Jeremías 34:3 - La'aqtaqa Ñim Lo'onatac 'Enauacna 2013

³ Qaq 'am saishet qome da 'auañoxot da 'ananeltaxaneguet da la'añaxac ñimaye, 'am noxonec qome, nache 'am qoỹaneua'a ñimaye, qaq qom ime da 'am qoỹaneua'a ñimaye, nache 'am qaỹaueegue qome da Babilonia.

Jeremías 34:3 Referans Kwoze

Jeremías 32:4

qaq ñi nta'a Sedequías saishet qome da ỹañoxot da naneltaxaneguet na caldeopi, nacherata da loxonec qome ñi nta'a ye Babilonia, nache nachaateua'a qome ñimaye.

Jeremías 21:7

Ime, nache ñi Sedequías maye nta'a ye Judá saneguet qome da lhuaqỹaxac ñi Nabucodonosor, qataq saneguet na laỹepi mpa'aguenaxauapi maye qauemaicpi, nache l-llañe' na lataxala'pi qataq na nalleppi, qataq na shiỹaxauapi maye lca'alaxaicpi ne'ena huaqta'a't nỹecpi qom ime que'eca napiina qataq ca alaataxac qataq ca nqouaxa. Aỹem so'otec qome da saishet da qaichoxonnai' da qaỹalauat qairolec ca ỹeelonec. Qaq 'era da ỹa'aqtac Aỹem Nataxala'.

Jeremías 34:21

Nataqa'en ñi Sedequías, maye nta'a na Judá, qataq 'enauac na ltauapi, da saneguet qome da lhuaqỹaxac na mpa'aguenaxauapi maye nachena na nalleppi ñi nta'a ye Babilonia, nam ỹaxaañi nagui da iloquiaxaatac.

Ezequiel 21:25

Qaq 'am nta'a na Israel maye 'am laataxanaxaic, mashe 'am nayeeta'a ye laloqo' ca pa'atec 'anhuaxanaguec.

Ezequiel 12:13

Aỹem sasaxalec qome ca ỹaleguec nache ỹoxonec qome. Qaq ime nache sauega qome ye Babilonia maye na'alhua na caldeopi, yem 'alhua maye saishet qome da ila'a cha'aye qaicaua naua la'ai'te, qataq nache huaña qome yemaye da ileu.

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Jeremías 37:17

Nache so nta'a Sedequías damaxasoxooña co'ollaxa so Jeremías da qaỹeuegueua'a so lma' lta'araic somaye, nache so Jeremías co'ollaq qaỹauegueua'a so nta'a, nache se'eso nta'a ndote' da inat somaye, 'eeta': ¿Peta'a huo'o ca la'aqtaxanaxac Ñim Nataxala'? Nache so Jeremías ỹasat, 'eeta': Aja', qaq damaye, 'eeta': 'Am nta'a, 'am loxonec qome ñi nta'a ye Babilonia.

Jeremías 27:22

«'Enauac ne'enapi qairo'ogue qome da Babilonia, qaq nache hueta'a qome yemaye, choche ivitta'a cam na'a'q qom she'eguena'a nache ñe'eguelaxata ne'ena nma'. Qaq 'era da ỹa'aqtac Aỹem Nataxala'.»

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Jeremías 32:28

Qaq ỹoqo'oye Aỹem, 'am shenapega, sheeta': Aỹem so'ot qome da ne'ena huaqta'a't nỹecpi, loxonec ñi Nabucodonosor maye nta'a ye Babilonia, qataq nam caldeopi.

Jeremías 34:4

Qalaxaye na'aictaxa de'era 'am Sedequías maye 'am nta'a na Judá, ñaq 'ana'axaỹaxana da ỹa'aqtac, Aỹem Nataxala' 'am saxatem da saishet da 'am qairolec qome ca ỹeelonec da 'am qaỹalauat.

Ezequiel 17:15

Qalaxaye se'eso llalec so nta'a, saỹalaxaguet co'ollaxa so nta'a ye Babilonia, nache ỹauo'o so lamaxashecpi da ỹamaxa ye Egipto da yaqto' iỹaxanaique so qalota caipi qataq so qalota ỹalleppi. ¿Qaupi'itaxañiitega peta'a da qom ime de'era, nache huo'o ca la'amaqchic, qataq ishet da nca'alec? ¿Ishet peta'a da nca'altauec ca saishet da ipaguelec cam naỹamaxataxac co'ollaxa?

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Ezequiel 17:16

Aỹem Nataxala', ñañan da san da ỹa'aqtac, da ileuaña qome ye Babilonia ñim ỹe'en co'ollaxa som ỹan la'aqtac, qataq saipaguelec som naỹamaxataxac maye ỹo'ot co'ollaq naỹamaxate' ñi nta'a maye ỹanem da nso'ongui añi so'onaxaqui.