Jeremías 33:6 - La'aqtaqa Ñim Lo'onatac 'Enauacna 2013

⁶ Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Jeremías 33:6 Referans Kwoze

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Isaías 30:26

Nache Ñim Nataxala' nataren qome na lque'emaxapi qataq lcolaxapi nam lalamaxat nhuo' le'ecpi. Qaq huaña nache na le'eraxa ñi ca'agoxoic 'eeta'am na le'eraxa añi nala', qaq na le'eraxa añi nala', qalaq siete da nquiguec da 'eroigui, 'eeta'am na le'eraxa da huaxaỹa't caua siete na'axa'te.

Salmos 67:2

yaqto' 'enauac na huetalec ana 'alhua ỹaỹaten da qonetapeguec, qataq na ỹotta'a't shiỹaxauapi ỹaỹaten da 'arca'alaqtaxanaxac.

Isaías 58:8

Qaq da qonetec de'era, nache 'eroigui aca 'arcoỹaraxanaxaqui 'eeta'am da mashe nvi' na yo'oxoñi, qataq nam 'arque'emaxapi sa qaỹaloq qome da no'oita. Dam no'on 'arataxac qalaq hua'auta'ague da 'ata'ague, qataq da ỹo'oxoyec 'am ca'attaueegue qome.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Isaías 66:12

Cha'aye Aỹem Nataxala', shenapec: Aỹem so'ot qome da huecorelec yemaye ca nlagaxayec, 'eeta'am aso tala da ipaxanec na 'etaxat, qataq da lsallaxa nam ỹotta'a't shiỹaxauapi 'eeta'am qome ca lta'araic ndep. Qaq yemaye qami' iquia'axa'n qome, qataq qami' nachetrashegue'm, qataq qami' ỹachetaleguete naua l-llecte souaxat da lauoche da qoñiita.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Jeremías 17:14

Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Miqueas 4:3

Ñim Nataxala', nmit qome na ỹotta'a't shiỹaxauapi, qataq ỹaỹamaxaañe na ncotaxacpi na qalota shiỹaxauapi, qataq nam hueta'alo nam qaỹoqtalo 'aleu'. Huaña, nache namayepi nlaxaañi na lainecpi nache ỹo'ot na'arau, qataq nlaxaañi ana lataquiaxaipi nache ỹo'ot lchegaxanaqtepi. Ime qome nache qaica ca ỹacona ca lo'ogoxonaxat da yaqto' delogui' ca lỹa shiỹaxaua, qataq qaica qome ca ỹaconeguet ca napaxaguenataxanaxac da qaỹapaxaguenec da alaataxac.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

Isaías 2:4

Ñim Nataxala', nmit qome 'enauac na ỹotta'a't shiỹaxauapi, nache ỹaỹamaxaañi na ncotaxacpi nam qalota nhuo' le'ecpi, nache namayepi qome nlaxaañi na lainecpi nache ỹo'ot na'arau, qataq nlaxaañi qome ana lataquiaxaipi nache ỹo'ot ca lchegaxanaxatpi. Nache na nhuo' le'ecpi qaica qome ca ỹe'eguelaxa da ỹacona ca lo'ogoxonaxat da delogui' ca laỹepi shiỹaxauapi, qataq saishet qome da napaxagueetega da nalaataxac.

Salmos 37:11

Qalaxaye na qaica ca na'amqaanaxac, taỹot qome da lalamaxat ne'ena 'alhua, qataq ỹataqta imauec da lactapiguiñi.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Efesios 6:23

Ỹataqta huo'o da iyaxa da Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema da nlagaxayec qataq da nsoxoyec qataq da npi'iỹaxac nataqa'en 'enauac nam laỹepi 'amqaanataxanaxaicpi.

Salmos 72:7

Qataq caua na'axa'te maye huaiguilo da lo'onataxanaxac, da nta'a ỹataqta no'on qome da lataxac, qataq chochaq huañi da nlagaxayec, choche ivitta'a da qaica so ca'agoxoic.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!

Isaías 39:8

Nache so Ezequías, 'enapeco': Dam la'aqtac Ñim Nataxala' maye aỹem 'anda'a ỹataqta ỹaỹamaqchiguiñi. Somaye 'enapec de'era cha'aye ipettega da ñaq huo'o da nachaalataxac, nache huo'o da nlagaxayec qataq da ñe'emaxa.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Salmos 147:3

Ñimaye nataren na dolata da lquiyaqteỹaxac, qataq ỹauo'o na laxataxat da ỹapolec na lque'emaxapi.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Isaías 57:18

Aỹem sauaachigui co'ollaxa da lataxac namayepi qalaxaye Aỹem ñataren qome qataq sanem da nmataxac qataq da lle'emaxa. Aỹem sa'añaqchet qome nam daquicotacpi,

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Jeremías 29:11

Cha'aye Aỹem saỹateeta nam llapaqtañepi maye huotaique da qami' so'oteque, nam llapaqtañepi maye no'on qaq saishet da qauem da yaqto' qami' sanema cam ñaq natauo maye nlaqchigui da aquitaxac. Qaq 'era da ỹa'aqtac Aỹem Nataxala'.

Miqueas 7:20

'Am Nataxala', nache 'eetai' qome da 'aupacchigui da 'ara'aqtac qataq da 'arauotaxanaqtaic, maye soua hua'au' vi'iye 'auachaxanapeguema co'ollaxa soua hua'au' qarta'al Abraham, qataq so Jacob.