Jeremías 37:3 - La'aqtaqa Ñim Lo'onatac 'Enauacna 20133 Nacherata da so nta'a Sedequías ỹamaq so Jucal, som llalec so Selemías qataq so ntaxaỹaxanaxanec Sofonías som llalec so Maseías, da nqo'ona so na'aqtaxanaxanec Jeremías, da yaqto' 'enapega, 'eeta': «Qomi' 'anatameeleguete qome, 'auỹaxanot Ñim Nataxala' maye Qanatamnaxala'.» Gade chapit la |
Qami' huo'o da lta'araic qarasouaxashechi, cha'aye maiche qami' da aỹem qoñiỹapega co'ollaxa da seỹaxanot Ñim Nataxala' maye Qanatamnaxala'ai nache aỹem qoñiỹapega, qoñiita': ‹Ñaq 'anachoxonnot Ñim Nataxala' maye Qanatamnaxala', da qomi' 'anachoxoreeleguete, nache qomi' 'auaỹaanaxaneque cam damaxasoxoolec Ñimaye da yaqto' so'otaq.›
«Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': 'Am nache 'ananettalec co'ollaxa aso 'ere da 'auamaxa 'enauac na shiỹaxauapi maye hueta'a ye Jerusalén, qataq so ntaxaỹaxanaxanec Sofonías som llalec so Maseías qataq 'enauac so laỹepi ntaxaỹaxanaxanecpi. Qaq so huetalec aso nere maye taỹa'a so Sofonías 'eeta':
Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›
Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi 'eeta' da la'aqtac maye taalec so Ahab maye llalec so Colaías qataq so Sedequías maye llalec so Maseías maye qami' ỹa'axattapeguema nam saq'enpi da 'eetega ỹachegoxotchigui da ỹe'enaxat: Aỹem saneguet qome da lhuaqỹaxac ñi nta'a Nabucodonosor maye lma' ye Babilonia, nache ñimaye qauauañiichigui naqa'en qom ỹalaua't.
Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».
Nache so nta'a Sedequías damaxasoxooña co'ollaxa so Jeremías da qaỹeuegueua'a so lma' lta'araic somaye, nache so Jeremías co'ollaq qaỹauegueua'a so nta'a, nache se'eso nta'a ndote' da inat somaye, 'eeta': ¿Peta'a huo'o ca la'aqtaxanaxac Ñim Nataxala'? Nache so Jeremías ỹasat, 'eeta': Aja', qaq damaye, 'eeta': 'Am nta'a, 'am loxonec qome ñi nta'a ye Babilonia.