Jeremías 37:10 - La'aqtaqa Ñim Lo'onatac 'Enauacna 2013

¹⁰ Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Jeremías 37:10 Referans Kwoze

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Jeremías 50:45

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Babilonia, qataq dam so'ottac lataxac da sataỹa'aguet na lma' ye Caldea. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome

Isaías 30:17

Qataq souaxat da larenaxanaxac ca 'oonolec shiỹaxaua, nache mil qome cam datauec da qoñiita, qataq souaxat da larenaxanaxa'c caua cinco nache 'enauac qami' da qauataiuec qome, choche ivitta'a da qoñeeta'am aca 'oonole qo'oipaq, maye netalec aca qasoxonaxa huo'otaq aca na'anaxanaqte maye netalec ca qaỹoqotcheguemec 'alhua.

Jeremías 51:4

Qaq 'enauac qome ye na'alhua na caldeopi, na shiỹaxauapi qalaq huetaiya' qome huetangui na nqa'aicpi,

Jeremías 49:20

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Edom, qataq dam so'ottac lataxac da sataỹa'aguet na lma' ye Temán. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome.

Jeremías 37:8

Qaq na caldeopi qalaq ñe'eguelaq qome da iloquiaxan na huaqta'a't nỹecpi na Jerusalén, qaq loxonec qome, nache ỹegueua'a ỹauota'a ca norec.

Isaías 14:19

'am qalaq qaỹoqta qanqa'en aca huachiqui ca 'am qaỹasaxaña, nache qoneta'am ca lasogoñi maye qaiqaiga, qataq ca leuaxaic maye qaỹapetapigui da ỹalectaigui ca nalaatacpi maye qaipelecot na lqosot, qataq qaỹasaxangui aca qaỹoqchiguingui nshere maye nlaqchigui na coma'.

Isaías 13:15

Qaq da huo'o ca qailalec nache qaỹa'arapec, qataq da huo'o ca nañan da qaỹaconeua'a, nache camaye qaỹalauat.

Isaías 10:4

Da saishet qome da nman nache qaỹauec da qaicoñe' qataq cañe' qanqa'en cam qaỹalauatpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Jeremías 37:11

Qaq so alleppi caldeopi co'ollaq mashe huotaique da ca'ai ye Jerusalén, cha'aye ỹaỹaten da mashe anacta so nalleppi so Faraón,

Lamentaciones 1:15

Ñim Nataxala', ỹataqta iỹotaxateueegue da ỹasaxauec som 'añaxaicpi maye aỹem iuetteguelec co'ollaxa. Nache namaq so alleppi da yaqto' aỹem iloquiaxan, qataq da nmatchiguiñi som ñalleppi maye 'añaxaicpi. ¡Ñim Nataxala' petapigui anam napogoshepi llalpi na Judá, 'eeta'am naqa'en da 'eetec da qaỹapetapigui ana uva da qaỹo'ot na lataxa!