Jeremías 34:9 - La'aqtaqa Ñim Lo'onatac 'Enauacna 2013

⁹ Se'eso aỹamaxataxac nanettalec da 'enauac na huo'o na l-latac huo'otaq l-lata maiche hebreo le'ec, iuen da ỹaxanec, yaqto' qaica ca huo'o ca l-latac na maiche lauo' le'ecpi.

Jeremías 34:9 Referans Kwoze

Filipenses 3:5

Cha'aye aỹem co'ollaq mashe sevi' soua ocho na'axa'te da ñañiguiñi, nache qaỹauo'o so la'anaxat na ỹo'oc, cha'aye aỹem ỹataqta ỹalamaxat ihuo' na Israel le'ecpi, sachegoxoigui na llalaqpi so Benjamín, aỹem hebreo le'ec, ñapacalec nam ỹataqta qalota maye 'eetega naxa da hebreo le'ecpi. Da ỹataxac aỹem fariseo le'ec, cha'aye shecteguelo naua nqataxaco maye chegoqo'oto so Moisés.

2 Corintios 11:22

Namayepi da huo'otaq hebreo le'ecpi, nache nataqa'en aỹem. Qataq namayepi da Israel le'ecpi, nache nataqa'en aỹem. Qataq namayepi da chegoxoguet so Abraham, nache nataqa'en aỹem.

1 Corintios 6:8

Qalaxaye qami' saishet da nache qoñiitec de'era. Nachaqrata da qauo'ocheeteguec ca sa ỹaỹamaxañi ca maiche qara'amqaanataxanaxauai, qataq huo'o na decacheto'ot ñi lỹa.

Jeremías 34:10

Nache 'enauac so nataxala'pi qataq som shiỹaxauapi, ỹaỹamaxareeta se'eso aỹamaxataxac, nache ỹaxanec 'enauac so l-latacpi, nache saishet da qaltaq dequicto'ot da ỹamaqtac somayepi.

Jeremías 30:8

Aỹem Nataxala' maye Qaica ca Seqalanapec, 'era da ỹa'aqtac: sesoueeguesop qome na ỹalamaxat nhuo' le'ecpi da ncoñetaguec, nache saishet qome da ỹe'eguelaxa da l-latacpi nam shiỹaxauapi maye ỹaqa'a ca chegaqa'ague.

Jeremías 27:7

Qaq 'enauac qome na ỹotta'a't shiỹaxauapi da do'onataxanot ñimaye, qataq ca llalec qataq ca laual, choche ivitta'a qome da ivita ca laloqo' da na 'amaqtaqaic ỹotta'a't shiỹaxauapi qataq na 'añaxaicpi nta'alpi da ilo'ogue na na'alhua ñimaye.

Jeremías 25:14

Qataq nam 'amaqtaqaicpi shiỹaxauapi qataq nta'alpi maye 'añaxaicpi qalaq ỹamaqtac qome namayepi. Qaq 'era da sheetec da sanem qome da nsheetenaguec maye lasheue nam ỹo'otpi.›»

1 Samuel 14:11

Qaq huaña nache soomaye nachaxanalo co'ollaxa so filisteopi maye hueta'a so lanataqa'. Qaq somayepi, co'ollaq ila'alo soomaye, nache 'enapeco': «Ña qauloỹa na hebreopi mashe nnoxoosheguem chegoqtoigui na auacpi maye nqañoxotaxaquipi.»

1 Samuel 4:9

¡Qana'añaxache qome qami' filisteopi, yaqto' saishet da qaviyeeta'a da qami' l-lataqa ye hebreopi, yaqto' saishet da qoñiita'am yemayepi da choche qal-latacpi! ¡Saishet da qayi'iitac, qauacoñiỹa da qami' ỹale't da qauloqui!

1 Samuel 4:6

Nache so filisteopi co'ollaq hua'axaỹa de'era na'alaxac, nache denataxaatac, 'eeta': ¿Chaq ta'ainco' da ỹataqta ỹaguec da na'alaxac ye lanataqa' ye hebreopi? Nache co'ollaq ỹaỹaten da so Israel le'ecpi mashe nviraxata ye lanataqa, aso laỹe' da naỹamaxataxac Ñim Nataxala',

Deuteronómio 15:12

Qaq da huo'o ca nmeela't da 'ausheenaxana da yaqto' 'arlatac na maiche 'arhuo' le'ecpi, ỹale huo'otaq 'alo, nache camaye seis vi'iye da 'alattac, qaq da ivita ca vi'i siete nache 'ausoueeguesop da nlataguec.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 2:6

Nache aso llale so faraón co'ollaq ỹauaañigui aso npaqtole, nache ilaña so nogotolec nỹeetac. Nache ỹataqta huo'o da lchoxonnataxanaxa, nache 'enapeco': «Ne'ena nogotolec, namaye llalec na hebreo le'ecpi.»

Génesis 40:15

Cha'aye aỹem choche aỹem qaicachiỹa co'ollaxa, aỹem qaỹachegoxotchiguiña ye na'alhua na hebreopi, qaq ne'ena soota'a qaica ca so'ot saỹaỹamaxañi da yaqto' aỹem qoỹaataigui ana ncoñetaxanaxaqui.»

Génesis 14:13

Qalaxaye huo'o so ỹale maye qoỹet co'ollaxa, somaye da'aqtaxanem co'ollaxa 'enauac de'era so Abram som hebreo le'ec, maye netaña yem huaña aso qo'oipaqpi le'enaxat encina, maye lalamaxat so Mamre, som amorreo le'ec. Qaq so Mamre nache lqaỹa so Escol, qataq so Aner, qaq soomaye nache huaqtapeegueta naxa so Abram.