Jeremías 34:21 - La'aqtaqa Ñim Lo'onatac 'Enauacna 2013

²¹ Nataqa'en ñi Sedequías, maye nta'a na Judá, qataq 'enauac na ltauapi, da saneguet qome da lhuaqỹaxac na mpa'aguenaxauapi maye nachena na nalleppi ñi nta'a ye Babilonia, nam ỹaxaañi nagui da iloquiaxaatac.

Jeremías 34:21 Referans Kwoze

Jeremías 39:6

Qaq huaña ye Ribla nache so nta'a ye Babilonia damaxasoxoolec co'ollaxa da qaipelecot na lqosot soua llalqa so Sedequías ỹauaachigui naqa'en somaye, qataq nataqa'en 'enauac som 'amaqtaqaicpi maye lma' ye Judá.

Ezequiel 17:16

Aỹem Nataxala', ñañan da san da ỹa'aqtac, da ileuaña qome ye Babilonia ñim ỹe'en co'ollaxa som ỹan la'aqtac, qataq saipaguelec som naỹamaxataxac maye ỹo'ot co'ollaq naỹamaxate' ñi nta'a maye ỹanem da nso'ongui añi so'onaxaqui.

Jeremías 52:10

nache ỹauaachigui naqa'en somaye, co'ollaq damaxasoxoolec da qaicheguec na lqaic so llalaqpi, qataq 'enauac som 'amaqtaqaicpi ye Judá.

Lamentaciones 4:20

Qaq nataqa'en som lca'aguishec Ñim Nataxala' noxonec, som ỹa'añaqchettac co'ollaxa da qanachaalataxac, som nta'a maye setaxasoqtega naxa shenaqta': «Souaqto'ot qome na lpaqal da salegaqtaigui na ỹotta'a't shiỹaxauapi».

Jeremías 32:4

qaq ñi nta'a Sedequías saishet qome da ỹañoxot da naneltaxaneguet na caldeopi, nacherata da loxonec qome ñi nta'a ye Babilonia, nache nachaateua'a qome ñimaye.

2 Reyes 25:6

Nache som caldeopi, loxonec co'ollaxa so nta'a Sedequías, nache qaỹauegueua'a so nta'a ye Babilonia, maye hueta'a ye Ribla, maye huaigui ye 'alhua Jamat. Qaq nache huaña yemaye, da so Nabucodonosor, ỹauo'o da nhuaxanaguec so Sedequías,

Jeremías 22:25

da yaqto' 'am saneguet na 'ampa'aguenaxauapi maye huotaique 'am ỹalauat, nam ỹataqta 'arcolanaxatpi. Qataq 'am saneguet qome ñi Nabucodonosor maye nta'a ye Babilonia, qataq ye caldeopi.

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Jeremías 44:30

Aỹem saneguet qome ñi faraón Jofra, ñim nta'a na Egipto, dam la'añaxac na mpa'aguenaxauapi maye huotaique da ỹalauat ñimaye, 'eeta'am ñaqa'en da 'eetec so Sedequías maye nta'a ye Judá, co'ollaq saneguet da la'añaxac so Nabucodonosor maye nta'a ye Babilonia, som huotaique da ỹalauat somaye.

Jeremías 52:8

Qalaxaye so alleppi caldeopi, icaalec co'ollaxa so nta'a Sedequías, nache iviralec co'ollaq huaña ye nalochiguiñi 'alhua ye Jericó. Nache 'enauac so nalleppi so Sedequías ỹalat somaye nache nlagaxattac.

Ezequiel 17:12

«Ñaq 'aunat ne'ena nhuo' le'ecpi maye saỹalaq, da huo'otaq ỹaỹaten ca naigui de'era maye qaỹaloqnaxana. Qoneta': So nta'a ye Babilonia naỹa ye Jerusalén, nache loxonec so nta'a ye Judá qataq so ltauapi, nache ỹauega ye Babilonia.

Ezequiel 17:20

Qaq Aỹem sasaxalec qome ñimaye ca ỹaleguec, nache huetaigui ñaqa'en qome camaye da sauega ye Babilonia, qaq nache huaña qome yemaye da ñemit souaxat da Aỹem saỹalaxaguet.