Jeremías 36:2 - La'aqtaqa Ñim Lo'onatac 'Enauacna 2013

² «'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

Jeremías 36:2 Referans Kwoze

Jeremías 30:2

«Ñim Nataxala' maye Natamnaxala' na Israel le'ecpi 'eeta': 'erelec qome aca nere 'enauac nam 'am sa'axatem,

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Ezequiel 2:9

Qaq huaña nache sauaateguet so nhuaq da aỹem naỹaña, qaq somaye nasoqta'a aso nere maye qalpatta'ague.

Jeremías 51:60

Qaq so Jeremías ỹerelec co'ollaxa aso nere so la'aqtaxanaxac da ỹa'axata'a 'enauac nam qauem maye taỹa'a da talec ye Babilonia, qaq damaye, 'eeta': 'enauac nam nanettañi maye ỹa'axata'a dam 'eetec qome yemaye.

Jeremías 36:23

Qaq naxa da so Yehudí ima't da itaxaỹaxa'n naua tres, huo'otaq cuatro lpa'axaco na nerec, nache so nta'a ichiigui naxa irota'a so lainec, ime nache ỹasaxangui so norec maye huetangui aso poqo laỹe', qaq 'era da 'eeta'ac somaye, nache choche ivitta'a da imauec da ỹavigaxat aso nere.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Isaías 8:1

Ñim Nataxala' aỹem 'enapega 'eeta': «'Auacona qome ca dapaqaic qalotelec, nache ỹataqtegue 'anqa'en da 'erelec camaye da ne'enaxat maye 'eeta': ‹Maher Salal Jasbaz.›

Salmos 40:7

Qaq ỹoqo'oye aỹem shenapec: «Aỹem nagui soota'a ne'ena, cha'aye nache 'enapec ana nere maye ỹa'axa't da sheeta.

Esdras 6:2

Qaq so nma' lta'araic maye naña ye Acmeta, maye huaigui ye 'alhua Media, nache huaña co'ollaq qailalec aso nere maye huetalec so na'aqtac, 'eeta':

Oseas 8:12

Qaq cha'aye na'aictaxa da qalota nam sereñi ỹapaxaguenataxanaxacpi da sanem, qalaxaye ỹataqta qaica ca naigui naqa'en namayepi.

Jeremías 45:1

Qaq so vi'i cuatro da lo'onataxanaxac, da nta'a ye Judá so Joaquim, som llalec so Josías, qaq so Baruc som llalec so Nerías, co'ollaq ñaq ỹetteguiñi da na'aqtaxanaxac maye nasaqtauec so na'aqtaxanaxanec Jeremías, nache so Jeremías 'enapega so Baruc, 'eeta':

Jeremías 36:29

Ime, nache qoneta': 'Era da la'aqtac Ñim Nataxala': 'Am 'auavigaxat co'ollaxa aso nere, qataq 'auauotaique da 'auaconeua'a co'ollaxa so Jeremías, souaxat da ỹerelec asa'aso nere, da ñi nta'a ye Babilonia anac qome qaica ca iuatta'a, da yaqto' ilaxachigui ne'ena 'alhua, nache qaica naqa'en ca no'onañi na shiỹaxauapi, qataq nam shiguiỹacpi.

Jeremías 2:4

Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

Jeremías 1:5

«Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Da na'aqtaguec so Job 31:35

¡Daiyoxo' da huo'o ca aỹem hua'axaỹa, nache ỹataqta ñanerelectaxa de'era shenapec. Qaq Ñim Qaica ca Ỹaqalanapec aỹem ỹasateguet qome! Da huo'o ca nshetaique da aỹem dataỹa'aguet da huo'o ca aỹem ỹasaxalec ỹasouaxashet,

Deuteronómio 31:24

Nache so Moisés co'ollaq ime da ỹerelec aso nere ne'ena nqataxacpi,

Hebreos 10:7

Ỹoqo'oye Aỹem 'am shenapega sheeta': ‹Aỹem soota'a ne'ena 'am Ita'a, da yaqto' sepaqueelec da qonetapeguec. Cha'aye nachera da qoỹettañi ỹecỹaxac maye ỹa'axat nam namaxasoxonaxacpi maye chegoqo'ot so Moisés.›»

Jeremías 1:9

Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':

Jeremías 36:14

Nache so nataxala'pi ỹamaq so Yehudí som llalec so Netanías maye laual so Selemías, qataq so Cusí, da yaqto' 'enapega so Baruc da iroua'a somayepi asom nere maye itaxaỹaxaatac co'ollaxa, maye hua'aqchigui naqa'en so shiỹaxauapi. Qaq huaña nache so Baruc ỹacona aso nere nache nqo'oneua'a somayepi,

Jeremías 36:18

Nache so Baruc ỹasat, 'eeta': so Jeremías nasaqtauec 'enauac ne'ena na'aqtacpi, qaq aỹem nache settañi sauota'a so ỹeraxanaxat da serelec ana'ana nere.