Jeremías 36:9 - La'aqtaqa Ñim Lo'onatac 'Enauacna 2013

⁹ Qaq so ca'agoxoic nueve so vi'i cinco da lo'onataxanaxac so Joaquím, som llalec so Josías, da nta'a ye Judá, nache 'enauac na lma' ye Jerusalén qataq 'enauac na laỹepi shiỹaxauapi maye chegaqa'a na laỹepi huaqta'a't nỹecpi maye ỹotta'a't naua nañalo ye Judá, qoỹenapega da nqouaqchet da dataỹot Ñim Nataxala'.

Jeremías 36:9 Referans Kwoze

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Jonás 3:5

Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Jeremías 36:22

Qaq souaxat da mashe qanayeetaigui so ca'agoxoic nueve, nache so nta'a netaigui so lma' da huo'o na latomaxa, datatangui so laỹe' ana poqo maye 'ettangui.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Jeremías 36:1

Qaq co'ollaq mashe ivi' soua cuatro vi'iye da lo'onataxanaxac so Joaquim som llalec so Josías da nta'a ye Judá, nache Ñim Nataxala' huo'o so la'aqtac ỹanem so Jeremías, 'eeta':

Nehemías 9:1

Qaq so na'a'q veinticuatro se'eso ca'agoxoic siete, nache so Israel le'ecpi qaltaq ỹo'ot so laponaxac da yaqto' nqouaqchet, qataq ỹaatrañi soua sansatte' alogo qataq imeelec na lqaic so alo,

Levítico 23:27

«Qaq ca na'a'q diez ca ca'agoxoic siete, camaye nache laloxoqui da qaỹapalaxat ca nasouaxashet. Nache que'eca na'a'q qauo'oche ca naponaxac lta'araic, qataq qanqouaqchichi, qataq qauavigaxache aca qarachetaqtaxanaqche da qaỹa'añiỹot Ñim Nataxala'.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.