Jeremías 33:9 - La'aqtaqa Ñim Lo'onatac 'Enauacna 2013

⁹ Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Jeremías 33:9 Referans Kwoze

Isaías 60:5

Qaq 'am, qom 'aula'a namayepi nache 'am 'eroigui da 'antonaxac, añi 'arquiyaqte qalaq nlaxagui qome da ntonaxac, cha'aye 'am qanda'a qome nam no'on logoxoshetpi nam shiỹaxauapi maye netalec ana ỹaqauga 'alhuapiole aso auaxai, qataq 'am qoỹanem qome da lsallaxa nam ỹotta'a't shiỹaxauapi.

Jeremías 13:11

Qaq cha'aye dam 'eetec ca saataxaqui da ipataqta't na lasot ca shiỹaxaua, qaq nachera da sheetec co'ollaxa nam nhuo' Israel le'ecpi, qataq 'enauac na nhuo' le'ecpi ye Judá, da ỹataqta na'attaua'a Aỹem da yaqto' ỹalamaxatpi, qataq da ỹachaxan da ỹe'enaxat, qataq da chegoqchigui namayepi da huo'o naq 'enec qanqa'en Aỹem qataq da ỹo'oxoyec. Qalaxaye namayepi saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Isaías 62:7

qataq saishet qome da qanmataxañeeuec choche ivitta'a da ime da qaltaq no'oxoosheguem na Jerusalén, qataq iviraxata'a da 'enauac ana 'alhua da ỹo'oxoren.»

Nehemías 6:16

Qaq co'ollaq la'axaỹaxac de'era so qomi' ipa'agueeta'ape, nache 'enauac so ỹotta'a't shiỹaxauapi maye qarhuoreuapi ỹataqta huo'o da lcolanaxa. Nache ỹataqta qaica ca na'amqaanaxac, cha'aye ila'a da de'era no'onataxanaxac ỹataqta qomi' itauaata'ape, qataq qomi' hueta'agueta Ñim Lo'onatac 'Enauacna.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Isaías 62:12

Qaq na Israel le'ecpi qaỹamata'ac qome da: «Nhuo' le'ecpi Qui'itta» «Nam isouecpi, co'ollaxa Ñim Nataxala'», qaq na Jerusalén qalaq qaỹamata'ac da «Huaqta'a't nỹecpi maye nqopitaxat» «Huaqta'a't nỹecpi maye saishet da qaỹalat.»

Salmos 40:3

Nache ỹauo'o so dalaxaic ỹo'onec, som no'onec da qaỹo'oxoren Ñim Qanatamnaxala'. Qaq qalota so ỹauaachigui de'era, nache ỹataqta huo'o da lcolanaxa, nache ỹauo'o da naquitaxac Ñim Nataxala'.

Zacarías 12:2

«Na Jerusalén so'otec qome da 'eeta'am aca ỹomaxaqui na lataxa, nache itaqchet qome 'enauac nam lauoreuapi ỹotta'a't shiỹaxauapi. Qaq namayepi qom coleesop na Jerusalén, nache nataqa'en na laỹepi huaqta'a't nỹecpi ye Judá qailoquiaxan qome.

Jeremías 44:8

¿Ta'ainco' da Aỹem qanogoqcheche souaxat nam qauo'ocheetacpi, qataq qaỹa'añiỹot na qarchenaxanaxache maye ama na laita nam ỹaqa'a atamnaxala'pi ne'ena Egipto, maye qauanaiỹa co'ollaxa da qoñiỹalec? Qaq nam qauo'ocheetacpi nachena qome na maiche qami' ilaxachiguilo, qaq huaña nache qami' naloqnaxanaqa'ate nam qauem, qataq da qaica ca qara'amaqchiqui da qaualliquiitaigui 'enauac nam ỹotta'a't shiỹaxauapi ana 'alhua.

Jeremías 29:1

'Ana ana lere so na'aqtaxanaxanec Jeremías maye ỹamaq co'ollaxa chegoqchiguiña ye Jerusalén da taỹa'a naqa'en so nqueroxonecpi maye qaỹauega co'ollaxa ca ỹaqa'a 'alhua qataq so ntaxaỹaxanaxanecpi qataq so na'aqtaxanaxanecpi, qataq 'enauac so nhuo' le'ecpi maye so Nabucodonosor ỹauec co'ollaxa ỹachegoxotchiguiña ye Jerusalén, da ỹauega ye Babilonia.

Jeremías 3:17

Qaq qom ivita que'eca na'a'q, nache ye Jerusalén qaỹamata'ac qome nso'onaxaqui Ñim Nataxala', qaq 'enauac qome nam ỹotta'a't shiỹaxauapi da naỹa yemaye da yaqto' ỹo'oxoren da le'enaxat Ñim Nataxala', qaq huaña nache saishet da ỹe'eguelaxa da quetague' nam qauem maye huetaigui añi lquiyaqte.

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

2 Crónicas 20:29

Qaq som ỹotta'a't shiỹaxauapi co'ollaq ỹaỹaten da Ñim Nataxala', nacheñi Ñim deloctague' so npa'aguenaxauapi so Israel le'ecpi, nache 'enauac somayepi ỹataqta ñi'iỹa Ñim Lo'onatac 'Enauacna.

Salmos 130:4

Qalaxaye 'am hueto'ot da nchoxonnataxanaxa, ỹoqo'oye ishet da huo'o naq 'enec qanqa'en 'am.

Isaías 55:13

Qaq ñaxat qome ana piinopi da nmeneguet ana qo'oipaqole maye huo'o ana le, qataq ñaxat ana arrayanes da nmeneguet ana huoue le'enaxat poqo, qaq de'era ỹataqta ỹo'ot qome da llo'oxoyec dam le'enaxat Ñim Nataxala', qataq nachera qome dam chochaq tatec la'anaxat maye saishet da nlaguiñi.»

Isaías 62:4

Nache saishet qome da qaltaq 'am qaỹamata'ac da «Nỹecpi qaỹalat», qataq na 'ana'alhua saishet qome da qaỹamata'ac «'Alhua nlachiguiñi», maye nacherata da 'are'enaxat qome da «Ỹauotaqte», qaq nam 'ana'alhua qalaq «Ỹalamaqte ihua» Cha'aye 'am lauotaqte Ñim Nataxala', qaq Ñimaye 'eeta'am qome da lhua na 'ana'alhua.

Isaías 64:2

'eeta'am ca norec da ỹavigaxat aca qo'oipaq, huo'otaq da nacham naqa'en ca 'etaxat. Qaq huaña taxa nache na 'ampa'aguenaxauapi ỹauatton da 'are'enaxat, qataq na ỹotta'a't shiỹaxauapi iviloxol taxa souaxat da 'arviraxac.

Jeremías 3:19

'Am Israel, aỹem 'am saconeguet co'ollaxa da 'am ỹalec, qataq 'am sanem yem 'alhua maye nqopitaxat, yem 'alhua maye napactelec da lyac 'enauac na laỹepi ana 'alhua, qaq Aỹem sepi'itaxaatega da aỹem 'autaxaỹa nache aỹem 'arta'a, qataq da saishet da aỹem qaỹoqta 'anqa'en.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Jeremías 32:42

Ñim Nataxala' nataqa'en, 'eeta': «Qaq dam 'eetec co'ollaq ñamaxa som lta'araic qauem ne'ena nhuo' le'ecpi, qaq nache 'eetec nataqa'en da ñamaxa qome ca 'onaxaic maye sachaxanapeguem co'ollaxa namayepi.

Jeremías 33:14

Ñim Nataxala', 'enapec: Anacte' caua na'axa'te maye huaiguilo qome da sepacchigui dam no'on maye sachaxanapecot co'ollaxa na nhuo' Israel le'ecpi qataq na Judá le'ecpi.

Jeremías 49:25

Yem huaqta'a't nỹecpi maye ỹo'oxoraic, huaqta'a't nỹecpi maye huetaña da namaicỹaxac, yemaye mashe qanayeca'ai.

Ezequiel 26:20

nache 'aviraña cam hueta'a nam leuaxaicpi, maye nacheso som hua'au shiỹaxauapi. 'Am sasaxaña qome cam ỹataqta pa'aguiñi ana 'alhua, cam 'alhua maye chochaq tatec da toolec, nache 'aualectaigui qome som mashe ileupi co'ollaxa. Nache saishet qome da 'avi'eguelaxa da qaltaq 'am qanayeetalec, qataq saishet da qaltaq 'am qano'oxoosheguem, da qouetalec na na'alhua nam nca'altauecpi.

Ezequiel 39:13

Qaq 'enauac qome na shiỹaxauapi da ỹalegueua'a da qailattegueñi namayepi, qaq que'eca na'a'q nache Aỹem huo'o qome da ỹo'oxoyec. Nache namayepi saishet qome da icoua'ai que'eca na'a'q. Qaq 'era da ỹa'aqtac Aỹem Nataxala'.

Deuteronómio 30:5

Nache Ñim Nataxala' qami' ñe'eguelaxatalo qome ca 'alhua maye lalamaxat co'ollaxa so hua'au qarta'ailpi, da yaqto' qaltaq qaralamaxache. Nache qami' ỹanema da lchoxonnataxanaxa, qataq qalota naqa'en ca qaỹa'alquipi, napacalec na llalaqpi so hua'au qarta'ailpi.

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

Isaías 62:1

Qaq souaxat da ỹauotaxanaqtaic 'am Sión, nache saishet qome da ñe'emaxat, qataq souaxat da ỹauotaxanaqtaic 'am Jerusalén, nache saishet qome da ñematec, choche ivitta'a da yo'oq na le'eraxa da 'arauegaxanaxac 'eeta'am da yaqta'a da yo'oxoñi, qataq da 'arca'alaxa 'eeta'am aca ncoỹaraxanaqte.

Jeremías 31:14

Qataq so'ot qome da na ntaxaỹaxanaxanecpi chectac na ỹataqta no'on nallec, qataq da na ỹalamaxat nhuo' le'ecpi nque'etaxaachigui qome na no'on maye sanem. Qaq 'era da ỹa'aqtac Aỹem nataxala'.»

Ezequiel 36:35

nache 'enapec qome: Ne'ena 'alhua nam toolec co'ollaxa, nagui qalaq 'eeta'am so nanaxanaqa' maye huaña co'ollaxa ye Edén, qaq na huaqta'a't nỹecpi maye ỹotta'a't naua nañalo, maye toolec qataq huetaiya' qataq dolachigui co'ollaxa, qalaq ỹataqta qampaxatteua'a, qataq qanayeetaigui.

Zacarías 1:17

Qaq som namaxashec piguem le'ec, qaltaq aỹem 'enapega, 'eeta': «'Aua'axat nataqa'en qome de'era maye 'eeta': Aỹem so'otec qome nam ỹalamaxat nỹecpi da qaltaq nquictasheguem da lyacỹaxac; qataq sanem da dalaxaic la'añaxac ye Sión, qataq ỹoltaq she'eguelaxalec da sa'axatec ye Jerusalén da nacheye ye lleca'aguishec.»