Jeremías 36:10 - La'aqtaqa Ñim Lo'onatac 'Enauacna 2013

¹⁰ Nache so Baruc nqo'oneua'a so nqasoxoc lta'araic aso atamnaxaqui, nache ñichiguiña so Dalaxaic Lasom, qataq naloteuga so lo'onataxanaxaqui so Gemarías som llalec so Safán, nache so Baruc itaxaỹaxan aso nere maye huetalec na la'aqtacpi so Jeremías, hua'aqchigui naqa'en 'enauac so shiỹaxauapi.

Jeremías 36:10 Referans Kwoze

Jeremías 36:11

Qaq so Micaía som llalec so Gemarías qataq laual so Safán, co'ollaq hua'aqchigui 'enauac da la'aqtaxanaxac Ñim Nataxala' maye huetalec aso nere maye itaxaỹaxaatac so Baruc,

Jeremías 52:25

Qataq icoñerai' so lataxala' so alleppi, som ỹalectaigui so shiỹaxauapi maye hueta'a so huaqta'a't nỹecpi, qataq soua siete ỹale't maye lalamaqa'ate lamaxa'she so nta'a, maye huetra'a se'eso huaqta'a't nỹecpi, qataq so 'amaqtaqaic lataxala' na alleppi maye ỹapaxagueetac na ỹalleppi da yaqto' ỹalecnoigui na alleppi, qataq so sesenta ỹalleppi maye ỹo'oxoraicpi, maye hueta'a se'eso huaqta'a't nỹecpi.

Jeremías 26:10

Qaq som nataxala'pi ye Judá co'ollaq ỹaỹaten de'era, nache chegoqchiguiña so lma' lta'araic so nta'a da taita aso atamnaxaqui, qaq co'ollaq ivitta som le'enaxat Dalaxaic Lasom nache nso'ooñi.

Jeremías 36:25

Qaq so Elnatán, so Delaía qataq so Gemarías, nachoxoreetacoto co'ollaxa so nta'a da saishet da ỹavigaxat aso nere, qalaxaye so nta'a saishet da ỹalaq,

2 Samuel 8:17

Qaq so Sadoc, som llalec so Ajitob qataq so Ajimélec, som llalec so Abiatar, soomaye ntaxaỹaxanaxanqa co'ollaxa, qaq so Seraías, nache neraxanaxanec.

Jeremías 36:8

Nache so Baruc ỹo'ot 'enauac dam ỹamaxalec so na'aqtaxanaxanec Jeremías: nqo'oneua'a aso atamnaxaqui, nache itaxaỹaxan aso nere maye huetalec da la'aqtaxanaxac Ñim Nataxala'.

Jeremías 36:6

Qaq ỹoqo'oye 'am 'anqo'oneua'a qome añi atamnaxaqui qom nvireuo cam na'a'q maye huaigui ca qouaqchetaxac, nache 'autaxaỹaxan qome ana'ana nere maye huetalec nam 'ereguishecpi maye 'am saxatem, yaqto' na nhuo' le'ecpi qataq 'enauac nam hueta'a na huaqta'a't nỹecpi maye ỹotta'a't naua nañalo na Judá maye nvita ne'ena, na'axaỹaxana qome da la'aqtaxanaxac Ñim Nataxala'.

Jeremías 35:4

nache sauegueua'a aso atamnaxaqui, yem ndaqa' maye lalamaxat so llalaqpi so Hanán som llalec so Igdalías, som ỹale maye lo'onataxanaxanec Ñim Lo'onatac 'Enauacna. Qaq se'eso ndaqa' huaqta'ai' so lma' so nataxala'pi maye ilotague' aso atamnaxaqui, qataq npa'aỹañi so ndaqa' maye lalamaxat so Maseías som llalec so Salún maye nauaatalec naxa ñi lasom aso atamnaxaqui.

Jeremías 29:3

Qaq asa'aso nere ỹache qanqa'en so Elasa som llalec so Safán qataq so Gemarías som llalec so Hilcías, soua ỹama'q co'ollaxa so Sedequías maye nta'a ye Judá, da ỹamaxaregue da Babilonia da yaqto' nqo'ooreua'a so nta'a Nabucodonosor. Qaq aso nere da huetalec, 'eeta':

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

2 Reyes 18:37

Huaña nache so Eliaquín, maye ilotague' naxa so nma' lta'araic, qataq so Sebna, som neraxanaxanec maye ỹettapiguiñi 'enauac nam ỹo'otpi so nta'a, qataq so Yoaj, maye leraxanaxanec so nta'a, soomaye ỹataqta daquigoi' co'ollaxa, nache ncolaxata'aisalo soua alogo, nache nqo'ooreua'a so Ezequías da da'aqtaxaarem nam la'aqtacpi so 'amaqtaqai nataxala' maye Asiria le'ec.

2 Reyes 15:35

qataq somaye ỹo'ot co'ollaxa so ñegueuo lta'araic aso atamnaxaqui maye lalamaqte Ñim Nataxala'. Qalaxaye saishet co'ollaxa da nlaxaañi so qaỹoqotcheguema atamnaqa'pi, maye som nhuo' le'ecpi tasheguema naxa da ỹo'ot aso lachetaqtaxanaqtepi, qataq da ỹavigaxat so lchenaxanaxat.

2 Samuel 20:25

Qaq so Sevá, nache neraxanaxanec, qaq so Sadoc qataq Abiatar qalaq ntaxaỹaxanaxanaqa.

1 Reyes 6:36

Qataq no'oxoosheguem so lapoxot so pa'aỹauo nqasoxoc aso atamnaxaqui, tres naqa'en da no'oxoosheguem so nchiiguishecpi coma'pi, qataq mpa'aỹasheguem naqa'en da qalapaxalec somaye so nchiiguishec 'epaq cedro.

Jeremías 43:3

Yo'oqta da nacheso so Baruc som llalec so Nerías som ỹo'ot da qomi' 'auataỹa'agueta, da yaqto' ỹo'ot da qomi' loxonqa na Caldeopi, nache qomi' ỹalaua't, huo'otaq qomi' ỹauegalo ye Babilonia.»

Ezequiel 40:38

Qaq nataqa'en huo'o so qapio'olec nỹec maye ỹa'atteua'a se'eso ñegueuo. Som huaña naxa da qaiỹo na shiguiỹacpi da yaqto' qoỹaneuo da nachetaqtaxanaxat maye qaỹavigaxatta.

2 Reyes 22:3

Qaq co'ollaq mashe dieciocho vi'iye da nta'a so Josías, nache somaye ỹamaq so leraxanaxanec Safán, som llalec so Asalías, som laual so Mesulán, da yaqto' taua'a aso atamnaxaqui maye lalamaqte Ñim Nataxala', nache 'eeta':