Jeremías 34:13 - La'aqtaqa Ñim Lo'onatac 'Enauacna 2013

¹³ «Aỹem Nataxala', maye Natamnaxala' na Israel le'ecpi, so'ot co'ollaxa so ñaỹamaxataxac da ñaỹamaxate' som hua'au qarta'ailpi, co'ollaq ñeqateeguesop ye Egipto, yem huaña co'ollaxa da choche nlatacpi. Nache samaxalec co'ollaxa

Jeremías 34:13 Referans Kwoze

Jueces 6:8

nache Ñimaye namaq so la'aqtaxanaxanec nache, 'eeta': «'Era da la'aqtac Ñim Nataxala' maye Natamnaxala' na Israel le'ecpi, 'eeta': ‹Aỹem qami' ñeqateeguesopa co'ollaxa ye Egipto, yem huaña co'ollaq qami' nlatacpi,

Josué 24:17

¡Ñim Nataxala', nacheñi Ñim Qanatamnaxala'! Cha'aye Ñimaye nacheñi ñi qomi' nqatrec, qataq so qarta'alpi co'ollaq qomi' nlatacpi huaña ye Egipto. Qataq Ñimaye ỹataqta sauanaqchigui naqa'en da ỹo'ot so lta'araic na'aalaxa, qataq ntela'a qataq npaxattalec da qoyecỹaxac, co'ollaq qolaqchiguingui so ỹotta'a't shiỹaxauapi.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Deuteronómio 5:27

Qaq ỹoqo'oye 'onaxaic da 'am qojec, nache 'ana'axaỹaxana qome 'enauac na la'aqtacpi maye 'am ỹanem Ñim Nataxala' maye Qanatamnaxala'. Ime, qaq qomi' 'aua'aqtaxanema qome yaqto' so'otaq qataq salaxasoxoguet.»

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Jeremías 11:4

Qaq nachera dam aỹamaxataxac maye so'ot co'ollaq ñaỹamaxate' som hua'au qarta'ailpi, co'ollaq ñeqateeguesop ye Egipto, yem 'alhua maye 'eeta'am aca nqatelaxanaxaqui da qaỹasaxaigui ca qanqatel lcat. Nache shenapega co'ollaxa sheeta': Aỹem qaualaqaiguet qome qataq qauo'oche 'enauac nam qami' samaxaleguete, nache qami' ỹalamaqa'ate qome, qaq qami' aỹem Qanatamnaxala'ai qome.

Jeremías 7:22

Qalaxaye co'ollaq ñeqateeguesop ye Egipto som hua'au qarta'ailpi, qaq saishet da huo'o ca ỹa'aqtac, qataq ỹamaxasoxonaxac da qaỹauo'o aca nachetaqtaxanaqte maye qaỹavigaxatta qataq ca lỹa nachetaqtaxanaxat.

Deuteronómio 29:1

Qaq 'enaua naua na'aqtaqa co'ollaq qaỹo'ot da aỹamaxataxac, maye Ñim Nataxala' ỹamaxalec co'ollaxa so Moisés da ỹo'ot, huaña ye Moab da yaqto' Ñimaye naỹamaxate' so Israel le'ecpi 'eeta'am co'ollaxa so huaña ye Horeb.

Deuteronómio 24:18

Qataq saishet qome da qaucouaỹa'ai da qami' nlataqa co'ollaq qoviita'a ye Egipto, qalaxaye Ñim Nataxala' maye Qanatamnaxala'ai qami' nqateeguesopa co'ollaxa yemaye. Qaq ỹoqo'oye nagui, qami' samaxaleguete da qaupaquiichigui qome da qauo'oche de'era.

Deuteronómio 16:12

Qataq qantooñita'ac da qami' nlataqa co'ollaq qoñiitaña ye Egipto, qaq ỹoqo'oye ỹataqta qaualaqaiguet qome ne'ena nqataxacpi.

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Deuteronómio 13:10

Qalaxaye qauroilec ca coma' da qauasaqai ivitta'a da ileu. Cha'aye huotaique da qoquiỹa'ai Ñim Nataxala' maye Qanatamnaxala'ai maye qami' nqateeguesopa ye Egipto yem huaña co'ollaxa da qami' nlataqa.

Deuteronómio 8:14

nache saishet qome da qana'amaqchiñi, qataq da qaucouaỹa'ai Ñim Nataxala' maye Qanatamnaxala'ai, maye qami' nqateeguesopa co'ollaxa ye Egipto, yem huaña co'ollaxa da choche qami' nlataqa;

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Deuteronómio 6:12

Qaq ỹoqo'oye saishet qome da qaucouaỹa'ai Ñim Nataxala' maye qami' nqateeguesopa co'ollaxa ye Egipto, yem huaña co'ollaq choche qami' nlatacpi.

Deuteronómio 5:6

Aỹem, nachaỹem Nataxala' maye Qanatamnaxala'ai, qami' ñeqateeguesopa co'ollaxa ye 'alhua Egipto, ye huaña co'ollaq choche qami' nlataqa.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Jeremías 34:12

Qaq huaña, nache Ñim Nataxala' 'enapega so Jeremías, 'eeta':