Jeremías 33:8 - La'aqtaqa Ñim Lo'onatac 'Enauacna 2013

⁸ Qataq seỹouec 'enauac na lasouaxashetpi maye ỹo'ot co'ollaxa da aỹem dataỹa'aguet, qataq sapalaxat 'enauac nam qauempi maye ỹo'ot co'ollaxa namayepi nam chegoqchigui co'ollaxa da Aỹem saỹalaxaguet.

Jeremías 33:8 Referans Kwoze

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Salmos 51:2

Qataq 'auỹouec qome na ỹe'etaxaloxosat, qataq 'auỹouec na ỹasouaxashetpi.

Ezequiel 36:33

Aỹem Nataxala', shenapec: Qom seỹouec 'enauac na qarasouaxashechi, nache so'ot qome da qoñeetaigui nam maiche qaralamaxache huaqta'a't nỹecpi maye ỹotta'a't naua nañalo, qataq nam qailaxachigui co'ollaxa qaltaq qano'oxoñiisheguem qome.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Jeremías 50:20

Qaq 'era da ỹa'aqtac Aỹem Nataxala', 'eeta': Que'eca na'a'q nache na Israel le'ecpi qataq na Judá le'ecpi huesoueeguesop qome na lasouaxashetpi, cha'aye Aỹem sechoxoren qome cam ñaq nca'altauec.»

Isaías 44:22

Aỹem sapalaxat co'ollaxa nam 'ane'enaxacpi, qataq na 'arasouaxashetpi 'eeta'am ñaqa'en da 'eetec nam lo'oc na piguem da nlagaxatapec. Ñaq Aỹem 'añe'eguelaxa, cha'aye 'am ñeca'alaxatec co'ollaxa.»

Salmos 65:3

Na qaye'etaxaloxosat qomi' loxonqa, qalaxaye 'am 'auapalaxat na qarasouaxashetpi.

Joel 3:21

Qaq aỹem qome, sepalaique lvi' som qaỹalauatpi co'ollaxa, nache saishet da sechoxoren nam icoraxatre'c soua ltago'q som qaica ca ỹasouaxat. Qaq Aỹem Nataxala', nache sonaña qome ye Sión.

Isaías 56:7

nache Aỹem sauega qome añi sa qaishetapec ñeqasoxonaxa nache so'otec da machiguiñi da hueta'a añi ỹalamaqte atamnaxaqui. Qataq saconeguet qome da ỹachalec añi ỹalamaqte nca'atoxonaxalate ana lachetaqtaxanaqtepi qaỹavigaxatta qataq ana sa imauaq da qaỹavigaxat, cha'aye ñim ima' qaỹamata'ac qome da natamnaqa' 'enauac na shiỹaxauapi.

Isaías 4:2

Qaq que'eca na'a'q, nache aca llaxataxa maye nañaxat qome naqa'en Ñim Nataxala', nachaca aca llo'oxoraqte qataq llo'oxoyec cam lca'alaxaicpi Israel le'ecpi, qaq cam ala ca nañiguishec maye chegaqaigui ana 'alhua, nacheca qome ca ỹo'ot da llo'oxoyec qataq huo'o naq 'enec naqa'en camayepi.

Levítico 16:30

Cha'aye que'eca na'a'q, nache huetoigui da qaỹapalaxat ca qarasouaxashichi, qataq huaña ye lanataqa' Ñim Nataxala', da yaqto' qui'itta da qarataxaqui.

Salmos 130:4

Qalaxaye 'am hueto'ot da nchoxonnataxanaxa, ỹoqo'oye ishet da huo'o naq 'enec qanqa'en 'am.

Lamentaciones 4:22

'Am huaqta'a't nỹecpi Sión, da 'anhuaxanaguec mashe ime, Ñim Nataxala' saishet qome da ỹe'eguelaxa da 'am ỹaneguet da 'ananoxonaguec. Qalaxaye 'am huaqta'a't nỹecpi Edom, Ñim Nataxala' ỹauo'o qome da 'anhuaxanaguec, souaxat nam qauem maye 'auo'otpi, qataq ỹachaxan nam 'arasouaxashetpi.

Salmos 130:8

Ñimaye isoueeguesop qome na Israel le'ecpi 'enauac na lasouaxashetpi.