ot na 'analleppi da ỹe'eguenoigui qome na huaqta'a't nỹecpi.

Jeremías 27:11

Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

Jeremías 29:16

Qalaxaye Ñim Nataxala' da detaxaỹa ñi nta'a maye nso'ootangui añi nso'onaxaqui so David, qataq da detaxaỹa nam nhuo' le'ecpi maye netaigui ne'ena huaqta'a't nỹecpi, nam qarhuo'oi le'ecpi maye saishet da qarỹaitec co'ollaq qami' qaỹauec, 'enapec: