Jeremías 33:7 - La'aqtaqa Ñim Lo'onatac 'Enauacna 2013

⁷ Qaq ñaralaxat qome da na'achecỹaxac na Judá qataq na Israel, qataq she'eguelaxata da nauaqsheguem ñaqa'en, da yaqto' ỹe'eguelaxa da 'eeta'am so hua'auchiguiñi lataxac.

Jeremías 33:7 Referans Kwoze

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Isaías 1:26

Qataq na nmit na nasouaxashet maye 'am netaigui she'eguelaxata qome dam no'on lataxac, qataq nam ỹan da nqataxac 'eeta'am ñaqa'en so chegoqchiguiña co'ollaxa. Qaq qom ime da so'ot de'era, nache qaỹe'eguelaxa da 'am qaỹamata'ac, ‹Huaqta'a't nỹecpi maye huetaigui da ỹaỹamaqchiguiñi lataxac›, ‹Huaqta'a't nỹecpi maye laxaraic›.

Jeremías 32:44

Qaisheenaxana qome qataq qaỹo'ot aca lmalate qataq qaỹauo'o aca la'anaqte qataq nanereleguete qanqa'en caua ỹauaatraua'a da qaimen. Qaq 'era dam hualec qome na na'alhua so Benjamín, qataq naua laỹel ye Jerusalén qataq na huaqta'a't nỹecpi maye ỹotta'a't naua nañalo na Judá, ivira'a yem 'alhua maye huo'o ana qasoxonaxapi qataq ye ca'ameguepi, qataq ye huaqta'a't nỹecpi maye ỹotta'a't naua nañalo ye Néguev, cha'aye Aỹem dalaxaic qome ñaqa'en da na'achecỹaxac namayepi. Qaq 'era da ỹa'aqtac, Aỹem Nataxala'.»

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 30:20

Na Israel le'ecpi 'ena'am qome so hua'au lataxac, na lauo' le'ecpi qalaq saishet da Aỹem ca'ai, qaq Aỹem sauo'o qome ca nhuaxanaguec nam mpa'aguenaxauapi.

Jeremías 30:18

Ñim Nataxala', 'enapec: Ñaralaxat qome da na'achecỹaxac na chegoxoguet so Jacob, nache sasaxalec qome da ichoxonnataxanaxa na na'alhua, na huaqta'a't nỹecpi qalaq qaỹo'oxootelec nam nlaguiñi co'ollaxa, qataq na lta'araic nỹecpi qalaq qoỹaatelec na maiche lma' co'ollaxa.

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Salmos 126:4

'Am Nataxala' ñaq qomi' 'anqateeguesopa da qananoxonaguec, nache qomi' 'avi'eguelaxa't, 'eeta'am da 'avi'eguelaxat na la'auaxacpi ca toolec 'alhua.

Salmos 85:1

'Am Nataxala', ỹataqta huo'o da 'archoxonnataxanaxa co'ollaxa ne'ena 'aralamaxat 'alhua, cha'aye 'avi'eguelaxalec co'ollaxa da 'anauaxaỹaxaasheguem so Jacob.

Salmos 14:7

'Onaxaictoxo' da chegoqchiguiña añi qasoxonaxa ye Sión ca lca'alaxa na Israel le'ecpi. Qom ivita ca na'a'q da Ñim Nataxala' qaltaq ỹanem ca no'on llecỹaxac na lalamaxatpi, huaña qome nache ỹataqta machiguiñi na chegoxoguetpi so Jacob, 'enauac na lalamaxatpi somaye maye da lỹa le'enaxat Israel.

Zacarías 1:17

Qaq som namaxashec piguem le'ec, qaltaq aỹem 'enapega, 'eeta': «'Aua'axat nataqa'en qome de'era maye 'eeta': Aỹem so'otec qome nam ỹalamaxat nỹecpi da qaltaq nquictasheguem da lyacỹaxac; qataq sanem da dalaxaic la'añaxac ye Sión, qataq ỹoltaq she'eguelaxalec da sa'axatec ye Jerusalén da nacheye ye lleca'aguishec.»

Sofonías 3:20

Qaq que'eca na'a'q, qami' ñaueguereuo qome, nache qami' sataxana't; nache ñaralaxat cam qami' taleguete qana'achecỹaxaqui, qataq qami' sanema da qayo'oxoyiqui, qataq da qara'amaqchiqui, da qaualliquiitaigui nam shiỹaxauapi ana 'alhua. Qaq 'era da ỹa'aqtac Aỹem Nataxala'.»

Oseas 2:15

Huaña, nache she'eguelaxatot qome aye lañiguishe uva, qaq ye ca'amapega't ye Acor, nache llegueuo qome ñaqa'en da naquitaxac. Huaña qome nache do'onaxaatac, 'eeta'am co'ollaq ñaq qa'añole, 'eeta'am da 'eetec so na'a'q co'ollaq ca'ai ye Egipto.

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Salmos 126:1

Ñim Nataxala' co'ollaq ñe'eguelaxata na Sión na noxonecpi, nache 'eeta'am da choche sechoxonaqtac.

Jeremías 31:38

Ñim Nataxala', 'enapec: «Anacta ca na'a'q da na ỹalamaxat huaqta'a't nỹecpi qaltaq qano'oxooshegueem qome, chegoqchiguiña ara nalloxolate maye naña ye Jananel, nache ivira'a ñi Lasom maye le'enaxat da Lallemaqhuo.

Jeremías 50:4

Ñim Nataxala', 'eeta': «Que'eca na'a'q nache na shiỹaxauapi maye lma' ye Israel qataq ye Judá nỹeeta'aguet qome da anac da Aỹem nmitaique, Aỹem maye Aỹem Lataxala' qataq Natamnaxala'.

Lamentaciones 4:22

'Am huaqta'a't nỹecpi Sión, da 'anhuaxanaguec mashe ime, Ñim Nataxala' saishet qome da ỹe'eguelaxa da 'am ỹaneguet da 'ananoxonaguec. Qalaxaye 'am huaqta'a't nỹecpi Edom, Ñim Nataxala' ỹauo'o qome da 'anhuaxanaguec, souaxat nam qauem maye 'auo'otpi, qataq ỹachaxan nam 'arasouaxashetpi.

Ezequiel 39:25

Qaq ỹoqo'oye Aỹem Nataxala', shenapec: «Aỹem nagui sechoxoren 'enauac na nhuo' Israel le'ecpi, nam chegoxoguetpi so Jacob. Aỹem ñaralaxat qome da na'achecỹaxac, da yaqto' samaxalec da ỹo'oxoren da qui'itta ỹe'enaxat.

Isaías 52:8

¡Ña 'ana'axaỹaxaañi! Na 'arauanaxanaxanecpi ỹataqta nlamaxaren qataq nmasheguem da ỹa'alaq souaxat da ntonaxac cha'aye ỹataqta ỹauaachigui da lle'eguelaxasoxoc Ñim Nataxala' da ñe'eguelaxa na Sión.