Biblia Todo Logo
Bib sou entènèt

- Piblisite -




Jeremías 33:2 - La'aqtaqa Ñim Lo'onatac 'Enauacna 2013

2 «Aỹem Nataxala' maye ỹo'onata ana 'alhua, qataq so'ot co'ollaxa da lataxac, qataq saỹamaxatchiguiñi co'ollaq sanaña ye lma', 'am shenapega:

Gade chapit la Kopi




Jeremías 33:2
21 Referans Kwoze  

¿Qaq sa 'auaỹateno' da nache Aỹem, Nataxala', da so'ot co'ollaxa 'enauac de'era? Qaq nache chegoqchiguiña soua qaỹoqteguelo vi'iye da llapaxañi co'ollaxa damaye, qaq nagui nache sacoolec da so'ot, qaq ỹoqo'oye 'am ishet da 'aulaxachigui so huaqta'a't nỹecpi maye sansattec so lpaqtaxat, qataq ỹataqta nlachiguiñi 'anqa'en.


Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.


Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.


Qaq can ñaq sootaigui se'eso ỹauanaqchec maye aỹem ỹachaxana So Saqcha'a La'añaxac Ñim Lo'onatac 'Enauacna, nache som namaxashec aỹem ỹaviguisheguemec aso qaỹoqotcheguemec 'alhua. Huaña, nache aỹem ỹachaxana so lta'araic nỹecpi qui'itta le'enaxat Jerusalén, anacta chegoqo'ot na piguem, chegaqa'a cam hueta'a Ñim Lo'onatac 'Enauacna.


qataq saishet qome da qanmataxañeeuec choche ivitta'a da ime da qaltaq no'oxoosheguem na Jerusalén, qataq iviraxata'a da 'enauac ana 'alhua da ỹo'oxoren.»


na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.


Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.


Qaq ¿negue'tom cam nasataxac cam qoỹanem qome nam namaxashecpi maye chegaqa'a yi'iye 'alhua? Ye Ñim Nataxala' nacheñi ñi ỹa'ayiñi ye Sión, qaq nacheye ye lle'eguenaqa' qome, nam lalamaxatpi Ñimaye nam huo'o da laquicoxo.


Cha'aye Ñim Nataxala' ỹoltaq no'oxoosheguem qome ye Sión, nache qaỹauaachigui da llo'oxoyec Ñimaye.


Qaq ỹoqo'oye na lma' ye Sión qome, 'eeta': «Ne'ena qataq de'era maiche lañoqo' yemaye.» Ñim Nataỹaña 'enauacna maiche ỹanalec namaye.


Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.


Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.


So Abraham huo'o da lpi'iỹaxac da huo'o ca na'a'q, nache ỹauana cam nỹecpi maye maiche lo'onatac Ñim Lo'onatac 'Enauacna qataq qaica ca ishet da nlaxaañi.


Qaq Ñim Lo'onatac 'Enauacna ỹo'ot ye lanataqa' na piguem, qalaq nache na'attalec naqa'en ana 'alhua, qaq Ñimaye da iỹaxana na 'etaxat maye huetangui aso auaxai, nache huecorelec naqa'en ana 'alhua. Qaq Ñimaye, le'enaxat Nataxala'.


Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!


'Am, 'auachaxana da 'arsoxoyec na ỹataqta qalota shiỹaxauapi, qalaxaye nataqa'en 'auauo'o da nhuaxanaguec na ỹalleppi souaxat na lasouaxashet so lta'alpi. ¡'Am Atamnaxala', maye 'Am 'amaqtaqaic qataq 'añaxaic, da 'are'enaxat 'eeta', Nataxala' maye Qaica ca Ỹaqalanapec!


¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.


Qaq ỹoqo'oye nagui, Aỹem sachaxana da ỹa'añaxac namayepi, yaqto' namayepi ỹaỹaten da ỹe'enaxat da Aỹem Nataxala'.»


Qaq ỹataqta huaỹoqtec da lataxac Ñim Natamnaxala' so Jacob maye lo'onatac 'enauac nam huo'o! Ñimaye lca'aguishec co'ollaxa so Israel da yaqto' lalamaxat. Ñimaye da le'enaxat, 'eeta': Nataxala' maye Qaica ca Ỹaqalanapec.


Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.


Swiv nou:

Piblisite


Piblisite