Jeremías 33:5 - La'aqtaqa Ñim Lo'onatac 'Enauacna 2013

⁵ Na Babilonia le'ecpi anac da yaqto' iloquiaxan na huaqta'a't nỹecpi nache nlaxatchigui namaye na leuaxaicpi. Qaq souaxat da ỹayeloxo qataq da inogoxonaxac, nache saishet da selogui ne'ena huaqta'a't nỹecpi, qaq seque'emaqchet namayepi souaxat 'enauac nam ỹo'otpi maye qauem.

Jeremías 33:5 Referans Kwoze

Isaías 8:17

Qaq Ñim Nataxala' na'aictaxa da nqañoxocheesop na lauo' le'ecpi so Jacob, qalaxaye aỹem sa'amaqteetac Ñimaye, qataq sacheto'ot da ñaquitaxac.

Jeremías 32:5

Nache ñi Nabucodonosor ỹauec qome ñi Sedequías ỹauega ye Babilonia, nache hueta'a qome yemaye choche ivitta'a ca na'a'q qom qaltaq seqocha'a. Qaq na'aictaxa qome da qauloqui' na caldeopi, qalaxaye qaica qome ca qarviye. Qaq 'era da ỹa'aqtac, Aỹem Nataxala'.›»

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Miqueas 3:4

Qaq huo'o qome ca na'a'q da qauỹaxañiitega Ñim Nataxala', qalaxaye ñimaye saishet qome da qami' ỹasategueta, nacherata da que'eca na'a'q ñimaye qami' nqañoxotaisopa, souaxat nam qauemsat maye qauo'oche.

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›

Ezequiel 39:29

Nache saishet qome da qaltaq saneguet na ilaq, cha'aye mashe secorelec da ỹa'añaxac na nhuo' Israel le'ecpi. Qaq 'era da ỹa'aqtac Aỹem nataxala'.»

Jeremías 18:17

Qaq Aỹem, sheeta'am qome ca la'at maye chegaqa'ague da nala' lliguisheguem, nache selagaxattac qome na Israel le'ecpi, so'ot da dataueeguesop na mpa'aguenaxauapi Aỹem, sero'oguet qome na ilaq namayepi, qaq saishet da samato'ot qom nvi' cam na'a'q maye huaigui ca nhuaxanaguec.»

Deuteronómio 32:20

nache, 'eeta': Aỹem sero'oguet qome na ilaq namayepi, ¡qaq chaq hua'ague qome ca dataigue! Ye ỹataqta 'eesa da qauemaicpi ne'ena shiỹaxauapi, ñalaqpi maye saishet da qaipi'iỹa'a.

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Deuteronómio 31:18

Qalaxaye que'eca na'a'q, Aỹem, ỹataqta soxochiisop qome namayepi da ỹashiguiỹaxac, souaxat na qauem maye ỹo'otpi, cha'aye ca'ata ca ỹaqa'a atamnaxala'pi da natamnot.