Jeremías 36:8 - La'aqtaqa Ñim Lo'onatac 'Enauacna 2013

⁸ Nache so Baruc ỹo'ot 'enauac dam ỹamaxalec so na'aqtaxanaxanec Jeremías: nqo'oneua'a aso atamnaxaqui, nache itaxaỹaxan aso nere maye huetalec da la'aqtaxanaxac Ñim Nataxala'.

Jeremías 36:8 Referans Kwoze

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

1 Corintios 16:10

Qom qami' ivitalo so Timoteo, qaq ỹataqta qanpogoxoiñiỹapegue' da machiguiñi qanqa'eñi, yaqto' qaica camachaqca. Cha'aye somaye ỹo'ottac da lo'onataxanaxac So Qarataxala', 'eeta'am aỹem.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Jeremías 36:4

Nache so Jeremías iỹaxana so Baruc, som llalec so Nerías, nache ỹa'axatem 'enauac nam la'aqtacpi Ñim Nataxala', nache so Baruc ỹerelec aso nere.

Nehemías 8:3

ime, nache itaxaỹaxan asomaye, chegoqchiguiña so nte'eta nache ivitta'a so na'a'q laiñi, huaña so naponqa' maye datatta so lasom maye qailonec da le'enaxat 'etaxat. Qaq 'enauac se'eso nhuo' le'ecpi maye ỹauaatauo, ỹataqta na'axaỹaxaachiguiñi co'ollaq qaitaxaỹaxaatac so nqataxacpi.

Jeremías 32:12

nache sanem so Baruc, som llalec so Nerías maye laual so Maseías, ỹauaachigui ñaqa'en so ihuo' le'ec Janamel, qataq soua lỹa't ỹauaatrauo maye nataqa'en nanettralec aso nere, qataq 'enauac som Judiopi maye hueta'a so nqasoxoc aso ncoñetaxanaxaqui.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.