Jeremías 36:4 - La'aqtaqa Ñim Lo'onatac 'Enauacna 2013

⁴ Nache so Jeremías iỹaxana so Baruc, som llalec so Nerías, nache ỹa'axatem 'enauac nam la'aqtacpi Ñim Nataxala', nache so Baruc ỹerelec aso nere.

Jeremías 36:4 Referans Kwoze

Jeremías 32:12

nache sanem so Baruc, som llalec so Nerías maye laual so Maseías, ỹauaachigui ñaqa'en so ihuo' le'ec Janamel, qataq soua lỹa't ỹauaatrauo maye nataqa'en nanettralec aso nere, qataq 'enauac som Judiopi maye hueta'a so nqasoxoc aso ncoñetaxanaxaqui.

Ezequiel 2:9

Qaq huaña nache sauaateguet so nhuaq da aỹem naỹaña, qaq somaye nasoqta'a aso nere maye qalpatta'ague.

Jeremías 36:32

Qaq huaña nache so Jeremías, ỹacona aso lỹa nere, nache ỹanem so Baruc maye leraxanaxanec, nache somaye ỹiyiñi co'ollaxa 'enauac nam la'aqtaxanaxacpi so Jeremías, qaq damaye, 'eeta': 'Enauac nam huetalec aso nere maye ỹavigaxat co'ollaxa so nta'a Joaquim, qaq so Jeremías qaltaq nquigaxattec na qalota laỹepi maye 'eeta'am na huetalec aso hua'auchiguiñi nere.

Jeremías 43:3

Yo'oqta da nacheso so Baruc som llalec so Nerías som ỹo'ot da qomi' 'auataỹa'agueta, da yaqto' ỹo'ot da qomi' loxonqa na Caldeopi, nache qomi' ỹalaua't, huo'otaq qomi' ỹauegalo ye Babilonia.»

Romanos 16:22

Nataqa'en qami' ỹamaxalo da lquinaxanaxac ñi Gayo maye sootaña na lma', nam nataqa'en laponqa' na 'amqaanataxanaxaicpi maye hueta'a ne'ena nỹecpi. Qataq nataqa'en qami' ỹamaxalo da lquinaxanaxac ñi Erasto, ñim ilotague' ana alom na shiỹaxauapi ne'ena nỹecpi, nataqa'en ñi qarqaỹa Cuarto. Nataqa'en aỹem samaq da iquinaxanaxac souaxat da lsoxoyec So Cristo. Aỹem ỹe'enaxat da Tercio, qaq ñi Pablo qalaq nacheñi ñi aỹem leraxanaxanec ana'ana nere.

Zacarías 5:1

Qaq aỹem Zacarías, huo'o so lỹa ỹauanaqchec. Aỹem sela'a aso nere maye huo'o so leraxat, asomaye huaỹotac.

Jeremías 36:28

«'Auauo'o qome aca lỹa nere, nache qaltaq 'avi'eguelaxalec qome da 'erelec acamaye 'enauac nam huetalec aso hua'auchiguiñi nere maye ỹavigaxat ñi Joaquim maye nta'a na Judá.

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Jeremías 36:23

Qaq naxa da so Yehudí ima't da itaxaỹaxa'n naua tres, huo'otaq cuatro lpa'axaco na nerec, nache so nta'a ichiigui naxa irota'a so lainec, ime nache ỹasaxangui so norec maye huetangui aso poqo laỹe', qaq 'era da 'eeta'ac somaye, nache choche ivitta'a da imauec da ỹavigaxat aso nere.

Jeremías 36:21

Nache so nta'a ỹamaq so Yehudí da ỹe'eguena'a aso nere maye huetaigui aso lo'onataxanaxaqui so neraxanaxanec Elisama, qaq so Yehudí co'ollaq nviraxateuo aso nere, nache itaxaỹaxan hua'aqchigui naqa'en so nta'a, qataq 'enauac som 'amaqtaqaicpi ltauapi maye coleesop somaye.

Isaías 8:1

Ñim Nataxala' aỹem 'enapega 'eeta': «'Auacona qome ca dapaqaic qalotelec, nache ỹataqtegue 'anqa'en da 'erelec camaye da ne'enaxat maye 'eeta': ‹Maher Salal Jasbaz.›

Jeremías 25:13

Aỹem so'ot qome da talec yi'iye na'alhua 'enauac nam sa'axatta'a co'ollaxa, qataq nanettalec ana'ana nere: 'Enauac nam ỹa'axattac co'ollaxa so Jeremías maye ỹachegoxotchigui da ỹe'enaxat da dataỹa'aguet 'enauac na ỹotta'a't shiỹaxauapi.

Jeremías 30:2

«Ñim Nataxala' maye Natamnaxala' na Israel le'ecpi 'eeta': 'erelec qome aca nere 'enauac nam 'am sa'axatem,

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Jeremías 36:14

Nache so nataxala'pi ỹamaq so Yehudí som llalec so Netanías maye laual so Selemías, qataq so Cusí, da yaqto' 'enapega so Baruc da iroua'a somayepi asom nere maye itaxaỹaxaatac co'ollaxa, maye hua'aqchigui naqa'en so shiỹaxauapi. Qaq huaña nache so Baruc ỹacona aso nere nache nqo'oneua'a somayepi,

Jeremías 36:27

Qaq co'ollaq qaỹata'ague da so nta'a ỹavigaxat aso nere maye huetalec na la'aqtacpi so Jeremías, maye ỹettañi co'ollaxa so Baruc, nache Ñim Nataxala' detaxaỹot so Jeremías, 'eeta':

Jeremías 51:59

Co'ollaq mashe ivi' soua cuatro vi'iye da lo'onataxanaxac so Sedequías da nta'a ye Judá, nache so na'aqtaxanaxanec Jeremías ỹamaxague so la'aqtac so Seraías som llalec so Nerías qataq laual so Maseías. Qaq so Seraías nache nnaictague' so nta'a Sedequías da nqo'ona ye Babilonia da yaqto' huapegue' da ỹauo'o so lanataqa' so nta'a.

Jeremías 51:60

Qaq so Jeremías ỹerelec co'ollaxa aso nere so la'aqtaxanaxac da ỹa'axata'a 'enauac nam qauem maye taỹa'a da talec ye Babilonia, qaq damaye, 'eeta': 'enauac nam nanettañi maye ỹa'axata'a dam 'eetec qome yemaye.

Daniel 7:1

Qaq so la'auaxanec vi'i da lo'onataxanaxac so Belsasar ye Babilonia, nache so Daniel huo'o so lchoxonaxac, qataq so lauanaqchecpi. Qaq co'ollaq nlouec, nache ỹiyiñi nam lataxacpi maye ỹataqta huo'o naq 'enec naqa'en. Qaq 'era dam ỹiyiñi somaye:

Isaías 30:8

Qaq nagui qojec, nache 'erelec qome ca dapaqaic de'era 'arauanaqchec, ỹauaachigui 'anqa'en namayepi, qataq 'erelec qome de'era aca nere da yaqto' nache huetalec acamaye choche ivitta'alo caua pa'atrec na'axa'te, qataq yaqto' chochaq tatec da saishet da qaicoua'ai.