Jeremías 34:22 - La'aqtaqa Ñim Lo'onatac 'Enauacna 2013

²² Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 34:22 Referans Kwoze

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Jeremías 39:8

Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Jeremías 52:7

Qaq huaña nache ỹauo'o so lauatac so lpaqtaxat se'eso huaqta'a't nỹecpi, qaq na'aictaxa so caldeopi da mashe coleesop, nache so nta'a qataq 'enauac so nalleppi datauec, ca'ai ye huaqta'a't nỹecpi se'eso pe. Somayepi tateuga so lasom maye ñichiguinguilo soua dos npaqtaxanaqa'ate, nache tateuga so nqa'aic maye taalec so lanaxanaqa' so nta'a, nache quegue so nqa'aic maye taalec so ca'amegue ye Jordán.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Zacarías 7:14

Qaq ỹoqo'oye Aỹem selagaxatapec co'ollaxa sheeta'am aca daua'ache, da yaqto' ỹaleeguet ñaqa'en nam ỹotta'a't shiỹaxauapi maye saỹauatton co'ollaxa. Qaq na na'alhua namayepi ivira'a da ỹataqta toolec, nache qaica ca ishet da nalec. ¡Nam 'alhua maye ỹataqta 'onaxaic co'ollaxa, qalaxaye namayepi ỹo'otec da ỹataqta toolec!»

Zacarías 1:12

Nache som lamaxashec Ñim Nataxala', 'enapec: «'Am Nataxala' maye Qaica ca 'Auqalanapec, mashe ivi' naua setenta vi'iye da 'aunotega na Jerusalén, qataq ye huaqta'a't nỹecpi maye ỹotta'a't naua nañalo ye Judá. Qaq ¿chaq lcate' vi'iye qome caua inoxoorec, nache 'avi'eguelaxa da 'auchoxoren namayepi?»

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Jeremías 38:23

Qaq so Jeremías, nache queto'ot da 'eetega so nta'a, 'eeta': 'Enauac na 'alpi, qataq na 'aỹa'alaqpi 'am nta'a, namayepi loxonec qome na caldeopi, qaq 'am nta'a saishet qome da 'auañoxot da 'ananeltaxaneguet namayepi, nacherata da 'am qoỹaneua'a ñi nta'a ye Babilonia, qaq ne'ena huaqta'a't nỹecpi qalaq qoỹegueua'a qome.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Isaías 64:10

Nam 'aralamaxatpi qui'itta huaqta'a't nỹecpi maye ỹotta'a't naua nañalo namayepi ỹataqta toolec, na Jerusalén qalaq nlachiguiñi qataq dolachigui.

Isaías 37:26

¿Qaq sa 'auaỹateno' da nache Aỹem, Nataxala', da so'ot co'ollaxa 'enauac de'era? Qaq nache chegoqchiguiña soua qaỹoqteguelo vi'iye da llapaxañi co'ollaxa damaye, qaq nagui nache sacoolec da so'ot, qaq ỹoqo'oye 'am ishet da 'aulaxachigui so huaqta'a't nỹecpi maye sansattec so lpaqtaxat, qataq ỹataqta nlachiguiñi 'anqa'en.

Isaías 24:12

Ye huaqta'a't nỹecpi qalaq ỹataqta nlachiguiñi, so lasom som ñegueuo qalaq nlachiguiñi.

Isaías 13:3

Mashe seỹaxana nam ỹa'añaxanecpi, qataq mashe samaq na ñalleppi maye seỹotauga co'ollaxa, nam huo'o da lamaicỹaxac souaxat da ỹauegaxanaxac, da yaqto' ỹacoolec da ỹo'ot da iuaxanaxanaxac.»

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

2 Crónicas 36:17

Qaq huaña nache Ñim Nataxala', ỹamaq so lta'a so caldeopi da iloquiaxan somayepi, nache irolec so ỹeelonec so nsoxoppi, huaigui naqa'en aso atamnaxaqui, nache saishet da ichoxoreetac se'eso nsoxoppi, qataq so qa'ampiolec, qataq so ỹa'axaiquipi, qataq som sara'añeeguelo naua lchel, qaq 'enauac somayepi da Ñim Nataxala' ỹaneguet da lhuaqỹaxac somaye.

2 Samuel 16:11

Ime, nache somaye 'enapega so Abisay qataq 'enauac so ltauapi somaye, 'eeta': Ña qauloỹa som ỹataqta ỹalamaxat ỹalec, qalaq huotaique da aỹem ỹalauat. Qaq ta'ainectoxo' da saishet da nache 'eetec de'era, dam llalec so Benjamín. Ỹoqo'oye qaua'aqaita'a qome damaye da aỹem isheueetac, cha'aye souaxai' maiche ỹamaxalec Ñim Nataxala'.

2 Reyes 25:6

Nache som caldeopi, loxonec co'ollaxa so nta'a Sedequías, nache qaỹauegueua'a so nta'a ye Babilonia, maye hueta'a ye Ribla, maye huaigui ye 'alhua Jamat. Qaq nache huaña yemaye, da so Nabucodonosor, ỹauo'o da nhuaxanaguec so Sedequías,

Jeremías 34:2

«Aỹem Nataxala' maye Natamnaxala' na Israel le'ecpi, 'am samaq da 'anqo'oneua'a ñi Sedequías maye nta'a na Judá, nache qonapega, qoneta: 'Eeta' da la'aqtac Ñim Nataxala': Aỹem so'ot qome da ñi nta'a ye Babilonia loxonec ne'ena huaqta'a't nỹecpi, nache ỹavigaxat qome.

Jeremías 50:13

Cha'aye salemata qome, nache so'ot da qaica ca hueta'a namaye, nache ỹataqta imauec qome da toolec ñaqa'en. Nache 'enauac nam nateuga yemaye, ỹataqta huo'o qome da lcolanaxa, qom ila'a da nhuaxanaguec maye talec yemaye.

Ezequiel 13:22

Qami' qauroilec da qaratenataxanaxaqui, da qaucolanaqchichi na no'on da lataxac, dam saishet da sauotaique da so'ot co'ollaxa, qataq qaua'añaqchichi nam qauemaicpi da queto'ot dam qauem lataxac da yaqto' saishet da sanem da lca'alaxa.

2 Reyes 25:9

Nache somaye ỹavigaxat co'ollaxa aso atamnaxaqui maye lalamaqte Ñim Nataxala', qataq so nma' lta'araic maye lo'onataxanaqa' so nta'a, qataq 'enauac se'eso huaqta'a't nỹecpi ye Jerusalén, qataq so lma'pi som ỹo'oxoraicpi ỹalleppi.

Jeremías 2:15

'Eeta'am ca llon da desoqtai' nam iloquiaxaatac somaye, nache ỹataqta nlachiguiñi naqa'en nam na'alhua. Qataq qaỹavigaxat som lalamaxat huaqta'a't nỹecpi, nache qaica ca no'onañi da hueta'a.