Biblia Todo Logo
Bib sou entènèt

- Piblisite -




Jeremías 33:3 - La'aqtaqa Ñim Lo'onatac 'Enauacna 2013

3 Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Gade chapit la Kopi




Jeremías 33:3
29 Referans Kwoze  

Qaq huaña qome, nache Aỹem qauỹaxañiỹot qataq Aỹem qauanaiua'a da qanatamñi, nache Aỹem qami' sa'axaỹalo qome.


Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.


Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.


'Am 'aua'aqchigui co'ollaxa 'enauac de'era, qaq ña 'aumeten namaye yaqto' ishet da 'aua'amaqten da 'eesa. Qaq nagui 'am sa'axatem nam dalaxaicpi qome, nam saq cha'api maye sa 'auauatton co'ollaxa,


Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.


Qalaxaye da huaña yemaye da ỹataqta 'enauac da qarquiyaqteỹaxaqui, qataq da qanachaalataxaqui da qanmichiỹaique Ñim Nataxala' maye Qanatamnaxala'ai, nache ishet da qauanachiỹa.


Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»


Ñim Nataxala' sa qaỹapeque naqa'en nam iỹaxaatacot Ñimaye, nam ỹoqta 'eesa da iỹaaxaatacot Ñimaye.


Cha'aye ne'ena ỹotta'a't shiỹaxauapi 'amaqtaqaicpi, ¿negue't ca sa qaỹapeque naxa ca natamnaxala'pi, da 'eeta'ama qomi' da sa qaỹapeque naxa da ñatamnaqot Ñim Nataxala' maye Qanatamnaxala'?


Huaña qome, nache 'enauac nam iỹaxaatega da le'enaxat Ñim Nataxala', namayepi qanca'alaxatec.


Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.


Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.


Aỹem 'am sanem qome na nogoxoshetpi maye qoỹoxottañi, qataq dam nsallaxa maye qaỹachetaña cam saqcha'a naỹamaqtaxanaqa', qaq yaqto' 'auaỹaten da nachaỹem maye Aỹem Nataxala', maye Natamnaxala' na Israel le'ecpi maye so'ot da 'are'enaxat.


Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»


Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»


Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.


Qalaxaye 'enauac nam iỹaxaatega da le'enaxat Ñim Nataxala' nca'alec qome, cha'aye añi qasoxonaxa Sión qataq ye Jerusalén, huaña qome da nca'alaxa, cha'aye maiche la'aqtac co'ollaxa Ñim Nataxala'. Qaq que'eca lca'alaxaicpi, nache ỹalectaigui qome nam lca'aguishecpi Ñim Nataxala'.


Qaq da huo'otaq huo'o ca inat ca nauochaxaua huo'otaq ca lalamaxat lauo' le'ec, qaq iuen da, 'enapec: ‹¿Ca 'eetec ca lasataxac Ñim Nataxala'? ¿Ca 'eetec ca la'aqtac?›


«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.


«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.


da yaqto' iỹaxaaraique ca ltaunaxanaxac Ñim Lo'onatac 'Enauacna, maye neto'ot na piguem, souaxat de'era saqcha'a, da yaqto' saishet da qaỹalaua't, da lỹaueegueto so laỹepi ỹaanaxanaxaicpi ye Babilonia.


Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.


'Am, maye 'Am Natamnaxala' so ita'alpi, 'Am sanot da ña'achecỹaxac qataq 'Am sho'oxoren, cha'aye 'auo'ot da aỹem ỹaanaxanaxaic qataq aỹem 'añaxaic, cha'aye nagui aỹem 'aỹa'anem da saỹaten dam seỹaxanaqtaique, qataq qomi' 'auaỹaanaxanaxaneque dam ỹo'ot da lhuogoxo ñim nta'a.»


Swiv nou:

Piblisite


Piblisite