Jeremías 33:16 - La'aqtaqa Ñim Lo'onatac 'Enauacna 2013

¹⁶ Qaq que'eca na'a'q, na Judá nca'alec qome, qaq na Jerusalén qalaq qaica qome ca iraxaatapigui'. Qaq 'era qome da le'enaxat da qaiỹaxana: ‹Ñim Nataxala' nacheñi Ñim qarauegaxanaxac.›

Jeremías 33:16 Referans Kwoze

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Filipenses 3:9

qataq yaqto' aỹem qaila'a da ña'attaua'a So Cristo. Qaq saishet da chegoqchigui da no'on ỹataxac souaxat da salaxaguet na namaxasoxonaxacpi, nacherata da no'on nataxac maye ỹanem Ñim Lo'onatac 'Enauacna cam ỹa'amaqten So Cristo, dam no'on nataxac maye chegoqchigui da npi'iỹaxac.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Romanos 11:26

Qaq qom mashe ime de'era, nache Ñim Lo'onatac 'Enauacna nca'alaxatec 'enauac nam Israel le'ecpi cha'aye, nache 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «Ca Nca'alaxaqui chegaqaña qome ye Jerusalén, qataq camaye ỹapalaxat 'enauac nam lasouaxashetpi na Israel le'ecpi.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

Isaías 45:22

«Ñaq Aỹem qauamachiỹo'ot nache qanca'alleeuec, 'enauac qami' maye qoviita'alo naua loga'te ana 'alhua, cha'aye aỹem, nachaỹem Atamnaxala', qaq qaica ca lỹa.

Ezequiel 28:26

Qaq nache hueta'a qome yemaye qaica ca iraxaatapigui' qataq qaica ca ndaqtaique, qataq no'oxoosheguem qome ca lma'pi, qataq ỹaañi aca lañiguishepi uvapi. Qaq Aỹem sacoolec qome da ñimit na nhuoreuapi maye ỹe'eetac na nhuo' Israel le'ecpi. Qaq huaña qome nache qaỹaỹaten da Aỹem nachaỹem Nataxala', maye Aỹem Natamnaxala' na Israel le'ecpi.»

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Deuteronómio 33:28

Nache na Israel le'ecpi ỹataqta qome qaica ca ỹauotaique. Qataq na chegoxoguetpi so Jacob, netalec qome ca 'alhua maye sa qoue na trigo qataq ana uva, qaq na piguem qalaq nache chegoqtacot na 'aỹa.

Deuteronómio 33:12

Qaq da ỹanem la'aqtac so Benjamín, 'eeta': «So lauotaxat Ñim Nataxala' ỹataqta amata da nmataxac, cha'aye Ñimaye ỹataqta ntela'a somaye, ¡Nache somaye huetalec da ltelaqtaxanaxac Ñimaye!»

Ezequiel 38:8

Cha'aye qom huo'oi caua inoxoorec vi'iye, nache 'am samaq da 'auloquiaxan yem 'alhua maye huetaigui co'ollaxa da nloquiaxac, qalaxaye mashe qaltaq ỹe'eguelaxa da na'ayiñi, yem nhuo' le'ecpi maye nlagaxattac co'ollaxa, nache ỹalecta'aguet na qalota ỹotta'a't shiỹaxauapi, qataq qailaxachigui co'ollaxa, qalaxaye qaltaq ỹe'eguelaxa da laỹona't da hueta'a aye qasoxonaxapi ye Israel. Yem chegoqta'a co'ollaxa na qalota 'alhuapi, qaq nagui qalaq ỹe'emaqtac.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›