Jeremías 34:8 - La'aqtaqa Ñim Lo'onatac 'Enauacna 2013

⁸ Ñim Nataxala' qaltaq 'enapega so Jeremías, co'ollaq ime da so nta'a Sedequías ỹauo'o so naỹamaxataxac da naỹamaxate' 'enauac so shiỹaxauapi maye netaña ye Jerusalén, da yaqto' ỹaxanec na l-latacpi.

Jeremías 34:8 Referans Kwoze

Levítico 25:10

Qaq da ivita ca vi'i cincuenta, nache qaiỹotauga da yaqto' laloxoqui da huesouec qanqa'en ca shiỹaxauapi maye nsheenaxanaxat que'eca qana'alhuai, nache camaye ỹe'eguelaxa ca chegoxoguet lauo' le'ecpi, qataq ca lalamaxat na'alhua, nataqa'en da qaỹapalaxat aca navigaxaiste qataq da qaỹe'eguelaxat ca 'alhua maye qaimen.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

2 Reyes 11:17

Ime co'ollaxa, nache so Joyadá, ỹo'ot da so nta'a qataq so nhuo' le'ecpi naỹamaxate' Ñim Nataxala'. Da yaqto' Ñimaye ỹataqta lalamaxat se'eso nhuo' le'ecpi. Qataq nache 'eetec nataqa'en so nta'a, qataq so nhuo' le'ecpi.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Nehemías 9:38

Qaq souaxat de'era souaqaigui, nache qomi' so'otaq de'era qanaỹamaxataxac maye ỹataqta qoỹeyiñi, nache nanereñi na qarataxala'pi, leviitapi, qataq na ntaxaỹaxanaxanecpi.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

2 Crónicas 23:16

Ime, nache so Joyadá, naỹamaxate' 'enauac so nhuo' le'ecpi qataq so nta'a, da yaqto' somayepi nache lalamaxat Ñim Nataxala'.

Deuteronómio 15:12

Qaq da huo'o ca nmeela't da 'ausheenaxana da yaqto' 'arlatac na maiche 'arhuo' le'ecpi, ỹale huo'otaq 'alo, nache camaye seis vi'iye da 'alattac, qaq da ivita ca vi'i siete nache 'ausoueeguesop da nlataguec.

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,