Jeremías 34:11 - La'aqtaqa Ñim Lo'onatac 'Enauacna 2013

¹¹ Qalaxaye co'ollaq qaỹata'ague de'era, nache somayepi huo'o da ntogotaxac souaxat da ỹaxanec so l-latacpi, nache qaltaq ñe'eguelaxauo naqa'en da yaqto' do'onataxanot da l-latac somayepi.

Jeremías 34:11 Referans Kwoze

Eclesiastés 8:11

Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

Proverbios 26:11

Ca pioq ỹe'eguelaxa da chec ca alolaxat, qaq nache 'eetec ca qaica ca ỹaỹaanapec da ỹe'eguelaxa da qaica ca ỹaỹaanapec.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Oseas 7:16

Namayepi ỹe'eguelaxa na saq 'en atamnaxala'pi, nache 'eeta'am ca checnec da namaxagui. Qaq nam lataxala'pi qairolec ca ỹeelonec da qaỹalauat, souaxat da na'amaqte'n naua la'aqtaqa, nache huaña ye Egipto da qane'eetapigui qome namayepi.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Jeremías 37:5

Qaq so nalleppi so Faraón mashe ca'ai co'ollaxa ye Egipto, nache so caldeopi maye iloquiaxaatac ye Jerusalén co'ollaq ỹaỹaten de'era nache ca'ai yemaye.

Jeremías 34:21

Nataqa'en ñi Sedequías, maye nta'a na Judá, qataq 'enauac na ltauapi, da saneguet qome da lhuaqỹaxac na mpa'aguenaxauapi maye nachena na nalleppi ñi nta'a ye Babilonia, nam ỹaxaañi nagui da iloquiaxaatac.

Salmos 125:5

Qalaxaye nam quetague' so qauem nqa'aic, ñaq 'auasaxauec qome 'Am Nataxala', caueegue' 'anqa'en nam qauemaicpi. ¡Ñaq huo'o qome da nlagaxayec na Israel!

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

1 Samuel 26:21

Nache so Saúl, 'enapeco': ¡'Am ỹalcolec David, aỹem saỹaten da huo'o da ỹasouaxashet! ¡Sheeta'am cam qaica cam ỹaỹaana'a qataq huo'o da ñe'enaxac! ¡Qalaxaye 'añe'eguelaq qome, cha'aye aỹem saishet qome da she'eguelaxalec da 'am so'otec ca qauem, cha'aye ỹataqta huo'o da 'enec 'anqa'en da ñachaalataxac!

1 Samuel 24:19

cha'aye negue'tom ca chochaq ỹaxaatec da ilalec ca mpa'aguenaxaua da qaica ca 'ena'ac da nachaalataxac. Qaq nagui Ñim Nataxala', 'am ỹanem qome ca no'on, souaxat de'era ỹaỹamaqchiguiñi maye aỹem 'auo'otec ne'ena na'a'q.

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Jeremías 34:10

Nache 'enauac so nataxala'pi qataq som shiỹaxauapi, ỹaỹamaxareeta se'eso aỹamaxataxac, nache ỹaxanec 'enauac so l-latacpi, nache saishet da qaltaq dequicto'ot da ỹamaqtac somayepi.

Jeremías 34:12

Qaq huaña, nache Ñim Nataxala' 'enapega so Jeremías, 'eeta':

Jeremías 34:16

Qalaxaye co'ollaq qaỹata'ague de'era, nache qaltaq qanaralaxache da qarataxaqui, nache qaica ca naigui qanqa'eñi da Ỹe'enaxat, da qoñiỹapega nam qarlataquipi maye qa'axañeeuec co'ollaxa, da yaqto' qaltaq ñe'eguelaxauo da qaltaq qami' do'onataxanoto da qal-lataqui.