Jeremías 34:7 - La'aqtaqa Ñim Lo'onatac 'Enauacna 2013

⁷ Qaq som nalleppi so nta'a ye Babilonia mashe iloquiaxaatac ye Jerusalén qataq ye Laquis qataq ye Azecá, maye chaqyeuate' da no'oirañi nam huaqta'a't nỹecpi maye huo'o na lpaqtaxat ye 'alhua Judá.

Jeremías 34:7 Referans Kwoze

Josué 10:3

Qaq souaxat de'era nache so Adonisédec ỹamaxa da la'aqtac soua nta'al, som Hoán maye nta'a ye Hebrón, qataq so Pirán, maye nta'a ye Jarmut, qataq so Jafía maye nta'a ye Laquis, qataq so Debir maye nta'a ye Eglón.

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Josué 15:35

Jarmut, Adulán, Soco, Azecá,

Miqueas 1:13

Qaq qami' maye qarma'ai na Laquis, ñaq qaucoñeyeeua'a ana naigonapi na caipi, cha'aye nache qami' chegoqchiguilo da lasouaxashet ye Sión, qataq nache qami' chegoqchiguilo da ỹataqta sa ỹalaq na Israel le'ecpi.

Jeremías 34:1

Qaq so Nabucodonosor maye nta'a ye Babilonia, lỹatac 'enauac so nalleppi qataq nam ỹotta'a't shiỹaxauapi maye chegaqaña nam 'alhuapi maye ilotague' somaye, co'ollaq iloquiaxaatac ye Jerusalén, qataq 'enauac na huaqta'a't nỹecpi maye lauoreuapi yemaye, nache Ñim Nataxala' 'enapega so Jeremías, 'eeta':

Jeremías 11:12

Qaq huaña, nache na shiỹaxauapi ye Judá, qataq na netaña ye Jerusalén, nqo'ona qome da iỹaxanot ca ntaunaguec nam natamnaxala'pi maye ỹaatacot naxa na lchenaxanaxat, qalaxaye ne'ena atamnaxala'pi saishet qome da nca'alaxatec namayepi, qom nvi' que'eca qauem.

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

2 Crónicas 27:4

Qataq nataqa'en no'oxoosheguem so qalota huaqta'a't nỹecpi, nalec naqa'en aye qasoxonaxapi ye Judá, qataq no'oxoosheguem aso ñe'eguenaxaquipi qataq aso nalloxolatepi naña naqa'en so aviaq.

2 Reyes 19:8

Nache se'eso 'amaqtaqaic nataxala' maye Asiria le'ec, la'axaỹaxac co'ollaxa da so nta'a ye Asiria, ca'ai ye huaqta'a't nỹecpi ye Laquis. Huaña nache somaye jec, ca'ai ye Jerusalén, nache natenalec so nta'a ye Asiria da iloquiaxaatac ye Libna.

Josué 15:39

Laquis, Boscat, Eglón,

Josué 12:11

qataq so nta'a ye Jarmut, qataq so nta'a ye Laquis,

Deuteronómio 28:52

Qaq cam 'ampa'aguenaxauapi coleesop qome ca 'aralamaxat huaqta'a't nỹecpi da 'am iloquiaxan ivitta'a da ỹamaxañi cam ỹataqta qaỹoqotcheguemec, qataq sansattec lpaqtaxat maye 'anteetacot, aja', coleesop qome 'enauac cam huaqta'a't nỹecpi maye ỹotta'a't naua nañalo yem 'alhua maye 'am ỹanem qome Ñim Nataxala' maye 'Anatamnaxala'.

Josué 10:5

Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.

2 Reyes 14:19

Qaq huaña ye Jerusalén da qaỹataỹa'aguet co'ollaxa so Amasías, qaq somaye datauec, ỹe'eguena ye Laquis, qalaxaye qaicaalec, nache qaiviraxata'a ye Laquis, huaña nache qaỹalauat.

Isaías 36:2

Qaq so nta'a ye Asiria chegoqchiguiña naqa'en ye Laquis, da ỹamaq so 'amaqtaqaic lataxala' na alleppi, nnaictague' naqa'en so 'añaxaicpi nalleppi, da yaqto' taỹa so nta'a Ezequías maye netaña ye Jerusalén, qaq somayepi hua'a co'ollaxa da lanataqa' so loigue so llec na 'etaxat maye chegaqasheguema aso laỹe' na 'etaxat, som nqa'aic maye taỹauga so no'onaxa som nỹoxonaq.